16 Â əmə, mə sə kə yu Abä ndə kə pa tshə za ə̈bə̈ ata Awotɨ azü kə e kanika tshə sə də e piii,

18 «Mə sə sə kə katə̂ e tə ayasoro ne, mə sə kə gu gâ tə̂ e.

26 Bale, Awotɨ azü nə, Âgbɔ̂ Yîrə̂ nə ə̂në Abä ə wla ətshə də əɨrɨ əmə je kɔ, ətshə kə sə̂ â yisə̂ aərə nɔ̂ kə e je, â mbrə ndə kə pa lɔsu e te gâ pâ aərə nɔ̂ ə̂në, əmə, mə pâ ndə əpʉ nə kə e gâ ye kɔ je.

26 «Alɔ ə̂në Awotɨ azü nə, ətshə ə̂në, əmə, mə sə kə za ətshə mâ ndə Abä ə wla ətshə kɔ, tə Yîrə̂ djatra əpʉ ə̂në tshə to mâ ndə Abä kɔ â na kɔ, ətshə kə pa əpʉ gâ pâ əpʉ nə̂ əmə.

7 Kandää, əmə, mə sə kə pa djatra əpʉ kə e: ə sə tə ə̂rɔ̂nə mbrə e ndə kə pa, əmə, mə ro. Mbrə ə̂në kədə mə ro ro gu na ye ne, Awotɨ azü nə sə sə kə na gâ tə̂ e ne. Bale, kədə mə ro gu na ye, mə sə kə wla ətshə kə e.

3 A tɔ̈lɔ Ndjapä tə Abä Âgbɔ̂ Əyïngerə nə̂ əzə̂ Jezu Kristə, tə Abä ə̂në tshə wu əyo azü ə wu kɔ, ndje tə Ndjapä ə̂në tshə tru ngɔla azü ə tru lə aərə nɔ̂ kɔ! 4 Tshə sə kə tru ngɔla əzə̂ lə aərə əyo nə̂ əzə̂ nɔ̂, ndə kə pa kʉ mata ə̂në tshə tru ngɔla əzə̂ nə kɔ, a tru ndje ngɔla azü ə̂në əndje sə lə aâkâ aərə əyo nɔ̂ kɔ.

5 Mbrə ə̂në äwä bale ndje ə̂në əzə̂ sə kə wu əyo ngbatshe mata Kristə nə kɔ, Kristə nə ndje sə kə tru ngɔla əzə̂ ngbatshe ndje rə.

5 Ndjapä nə, ə̂në tshə mbrə̂ â əzü ə ru tshelə ye kɔ, ə̂në tshə gbɔgbɔ əzü kɔ, tshə zä äwä kə e ndə kə pa aəpʉ lɔsu e sə kʉ bale lə takpa tə̂ e ə lï də əpʉ ə̂në Jezu Kristə yîsə̂ nə gâ ye kɔ.

16 Əgo sə sə kə mi əndje kwatəndje ne, əgo ə̂ngû sə sə kə mi əndje kwatəndje ne;

alɔ sə sə kə tɔ əndje kwatəndje ne wala ə̈bə̈ kə wo ətshe ə wo wo tə̂ əndje kwatəndje ne.

17 Mbrə ə̂në Aya Ndalimi nə ə̂në tshə sə ə̂grû tə̂ mbata ngerə nə kɔ

ə bata əndje də rəgo je

ə na də əndje gâ tə̂ kumu ə̂ngû sorô je,

â Ndjapä ə tru ngɔla nɔ̂ lə ala əndje je.»

4 Ənə̂ əndje tə ə̂rɔ̂nə,

azü ə̂në əndje sə kə kɨ nə kɔ,

mbrə ə̂në Ndjapä ə tru ngɔla əndje je!