1 Aanne'e ani'a!

Woyinetixxi gumma qocendammaxxa yanna

bonixxa woyinetixxa gumma feshshilammake manjo kadeennen;

Itatee eldaaxxi woyinetixxi rodde hexxebaan;

ani halchannoxxi umoke'ni geltaaxxi balasenna hexxebaan.

2 Mageno sodaataak manji buttate'ni gophemeen;

mittikinna midde qajeeli manji hedhebaan;

Manji duuchchi munde dhangalaaso'a gaadaan;

mitti mitting ififika dayyo marabeti fonxoraan.

3 Duuchchingixxi anga fuggoxxa assatee muxxe fuldeexxe;

galchalli anga ibirsha hasaan;

Murte muraakinna matta adhdhaan;

hunnatikiirnna eeyyeexxa assa;

duuchchingi fugoxxa assatee mala.

4 Insa'nenaa'ni woyya hiyyemaak hagalake,

hara qajeeltotenni hiyyendaaxxi qu'mudotishshate;

Ha'noke erganjuwwa'ni barra dagge'een;

Magenixxi murtetixxi barranna shiqqe'een;

insa'nexxi weekenshshatixxi yannanna shiqqe'een.

5 Ollalcho atika mee aman;

jaalo atikanna addatoxxe'e;

Welti galdattoxxe are atixxe'ni midde

haasottatoka hiyyichcho xexxe'ati.

6 Belti labbak anna ifika tuffata;

belto meyyaxxi ama ifixxe'ni

Beltiinxi ballo ifixxe'ni kexxa;

manjik naaphi ifike minike hado kada.✝

7 Ani kinni Duuchchi Woddika Gootta adatannon;

anjirallo anke kadeeka Mageno heqqedhanno;

Mageni ank hiyyannoxxa laqaan;

Isira'eeli qophphi hitaan.

8 Anke naapha ane'ni gelteexxe yaane'ni mee gammad!

ibonnolenna midde ke'anno;

Dukkanate'n ofo'lonolenna midde,

Duuchchi Woddik Gootti anke ifa kadaan.

9 Isoo balleessenaxxe,

ane'e ku'lineexxa ku'la uudee qico,

Ani'anna muraa qico,

Duuchchi Woddike Goottixxa aare adhdhanon;

Isinna ifiiba'a anee fulchaan;

aninna quullumma isixxa uudannon.

10 Naaphi anikinna tennera uuda uuda;

salphinnekanna oddo'wa;

«Duuchchi Woddik Gootti atik Magenita haba heedhe?»

hiyyammaka

Anxi ille naaphinxa iba uudda;

tenne ta'a midde,

ori giddixxe dhoqqeshsha hirbeessemma.

11 Ha'noka dalla'uwwa ijaartinaaxxi,

ha'noxxa gaballuwwaranna ba'lissitinaaxxi barra daggaan.

12 Eettene barra,

Asoorinaa'ni Gibtseke qachchuwwi qico'ni,

Gibtsenaa'ni Efiraxis qico'ni,

abbaayyatenaa'ni abbaayyatiba'a

koobatenaa'n koobatiba'a ha'noba dangaan.

13 Butta kinni huje insa'neexxenaa'ni kexxeexxa,

ise giddo hedheekixxe buutonni onake kaddaan.

14 Qofitinni gongomi giddo,

quffeexxe bakka'n hedhaakiri,

Atike qadaadike gedhebo kadeeka,

atika arda atixxe siqqonni heqqi;

Ookkone olmike barishsha,

Baasanni giddi'anna Gele'adi giddi'a bobba'uun.

15 «Gibtseenaa'ni fuldeteke barishsha,

mambe'a anka insa'ne'n leellishanno.»

16 Gosa gosak arduwwi uudaan, salphataan;

hunna ifixxa duuchcha gophaan;

Anga afo'o ifike'n tuphedha;

mansha insa'nexxinna duudda.

17 Godobik me'itammaxxe daduwwashshanna,

bofiinsha buko araaphinaan;

Ifi fixxe wolo'o giddii'n culphinsa'ni fulla;

soda'atinna Duuchchi Woddike Gootta ifike Magenba'a illee iima hinga;

ha'noonna sodaantaan.

18 Ifike qadaadixxe hafexxa

cubbo gattowwaal hiyye, walaak,

atishsha hedheek Mageni aate?

Ati duuchchi woddi'a mufataboxxo;

yaane kinni mararte leellishate'ni gammaadatton.

19 Wirri hitee no'o'a o'witatto;

cubbo no'oxxa duuchchanna lekka atixxenni haxxatton;

balleessa no'oxxa duuchchanna abbaayyatixxe dhi'mo'ni dhidhinsitatton.

20 Edike baruwwanaa'ni

annuwwa no'oke kako aageteshshanni,

Ya'iqoobi'anna addatensha atixxa,

Abiraami'anna mararte atixxa leellishatton.