Dificuldades

Tinggwang au anui kensiube

1 Tinggwang au anui nsiube nah kengkieng,

keherei tingdau nghabeu la.

2 Ciziemne anui ngngi dilak, kideube nnui teudi liede,

lamlwatudung jaaidi kecuk gage kelien gaidi liede,

3 pe duidung mra nah pe rata di liede, nah

lamlwatudung mma kecu ziemne mbeu di liede.* Selah

2 Ih RAMPAUBE ha rangzie, "Pa a kemsiube nah acu kegumbe,

a Tinggwang, Ih nlumla kelabe."

8 Peting pelane Tinggwang de nlum bamlu, nnui minadung;

pe dwa gage n nlung de sau gailu;

Tinggwang au anuide kegumbe. Selah

9 RAMPAUBE mine ngau rau kelame ziemne kensiu ge zie,

keherei kecu tingdau kensiu ge.

10 N zi ci kecume ncu nlum la,

kedanemene nang, RAMPAUBO, ncu peei gwang kelame de gidi la kemakne.

9 Nang nswak kebam jaaidi reu di;

duicuidung nswak cuh kecudau, nang penuide kezeu lula.

4 Kecehu ga kebam RAMPAUBE au,

dui kekiee kwadung swade diki,

yeo, jaadi cuidung kedi swade.

29 Pa tingkai kaici de kaam dige

nah duicui zing dedi.

35 Caune Khrista keku gade anuide teuntsam lulai? Keherei, mede hepüt kerüt, mede sah kegai, mede kemzeu, mede paini kegah, mede kengngi, mede kiengtie ne zieni? 36 Kesanglaisiu ga rauteukela nzwa,

"Nnui kemmi ziemne anuide petingnai teitset bam dida.

Anuide au cetpwa meurünna daptset keradung gede nzwabam dida."✝

37 Dede ma aidung pelane ga anui au anuide kukelabe gade ngkiengkelu reu ngkieng kelume ge dida. 38 Kedanemene Ih cisiakte luda ketsai liede, mede kering, mede tinggimgwame, mede kengkiengdung, mede cu kebamdung, mede gwangdai kerabedung, mede kengkiengme, 39 mede kecehu, mede kecok, mede damkelu keheibe de, anui Rampaube Khrista Jisu gade Tinggwang keku de gade anuide teuntsam gailak.

16 Hebiceu de mta dima, mede pe bung gade maca lwata dima, RAMPAUBE sam rang kebeu nzwa, Elijah dage rang kebeu nzwa.

39 Pa hemwa de kesung ge tei eh teizang gaibeu

nah tingmui gi mbaa kera mi teigai beu.

40 Israelme ketyeipok kie, ge pa nruinedung langgai beu

nah pa penuide peu tyeinggeilu kerane tinggim gade tangku peu.✝

41 Pa tsura ngkei gai, ge dui lwapet;

hereuki ge nzwa hetaideu ga lwa nghung.*

25 Ih piage hena bam nah cu au hecing dida;

Kesamsangme de gi kedi madauge de Ih ngau ma,

mede pe namedung maha tyei la eh.

18 Tingnaige cai tingnaige RAMPAUBE mau kemakme mapie bamla,

nah penui mapwa kelungta bamzie.

19 Penui peting kesiadau ngngam dilak.

Herakum gwang liede, penui tyei maisia kieege bam zie.

3 Ih hangdeu hereu kelade gage hedui ruigai zie, nah hangdeu kecangh ga reuceudung peu lwamie zie kecune;

Ih n dade lunggwang kelume dage a Rabe ruigai zie, nah n name dage a samlam.*

4 Kedanemene nang kegahme de gum kwak kebeu ni ge lu,

keherei kebamme ge teu maikesia kegumbe,

rahang gade gum kebeube nah tingcie gade sung kebeube.

Ngaugiakegah cuingi de au rahang ge hangbie de ketang kecu dau nzwa,

6 Cide tingna kelum gade nsiu lu kera ziemne pesung ge,

nah tingkai nah tingrui gade kwak nah gum luzie.

2 Nang duidung ga kahpet kecu dau, Ih ncu ngngwa la zie; nah hereuki dung kahpet kecu dau penui nreu ngam di lak.

Nang mi ga kah pet kecu dau ncu ru dilak, nah miheu dung ne ncu tei msia di lak.

8 Anui kehei leuga keherei bam dida, dede pungpai gailak dima. Anui sui mang dida dede suihak gah dima. 9 Anuide teikeherei süt dede püt dima. Anuide teingkau mie dede teimsia dima.

7 Rampaube au yi, keherei tingdau minadung de gum beula; nah pa peda nreu kegwangme ma piela.

8 Pa hemwa kesiu gage duidung de dumlu,

dede perüt de ziemne hemwadung pangdi ma.

9 Pa hekei zu de gumlu

nah pa hemwa de zang gai.

10 Pa dui gu rai de riet twa gwa lu

kemui penai kebaa kak de nzwa.

21 Kenret kendam gade ncu kebai beu zie;

nah kengkap cide kegwang dau de nang ngngi dilak.

26 Jisu penui dage rangdi, "Daitei nnui ngngi lano, nnui kenlum kecamnadung?" Iciu eh pa cuhlu delwe tingkai nah jaaidi de kesiugai. Ge ngkaam zingdi. 27 Dede minadung penui macangdi eh hangge ge dage rangdi, "Mina aipaude daikenzwa kauge no ai, tingkai nah jaaidi kecang de pesam mzai kecu?"

30 Dede Tinggwang luh ga tseheidung cu lungh gai eh ncünne keru bam gage kaidi kela dede pepwa tei hemisüt beucai, pa nnui pwa ciswade tei hemi ki beulak luini, nnui kenlum kecammedung? 31 Ciziemne nnui, ‘Anui dai tyeilai?’ mede, ‘Anui dai saklai?’ mede, ‘Anui dai paini teulai?’ de eh nnui lung pang so.

6 nah mipui de hetaideu gage pak gaidi, cika pa Tinggwang ne heni mtei kebeu ge bam, ciciu eh pecu tingba zie 1,260 ge pe ma pielu kerane.

19 Ainie, Ih nnuide heneidung nah heruinegapuidung reude daulu kebui, nah nnui ngauraume reude kengkieng peu dida, nah magede nnuide tei rezam lak.✝