A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
હું તેઓમાં અને તમે મારાંમાં, જેથી તેઓ સંપૂર્ણ રીતે એક થાય. જેથી જગત જાણે કે તમે મને મોકલ્યો છે અને જેવો પ્રેમ તમે મારા પર રાખ્યો છે તેવો જ પ્રેમ તેઓના પર પણ રાખો છો.
"હું તમને નવી આજ્ઞા આપું છું: એકબીજાને પ્રેમ કરો, જેમ મેં તમને પ્રેમ કયોઁ એવો જ પ્રેમ તમે એકબીજા પર રાખો. જો તમે એકબીજા પર પ્રેમ રાખશો તો તેથી બધા જાણશે કે તમે મારા શિષ્ય છો."
સર્વ વિશ્વાસીઓ સંગતમાં રહેતાં અને તેઓની બધી વસ્તુઓ સહિયારી હતી. તેઓ પોતાની મિલકત વેચી નાંખતા, અને જરૂરિયાતમંદ લોકોને વહેંચી આપતાં. તેઓ દરરોજ મંદિરનાં આંગણાંમાં નિયમિત એકઠા મળીને ઘેર ઘેર રોટલી ભાંગીને આનંદ તથા નિખાલસ મનથી ભોજન કરતા. ઈશ્વરની સ્તુતિ કરતા અને બધા લોકો તેમના પર પ્રસન્ન હતા, અને પ્રભુ દરરોજ તારણ પામનારાઓને તેઓમાં ઉમેરતા જતા હતા.
અમે પોતે જે જે જોયું અને સાંભળ્યું છે તે વિશે અમે તમને કહીએ છીએ, જેથી અમને પણ અમારી સાથે સંગત હોય. અને આપણી સંગત પિતા તેમજ તેમના પુત્ર ઈસુ મસીહની સાથે થાય.
તેથી આપણે પ્રેમ શું છે તે જાણીએ: ઈસુ મસીહે પોતાનું જીવન આપણા વતી આપ્યું, અને આપણે પણ ભાઈઓ અને બહેનો માટે જીવન આપવું જોઈએ.
તેથી તમે હમણાં કરો છો તેમજ એકબીજાને ઉત્તેજન આપવાનું અને વૃધ્ધિ પામવાનું ચાલુ રાખો.
એટલે કે તમને અને મને એક બીજાના વિશ્વાસથી પરસ્પર ઉત્તેજન મળે.
જેમ કેટલાક લોકો કરે છે તેમ આપણે સંગતમાં આવવાનું પડતું ના મૂકીએ, પરંતુ એકબીજાને ઉત્તેજન આપીએ, અને જેમ જેમ તે દિવસ પાસે આવતો જુઓ તેમ તેમ વિશેષ પ્રયત્ન કરો.
એકબીજાનો ભાર ઊંચકો, અને એમ મસીહનો નિયમ સંપૂણઁ પાળશો.
આથી, જેમ આપણને તક મળે તેમ આપણે સવઁનું ભલું કરીએ, ખાસ કરીને વિશ્વાસનાં કુટુંબના છે તેઓનું.