23 Miye niwe ndani yawo nawe uwe ndani yangu, naombeza watendwe wawe kintu kimwe, kwaivyo wantu wa inusi wamanye wee nee mwekuniagiiya naho wawakundisa wowo inga unikundisavyo mie.

34 Nawekha mwiko mhya, kundisaneni inga viya niwakundisavyo nywie, na nywie kundisaneni. 35 Mkakundisana, wantu wose wendawamanye nywie ni wahina wangu."

44 Wekumzumiiyao Yesu wose wakaendeeya kwekaa hamwe na kupangana vintu vyao. 45 Nee wataga vintu vyao, naho wakapangana hea kadii ya kiya yumwe ekuhungukiwavyo. 46 Wakaendeeya kukintana kiya msi he Nyumba ya Muungu na wekuwaho wada khande nee wakakintana mwe nyumba zao kwa nyemi na moyo mtana, 47 wakamtogoa Muungu wakakundiswa na wantu wose, kia msi Zumbe nee awagenyezea ntaazia ya wantu wekuwao waoholwa.

3 Tawabiikia mbui za Yesu uyo ambae nee timuona na kumtegeeza, ili muwe hamwe na swie mwe umwenga ambao tinao na Tate Muungu, na Mwanawe Yesu Klistu.

16 Swie timanya ukundiso ni mbwai, kwaviya Klistu nee kalavya ugima wakwe kwaajii yetu. Viyaviya swie takundigwa tilavye ugima wetu kwaajii ya wantu watuhu.

11 Ivyo geaneni moyo na kuambizana nywie kwa nywie inga mgosoavyo isasa.

12 Nawamba kuwa nakunda titintimizane mwe uzumizi tekuwao nao. Uzumizi wenu kwa Muungu unitintimaze miye na uzumizi wangu kwa Muungu uwatintimaze nywie.

25 Naho tesekubada kukintana hamwe inga yekuwavyo mazweeya ya wantu watuhu, iya tigeane moyo na kutendesa kugosoa ivyo kwa kadii muonavyo msi uda wa Zumbe kuwa uhehi.

2 Inga yumwe wenu anamasa yakundigwa muwambizane kwa kugosoa ivyo mndamuwe muitegeeza miagiiyo ya Klistu

10 Tiwaho na phasi ya kumgosoea yedi kia mntu, tigosoe ivyo. Akini takundigwa kuwagosoea yedi wada wandugu wazumiiyao Klistu inga swie.