9 ምና፤ ጻላ! ነ ብያሳኣ ኡባን ታን ጎዳይ ነ ጾሳይ ኔናና ደእያ ድራዉ፥ ያዮፓ! ህርጎፓ! ጋደ ታን ኔና አዛዛድ" ያጌዳ።

5 ኔን ደኤዳ ላይ ኡባን አይ አሳይነ ኔና ኦለቲደ ተኤና። ታን ሙሴና ግዴዳዋዳን፥ ኔናናካ ግዳና፤ ታን ኔና ኡባካ የግከነ አግከ።✝ 6 ምና፤ ጻላ! አያዉ ጎፐ፥ ታን ኡንቱንቱ ማይዛ አዋቶ እማና ጋደ ጫቄዳ ጋድያ ኔን ሀ አሳ ላትሳናሳ።✝

6 ምንተ፤ አይነ ባዋ፤ ያዮፕተ። ኡንቱንታ በኢደ ዳጋሞፕተ። አያዉ ጎፐ፥ መና ጎዳይ ህንተ ጾሳይ ህንተናና ግዳናዋ። እ ህንተና የገና ዎይ አገና" ያጌዳ።

10 ታን ኔናና ደእያ ድራዉ ያዮፓ፤ ታን ነ ጾሳ ግድያ ድራዉ ዳጋሞፓ። ታን ኔና ምንሳና፤ ቃይ ታን ኔና ማዳና። ታን ኔና ታ ጾንያ ኡሸቻ ኩሽያን ዘምፕሳደ ኦይቃና።

20 ታን ኔና ሀ አሳዉ ናስያ ግያ ብራታና ግምበቴዳ ግምቢያ ኦና። ኡንቱንቱ ኔናና ኦለታና፤ ሽን ኔና ጾንክኖ። አያዉ ጎፐ፥ ታን መና ጎዳይ ኔና አሻናዉነ ዎ አካናዉ ኔናና ደአይ።

12 ሄዋን መና ጎዳ ኪታንቻይ አዉ ቤቲደ፥ "ላ ነኖ፥ ምኖ ኦላንቻዉ፥ መና ጎዳይ ኔናና ደኤ" ያጌዳ።

5 ሚሻ ሲቁዋፐ ህንተንታ ናግተ፤ ህንተንቶ ደእያዌ ህንተንቶ ግዶ። አያዉ ጎፐ፥ ጾሳይ ባረ ሁጰዉ፥

"ታን ኔና ኡባካ የግከ

ዎይ አግከ"

ያጌዳ።✝

20 ታን ህንተንታ አዛዜዳባ ኡባ ኡንቱንቱ ናጋና ማላ፥ ኡንቱንታ ታማርስተ፤ ታን ዎድያ ዉርሰይ ጋካናዉካ ኡባ ዎደ ህንተንቱና ደእያዋ አኬክተ" ያጌዳ።

16,17 ጾሳይ ባረ ቦንቹዋ ዳሩዋዳን፥ ባረ ጌሻ አያናን፥ ህንተንቶ ህንተ ጋርሳ አሳተን ህንተ ምንያ ዎልቃ እማናዳንነ፥ ቃይ አማኑዋ ባጋና ክርስቶስ ህንተ ዎዛና ባረ ጎልያ መናዳን፥ ታን ጾሳ ዎሳይ፤ ቃይካ ህንተ ጻጱዋ የዲደ፥ ቶከቲደ ሲቁዋን ምናናዳን፥ ጾሳ ዎሳይ።

16 ህንተንቱ ጾሳይ አቅያ ጌሻ ጎልያ ግድያዋነ ጾሳ አያናይ ህንተንቱን ደእያዋ ኤርክቴ?

20 በአ፥ ታን ካረን ኤቃደ ጼሳይ። ኦንነ ታን ጼስያዋ ስሲደ፥ ካርያ ዶዮፐ፥ ታን አኮ ገላደ አናና እትፐ ካዉዋ ማና፤ እካ ታናና እትፐ ማና።

38,39 አያዉ ጎፐ፥ ሀይቁዋ ግድና፥ ደኡዋ፥ ኪታንቻቱዋ ግድና፥ ሞድያዋንታ፥ ሀእ ደእያዋንታ ግድና፥ ስንፐ ያናዋ፥ ዎልቃማቱዋ ግድና፥ ቦላ ሳሉዋ ግድና፥ ጋርሳ ሳኣ፥ አይ መታ ግድናካ፥ ኑ ጎዳ ክርስቶሳ የሱሳን ደእያ ጾሳ ሲቁዋፐ ኑና ሻካናዉ ዳንዳየናዋ ታን ኤራድ።