1 A̱sula̱ a ɗa uba̱ta̱ wu upa’atan

u tsu nu ucira u tsu,

ufoɓu u ɗa u ri tsa̱ra̱ u kamba tsu

a mantsa ma̱ a̱tsuma̱lima̱ suru.

1 Za na suru 'ya̱wa̱i uba̱ta̱

u Mogono ma̱ A̱sula̱ adama a mapari,

u ta̱ e ivuwan, za̱la̱ vu ululu

u Mogono me ili suru.

2 N ta damma A̱sulazuva,

<<A̱vu ɗa upa’atan

nu uɓaɓu wu ucira u va̱,

a̱vu ɗa A̱sula̱ a̱ va̱,

ya̱’a̱ wu ɗa n zuwai ucira u va̱.>>

3 Amayun u ta wawa wu,

diga a maza ma za vu ugenge,

na̱ mɓa̱la̱ nna ma̱a̱ ta̱wa̱a̱ wu nu ukwisa̱.

4 U ta pala wu ne evelu a̱yi,

za̱la̱ va̱ e evelu a̱yi waru,

vu ta̱ tsura̱ upa’atan.

Waru amayun a̱ yi

a̱ tu uka̱nda̱ruwu na̱ vu,

a yuwusan wu mapari.

1 N ciga wu ta̱ A̱sulazuva,

a̱vu ɗa ucira u va̱.

2 A̱sulazuva a ɗa aatali o upa’atan u va̱,

ukari u va̱ na̱ zamawawa va̱.

A̱sula̱ a̱ va̱ a̱yi ɗa aatali o upa’atan u va̱,

uba̱ta̱ wa̱ yi u ɗa n tsu pa’an.

A̱yi ɗa a̱a̱ra̱ga̱ a̱ va̱ na aavana e iwawi i va̱,

waru upa’atan u va̱.

3 N tsu ɗe ta̱ A̱sulazuva,

za na rawai ica,

waru u tsu wawa mu ta̱ e ekere a n’yuwatan n va̱.

1 Vu ka̱lyuwa̱ mu A̱sula̱,

adama a na a̱vu ɗa upa’atan u va̱.

1 A̱sulazuva a ɗa ekan a̱ va̱

ni iwawi i va̱,

wovon wa zane ɗa maa uwwa?

A̱sulazuva a ɗa upa’atan u va̱,

wovon wa zane ɗa maa uwwa?

2 Mantsa ma na a̱za̱ e iwuya

a̱ riya̱a̱ numu,

tsa̱ra̱ o una a̱mu,

a̱ ta̱ ta̱ɗa̱tsa̱ a̱vu a̱ riya̱.

3 Ko na̱ shi o oɓolo a̱ a̱soja

a̱ ka̱nda̱ruwa̱ mu,

okolo a̱ va̱ a da’wan shi.

Ko na̱ shi a̱ riya̱a̱ mu ta̱ nu uvon,

na̱ ne suru n ta̱ da̱na̱ na asuvu nven.

1 A̱sulazuva ya̱’a̱ wu ɗa n tsura̱i,

uba̱ta̱ wu upa’atan wu ucira,

she vu lyawa mu,

mu uwwa wono wan.

Vu wawa mu

a̱tsuma̱ a̱ a̱ɓula̱ a̱ wu.

2 Vu zuwaa mu atsuvu!

Jika̱ vu wawa mu!

Lyawa vo o’wo mu

aatali o upa’atan wu ucira,

ukari wu ucira

u na waa wawa mu.

3 A̱vu ɗa upa’atan u va̱ na̱ mapari ma̱ va̱

vu ronoo mu aaɗanga cine vu yuwain nzuwulai.

4 Vu wawa mu a̱tsuma̱ a maza

ma na azuwaa numu,

adama a na a̱vu ɗa

uba̱ta̱ wu upa’atan wu ucira u va̱.

5 E ekere a̱ wu a ɗa

n zuwai wuma u va̱,✝

A̱sulazuva vu wawa mu,

A̱sula̱ a̱ a̱ɓula̱.

3 Vo o’wo mu aatali o upa’atan wu ucira,

uba̱ta̱ u na ma̱a̱ da̱na̱ a̱a̱ 'ya̱wusa̱ kuci.

Vu ca udammu a wawa mu,

adama a na a̱vu ɗa aatali a̱ va̱,

nu ukari wu ucira u va̱.

8 U la’a ta̱ a zami upa’atan,

uba̱ta̱ wa̱ A̱sulazuva,

a na a zuwaa vuma ucira.

9 U la’a ta̱ a zami upa’atan,

uba̱ta̱ wa̱ A̱sulazuva,

a na a zuwaa azagbain a ama ucira.

5 Okolo a̱ va̱ vu zami wivuwun goon uba̱ta̱ wa̱ A̱sula̱,

adama a na a̱ yi ɗa goon waa casu mu ukadu.

6 A̱sula̱ a ɗa goon aatali a̱ va̱

ni iwawi i va̱,

uba̱ta̱ wu upa’atan wu ucira u va̱,

babu ili i na ya̱a̱ jinga̱ɗa̱ mu.

7 Iwawi i va̱ na̱ tsugbain tsa̱ va̱

a̱ ta̱ uba̱ta̱ wa̱ A̱sula̱ goon,

A̱yi ɗa aatali o ucira a̱ va̱,

nu upa’atan u va̱.

8 A̱ɗu ama i ca A̱sula̱

okolo a̱ɗu mantsa suru.

I damma yi okolo a̱ ɗu,

adama a na a̱yi ɗa upa’atan u tsu.Wivuwun

17 A̱sula̱, a̱vu ɗa ucira u va̱,

n ta canaa wu ishipa yi ica,

a̱vu ɗa upa’atan wu ucira u va̱,

za na o rocosu mu icigi i na i tsu vadala shi.

1 A̱sulazuva*, a̱vu ɗa uba̱ta̱ wu nden n tsu,

diga a mantsa a̱ tyo a mantsa mo ro.

2 Kafu a yuwan nsasan,

kafu vu yuwan uvaɗi,

a̱vu ɗa A̱sula̱ a na a̱ ri

nu ufaru ko ukosu shi.

9 A̱sulazuva a ɗa uba̱ta̱ wu upa’atan,

uba̱ta̱ wu upa’atan wa aza a na o ɓongishi,

a̱yi uba̱ta̱ wu upa’atan u ɗa a mantsa ma addama.

10 Aza a na e revei Aala a̱ wu

a ta zuwusa ucira ule ya̱’a̱ wu,

agba vu tsu vari a̱za̱ e izami ya̱ wu shi.

7 A̱sula̱,

te ɗa iroci i tsugbain tsa̱ e icigi ya̱ wu za na tsu vadala shi!

Vaɗilima̱ tsu tsura̱ ta̱ uba̱ta̱ u na waa pa’an,

za̱la̱ vu ululu wa̱ evelu a̱ wu.

7 A̱sulazuva za vi isa’ani i ɗa,

uba̱ta̱ wu upa’atan wu ucira

a mantsa ma addama.

Waru u ta aɗa aza a na a zuwai ucira u le ya̱’a̱ yi.

4 Adama a na a̱vu ukafata wa̱ a̱za̱ o ulambu u ɗa, ukafata wa aza a na a̱ ri e izami yi ikambishi pe a̱tsuma̱lima̱ e le. Vo o’wo le ta̱ upa’atan e ekere a̱ wunla̱, waru vo o’wo le ta̱ ululu diga o usuɗuwu wu urana. Adama a na wivuwun wa aza a wuya u ta̱ tsu upepu u wunla̱ u na u tsu fabasa uɓaɓu,