23 Ami ke mmọ, ndien Afo ke Ami, man otodo mmọ edi kiet ọyọhọ ọyọhọ, man ererimbot ediọñọ ete ke edi Afo ọkọdọñ Mi, ndien ke Afo amama mmọ nte Afo amade Mi."

34 Obufa ewuhọ ke Ami nnọ mbufo! Ema kiet eken. Nte Ami ñkamade mbufo, ntre ke mbufo enyene ndima kiet eken. 35 Edieke mbufo emade kiet eken, do ke kpukpru owo edidiọñọ ete ke mbufo edi mme mbet Mi."

44 Kpukpru mme mmọ emi ekenimde ke akpanikọ ema ekaiso ke ọkpọsọñ ebuana enyuñ ebuana inyene mmọ kiet ye eken. 45 Mmọ esinyam mme ñkpọ ye mme inyene mmọ ndien edeme okuk oro ke otu mmọ etiene nte unana owo kiet kiet ekedide. 46 Kpukpru mmọ ema ekaiso ndisobo ebiet kiet ke okure Edisana Ebiet. Mmọ ema ebuñ uyo ke mme ufọk mmọ, enyuñ edia ñkpọ ọtọkiet ke idara ye ke esit akpanikọ, 47 ke etoro Abasi enyuñ ekut unen ke iso kpukpru owo. Ndien Abasi ama akaiso ndidian ke ibat mmọ kpukpru usen mme mmọ emi enyañade.

3 Ñnyin imanam mbufo efiọk se ñnyin ikokutde ye se ñnyin ikonyuñ ikopde, man oto do mbufo ñko ekeme ndidiana ye ñnyin ke ebuana emi ñnyin inyenede ye Ete ye Eyen Esie Jisọs Kraist.

16 Ñnyin ida emi idiọñọ ima oto ke uwutñkpọ emi Kraist okowutde ke Enye ndikpa nnọ ñnyin. Ndien ntre ñnyin ñko ikpenyene ndiyak uwem ñnyin nduọk nnọ nditọ ete ñnyin.

11 Ke ntak emi, edọñ kiet eken esit, enyuñ eñwam kiet eken, kpa nte mbufo ekade iso ndinam emi.

12 Se ami ntiñde ọwọrọ ete, ami ye mbufo ikpenyene uñwam ini kiet, ami ñnyene uñwam nto mbuọtidem mbufo, mbufo ñko enyuñ enyene uñwam eto mbuọtidem mi.

25 Yak ñnyin ikuyak ido edisobo idem ọtọ kiet iduọk, nte mme usuk owo ekade iso ndinam. Utu koro eyak ñnyin ikọkọrọ iñwam kiet eken, ke kpukpru usuñ, sia ñnyin ikutde ite ke usen Ọbọñ ke asaña ekpere.

2 Eñwam ndibiom mbiomo kiet eken, ndien ke usuñ emi ke mbufo edinam se ibet Kraist oyomde.

10 Ke ntre, adaña nte ñnyin inyenyene ifet, eyak ñnyin inam eti ñkpọ inọ owo kiet ekededi, akpanakpan ye mme mmọ emi edide kiet ye ñnyin ke ekpuk mbuọtidem.