A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Mɛ eebe di tɔ lɔɔ, wɔy tɔ lam. Yɛ ɛ́ deenek ɛ́ bɛ aakwak ɛdi nɛ tsɛɛtsɛ mot ngɔt. Yɛ ɛ́ deenek ɛ́ bot ɛ bɔs’ak aagu náá, wɔy ɛ́ nadhis mɛ. Wɔ nɛ kwyɛl bɛ, dáa wɔ di ekwyɛl mɛ ɛ.
Yɛ ɛ́ mɛ di edjɛ bin ɛtiŋ ɛ na bes náá: Kwyɛlaka pak’en. Ye goka bi kwyɛlel pak’en dáa mɛ nakwyɛl bin ɛ. Bi ɛ kwyɛlel pak’en ɔɔ, yɛ ɛ́ deenek ɛ́ bot aagu náá, bi ɛ́ bɛdjekel bam.»
Bot ɛ nadi edum koŋ nɛ Zɛɛb ɔ nadi ɛ́ lyem wat tɔ ɛgwakel. Pak’ɔɔ, bɛ nadi ekekaa esa djas bɛ nadi nɛ yɛ ɛ. Bɛ nadi ebebɔmsa esa nɛ ekum bɔɔ. Bhii tak, epata ee bɛ aabela ɛ, bɛ kekaa yɛ ɛ́ pak’ɔɔ, é ɛbee ɛkwosak ɛ mot di nɛ yɛ ɛ́. Mɛlu djas, bɛ nadi esɛɛga tɔ kok Ndjaa-ebuwa ɛ Zɛɛb. Bɛ nadi ededɛ edee bɔɔ ɛ́, é di wat tɔ mendjaa mɔɔ, tin bɛ nadi edɛ ɛ́ nɛ boo mɛmyaala tɔ elyem, ààbɛ nɛ lyem ɛbet. Bɛ nadi eduwal Zɛɛb tɔ mɛdjeeb, tin, bot djas nadi ekwyɛl bɛ ɛbuɛpe. Tin mɛlu djas, Ghɛŋ nadi ebil tɔ ɛdhuu ɛ lɔɔ, bot ɛ nyɛ nadi etsik ɔ.
Sa bis nabee nɛ ɛgwak ɛ, bis ɛpegoola bin yɛ ɛ́, etɛɛ náá, bi needi sama nɛ nes tɔ ɛgwakel ɛ bis di nɛ yɛ nɛ Zɛɛb Sɛɛg dɔɔ nɛ Mɔn’ɛ Yezu Klisto ɛ.
Beeka dáa mena di egu tyee mena di egoka nɛ ɛkwyɛl bɔɔ bɛsɔ bina ɛ: Yezu Klisto naadjɛ tsik’ɛ kɔ ɛsu ɛ lena. Deenek, ye goka ɛ́ náá, menabɛlka pe baadjɛ tsik’enaka étɛp bɔn-nyɛɛg bina.
Djɛelka mɛghaaz nɛ ɛlyoel pak’en tɔ ɛdum ɛ koŋ nɛ Zɛɛb dáa bi di boozezyɛ nɛ ɛsesa ɛ.
Tin, baabela náá, mɛ kwyɛl ɛ́ mɛ di é di wat nɛ nen étɛp bot needjɛelka mɛghaaz tɔ ɛdum ɛ koŋ ɛ lenaka nɛ Zɛɛb mena dika nɛ yɛ sama’aak.
Sa mena ààkatka ɛtɔ́ pɛ ndjaa mendjaala, dáa bɛdhiiti bot moo nɛ mɛfulu mɛ ɛsa yɛ mos ɛ. Tin, mena goka ɛ́ nɛ ɛdjɛel mɛghaaz pak’enaka, etɛɛ náá, bi ɛpebee biyɔ bɛmet náá, ɛlu ɛ Ghɛŋ eezekunaa.
Kwyeelka pak’en, da bi ɛ́ bebɛpel mɛkɔm mɛ etɛp bin. Deenek ɛ, bi aakɛ dáa etsi e Klisto di elɛɛ ɛ.
Tin, é sok mena di ebela ba mɔɔ ɛpɛɛd ɛ, djhoosaka mɛnyɔ nɛ bot djas, daŋ-daŋ ɛ́ nɛ bɔn-nyɛɛg bena, bot ɛ di edum koŋ nɛ Zɛɛb ɔ.