Consequências dos nossos atos

12 Nuuko reero buri muntu weese azaamurikira Imaana ibyo yakoze.

6 Kuko iziituura buri weese ikurikije ibyo yakoze. 7 Imaana izaaha ubugingo buhoraho abo baakoze neeza, bagashaaka ubwiza n’icuubahiro n’ubugingo budashira. 8 Ariko abo bantu biikunda, batumvira ukuri ahuubwo bakumvira gukiraanirwa, Imaana izaabiituura umujinya n’uburaakari. 9 Amakuba n’ibyago ni byo izaateeza buri muntu weese ukora ikibi, uheereye ku Muyuuda ukageza ku Mugiriki. 10 Ariko ubwiza, icuubahiro n’amahoro ni byo iziituura buri weese ukora ibyiza, uheereye ku Muyuuda ukageza ku Mugiriki. 11 Kuko Imaana itarobaanura ku butoni.

16 Kandi ingaruka y’ubuntu bw’Imaana itandukanye n’ingaruka y’icaaha c’umuntu umwe. Kuko icaaha ca Adamu caazanye guciirwa urubanza rw’iteeka naho ubuntu bw’Imaana butuuzanira gutsindiishirizwa n’ubwo twari twarakoze ibyaha byinshi. 17 Koko reero, igicumuro c’umuntu umwe ari we Adamu caatumye urupfu rutegeka benshi. Ariko abo baahaawe ubuntu bw’Imaana butarondooreka n’impaano ye y’ubutungaane bazaakomeza gutsinda icaaha n’urupfu babikeesha umuntu umwe ari we Yesu Kristo.

Guciira Abandi Imanza

1 Ntimugaciire abandi urubanza, kugira ngo namwe mutazaaruciirwa. 2 ✝Kuko urubanza muciira abandi ari rwo muzaaciirwa, kandi urugero mugeramo ari rwo muzaagererwamo.

36 Ndababwira yuuko, ku munsi Imaana izaaca imanza muzaabazwa buri jambo ryose ry’impfaabusa mwavuze,

12 Ni koko Ijambo ry’Imaana ni rizima kandi rifite imbaraga, rityaye kurusha inkoota ifite impande ebyiri. Rihinguranya mu muntu rikagera mu mahuuriro y’ubuzima n’umwuka, no ku y’ingingo n’umushokoora. Rishoboye kugenzuura ibyo umutima wiibwira n’ibyo ugambiiriye. 13 Kandi ntaacaaremwe gihishwe imbere y’Imaana, ahuubwo byose biratwikuruwe nk’ibyambaye ubusa imbere y’uwo tuzaatangaho umwanzuro w’ibyo twakoze.