A comunhão

23 Mbəŋ-ɔŋ bɛ mu bɔŋ, mbəŋ-aŋ bɛ mu mɔ, mbɔ bɔ̂ŋ chʉʼ kɛŋ bɛ nukə imɔʼ, wʉʉnəmbikə bɔŋleʼ chʉʼ kínə mbɔ a la kə tə́ŋ mɔ bɔŋleʼ kə kʉ̀ʉ bɔŋ haʼ ndə a kə kʉ̀ʉ mɔ.

34 Nduɔ, nɔʼ m̈ɔ kɔ́ ŋkahə fefe tʉ bii. B̈ii kʉ̀ʉ ŋwɔŋtə-ii, haʼ ndə mɔ nɔʼ kʉ̀ʉ bii, mbəŋ-yii ghɔ nɔ kie ndə məkʉ̀ʉ ŋwɔŋtə-ii. 35 Kaʼ bii kʉ̀ʉ ŋwɔŋtə-ii, i chìi wʉʉnəmbikə kínə mbɔ bii nɔ bɛ vâafɔʼɔ-bɔŋ."

44 Bʉə bənchəŋ ndə bɔŋ kə bɛ́ŋ Nyii kə́ chə̀ŋtə kəyəŋ kəmɔʼ bəchibəchi bɔŋleʼ kə́ gyʉ̀ə fɔbə ndə bɔ̂ŋ kie tʉ ŋwɔŋtə-ʉə nə mbyu wo-imɔʼ. 45 Bɔ̂ŋ kə́ fɛ̀ŋ fɔbə-ʉə kə́ gyʉ̀əhə tʉ ŋwɔŋtə-ʉə bənchəŋ, ghʉə kənu ndə i bɛ liɛŋ-bɔŋ. 46 Bɔ̂ŋ kə́ chə̀ŋtə bəchibəchi sêfu chunjaafɛ̀ʼndɛŋNyii. Bɔ̂ŋ kə́ gyʉ̀ətə fɔyubə ndəŋ futə-ʉə kə́ yú nə tʉʉjyu leʼnə fyii imɔʼ, 47 kə́ lə̀ʼtə Nyii, tʉʉ bʉə bənchəŋ bʉ̀ʉ ndəŋ bɔŋ. Tiekətʉ kə́ bìʼ bʉə-nuɔ-bɔŋ bəchibəchi ndə bɔ̂ŋ nɔʼ bɛ́ŋ Nyii.

3 Nukə ndə baʼa kə nyíɛ bɔŋleʼ yʉ́, baʼa nɔ tʉʼ lɔ̀ʼ tʉ bii ghɔ mbɔ bii chʉʼ bìa baʼa ndə njunə-yaʼa. Njunə-yaʼa nɔ bɛ baʼabə mbʉ Tie leʼnə Vaa-ɛ, Jiso Klai.

16 Bəkɔ bʉʼʉ kínə ŋkʉ̂ʉ ndəŋ yɔ̄ŋ-yə, mbɔ Jiso Klai nɔ kə kɔ́ məchimbi-i tʉ kwú bʉʼka bʉʼʉ. Bʉʼʉ kie ghɔ ndə məkɔ́ məchimbi-yʉʼʉ tʉ kwú ghɔ bʉʼka bəliŋ-bʉʼʉ.

11 Nɔ, b̈ii kə́ kwèʼhə ŋwɔŋtə-ii bɔŋleʼ bɔ́ ŋwɔŋtə-ii haʼ ndə bii tʉʼ fɔ̀ʼ nɔ.

12 Nukə ndə mɔ tʉʼ gìe nɔ bɛ mbɔ bʉʼʉ chʉʼ kwèʼhə ŋwɔŋtə-ʉʼʉ ndə məmɔʼfyiihə-ʉʼʉ ndəŋ Nyii. M̈ɔ kwèʼhə bii, b̈ii bɔŋleʼ kwèʼhə mɔ.

25 təmə lèʼnə ndə mə-kə́-chə̀ŋtə kəyəŋ kəmɔʼ fɛ, ndə bəbɛʼbʉə nɔʼ lʉ̀ bɛ nuʼ-yʉə, b̈ʉʼʉ bɔŋ kə́ kwèʼhə ŋwɔŋtə-ʉʼʉ, fɔŋ ɛŋ kə́ bɛ ndə bii tʉʼ nyíɛ ndə mbʉ kəChî Tiekətʉ tʉʼ kə́ŋhə gwè.

2 B̈ii kwáa bəliŋ-bii ndə məbɛ̀ʼ bɛʼkə-ʉə, bʉʼka kaʼ bii chìi nɔ bii tʉ́ʼ nuʼ-Klai.

10 Nɔ, kaʼ bʉʼʉ kie fia, b̈ʉʼʉ fɔ̀ʼ bʉʉ tʉ bʉə bənchəŋ, fɔŋ ɛŋ kə́ bɛ tʉ bʉə ndə bɔ̂ŋ mɔ̀ʼfyiihə-ʉə ndəŋ Nyii.