22 Mundeebo’nok ganteenek Duuchchi Woddike Goottixxe lumoxxe jaalalaxxeeten;

mararte isixxinna hara muddabaaxxen.

23 Isenna gorsa gorsa’ninna haaroxxe;

addatensha isixxinna lumoxxe.

18 Duuchchi Woddik Gootti ye’edhaake duuchchi’a,

dhugaati isoo’o ye’edhaake duuchchi’a isi shiqiken.

8 Duuchchi Woddik Gootti ifika yaada ani’a muuxaan;

Ee, Duuchchi Woddike Goottaa! Atixxi jaalala duuchchi woddixxen;

atixxe angaxxa huje waaldoxxe’e.

17 Duuchchi Woddike Goottixxi jaalala kinni

duuchchi woddinaa’n duuchchii woddi’a isoo Magenoofataakeera’niten;

qullumma sixxinna insa’nexxe oosexxe oose’n hexxaan;

18 Tenneenna assaak

isixxa kako heqqedhaakeera’ninna

isika ajaajanna muuxo’a xonxoommataakeera’niten.

18 Kunse, Duuchchi Woddike Goottixxi ille isoo sodaatakeeriba’a,

duuchchi woddixxa isixxa jaalalanna addataake manniba’a uuddaan.

28 Duuchchi Woddik Gootti dhugaatixxa murte eeyyaan;

ifika addatemalluwwanna waalabaan;

duuchchi woddi’anna insa’nee heqqaan;

fuggaaleeyyetixxi horte kinni baxxaan.

3 Gootti kinni addatemeedheeke kadeemmaxxee, isi ha’noo jabeesaan, elobaaxxenaa’ninna ha’noo heqqaan.

13 Manjoke’n geltamanxe hega uushsho malee’e wele hega uushsho ha’noo’ni gelteba’a. Xuurameesi Magen dandeetinabaa iimi darre hexxeexxi hega uushshoo ha’noo’n gelto’a waalabaan. Hega uudendinnaa woddanna eetten hega uushsho’n ossitinaasha fuldinaaka ora ha’noo’a qophpheessaan.

9 Tennexxe Duuchchi woddiki Gootti atiki Mageni Magenoke kadeexxa ege’ni; isoo eeyaakaranna ajajuwwa isikanna heqqedhaake jaalala isixxixxa kaako kuma ilaaqico’ni heqqedhaake xuurameesa Magenoni.

8 Duuchchi woddiki Gootti umi isingenni atinni wolt hedhe akeekaan: hunabaan: hara waalabaan: tennexxee sodaattoxxe: godoba gurtoxxe» hiyye.✝

17 Eloxxi uwwanna wo’ma eeba duuchcha iimii’n ifuwwiinke Annanaa’ni dirritaan; tininna daggaak gaadiddo jijjirendammashsha yookaan jijjiirensh aafebaake ifiinke Anna kadeeke Magenokenaa’niten.

34 Duuchchi Woddiki Gootti arjaken galateefatte;

jaalala isixxi duuchchin woddi’a itti jabaattee hexxaan.✝

5 Ee Dada Duuchchike Goottaa! Ati elokenna aaraarendattoken;

atee ye’edhaake duuchchi’aanna, jaalala atixxi gabala affeexxebaan.

9 Isi dheebo’weekaara dheebo fulche’eeken;

solo’weekaaranna heddo elola yaanenni goddise’eeken.

16 Ati anke golla,

rakkotixxa barranna anxe kollo kaddettaxxxee

atike uduudixxee’e faarsannon;

gorsanna atixxe jaalalaxxee’e faarsannon;

22 Ate’n a’urteexxa yaane Duuchchi Woddike Gootta’n wocci assi;

isi atee kiphe abidaan;

qullichcha manjonna haranga guggufato’a waalabaan.

3 Atee heqqa’neek mugaake kada gopheemmaxxee’e

gugguffattotaa atee waalabaan.

8 Hedheek hedhemmakinna dagaak duuchchiinxa dande’aak Gootti Mageni, «Alfaana Oomeega edikinna udumik anten» hiyyaan.*

19 Ee, koo Duuchchi Woddike Gootta! Ati duuchchi woddike mootichcha;

moote atixxi ila ila’a hexxaan.

1 Duuchchi Woddike Gootta! Ati anke Magenon;

atee lummisaannen;

summa atikanna galatefatannen;

Ati haranga mambe’a kaddeexxa yaane assiteetten;

sirendenaa’n ke’issite heddettexxa duuchcha,

hara addachchiisaake orinni muxxetten.

22 Manji halchaachchi jabaxxe jaalalan.

Dharichchake kadiyyoti mannii’ni hiyyeessa kada woyya.

13 Hamataaki manji maqo haaso’a heqqe abidaba’a,

addatemeeki manji kinni maqoti haaso’a fulchaba’a.

3 Qajeeli mannixxi balleessa afagopha insa’ne akeekka,

addatemabaaki manni kinni sobi ifingennin ba’aan.

21 «Gootti isikinna isoo ‹Elo qico hujje’eetten; ati elokinna xuurameessi erganj! Heenoxxe yaane’n xuurameessake kaddeeten, ani atee heddo yaane’n baalloonsannon. Amo atike gootixxe gammashsho’n e’yi› hiyye.

24 Ta’i qico’ni ha’no anke summinni mittechchonna kadhattinebaan: gammashsho ha’noxxi wo’mate kaddaashsha kadhatte! Adhdhitinaan.