Encorajamento
O encorajamento é uma das vocações mais lindas do cristão. A Bíblia transborda de palavras de ânimo: não temas, levanta-te, Eu sou contigo. Deus nos encoraja para encorajarmos outros.
Não temas
Deus diz repetidamente: não temas, Eu sou contigo. Ele fortalece, sustenta e caminha ao nosso lado em cada desafio.
Deus está conosco
Se Deus é por nós, quem será contra nós? Tudo posso naquele que me fortalece. Ele nos encoraja pela sua presença.
Mena aakabaake dáa? Yɛ bɛ náá, Zɛɛb ɛ́ pɛ yenabɛl kyee ɔɔ, ɛzɛ aabaadi nɛ ghwyil ɛkwak mena?
Etɛɛ náá, Sisim bi bela ɛ, ye tok Sisim di ewa bin tɔ ekwom nɛ ɛbaadjɛ bin bwoo ɔ. Deenek, Sisim bi nabela ɛ nasa náá, bi di bɛtɛtɛ bɔn ɛ Zɛɛb, yɛ ɛ́ kɔ ɛsu ɛ Sisim yenek ɛ mena di eben gwood, étɛp ɛtsim: «Abha!» Ye kwyɛl ɛlɛɛ ɛ́, «Saagam!»
Ye goka ɛ́ náá, mot nɛ mot sa sa di náá, mɔɔ sɔ aamyaala nɛ yɛ ɛ, étɛp ye neenyɔ nɛ nɛ, ye neekwyee nyɛ é ɛtɔ́ sok tɔ ɛdum ɛkoŋ nɛ Zɛɛb.
Beta náá, Zɛɛb mot di edjɛ bot zii nɛ mɛghaaz ɔ sa náá, bi di tɔ ɛgwakel pak’en dáa Yezu Klisto di esa nɛ nen ɛ.
Deenek, mɛ ɛ́ nɛ gwyes ɛboma nɛ nen dhaa tyɛ, étɛp bi neebela ɛkɛɛ ɛ Sisim na Dɛɛ, étɛp bi neebela mɛghaaz. Tin, baabela náá, mɛ kwyɛl ɛ́ mɛ di é di wat nɛ nen étɛp bot needjɛelka mɛghaaz tɔ ɛdum ɛ koŋ ɛ lenaka nɛ Zɛɛb mena dika nɛ yɛ sama’aak.
Tin, mɛ ɛ́ nɛ ghwyil ɛsa esa binek djas, etɛɛ náá, Klisto ɛpedjɛ mɛghwyil.
Tin, mɛ ɛ́ nɛ ɛbwaalel náá, Zɛɛb mot nakan embɛɛ mɛsa mak pak’en ɔ, nyɛ aatɔ́ nɛ yɛ kɛkum ɛsik ɛ tak, dwoo ɛbula ɛ Yezu Klisto.
Mot ɛ di tɔ ɛgwakel nɛ Klisto ɔɔ, mot yenɔk moo ɛ́ mot na bes. Etɛp e na mwa eesi tɔ lɛ, nyɛ moo ɛ́ tɔ etɛp e na bes.
Dum nɛ tɛp tak ɛ́ bis di ààbula pɛ bhis. Ye nakoozodi náá, mɛnyel mes ɛpetɔ́ nɛ ɛsila batsa-batsa, é di’enek, Zɛɛb ɛpedjɛ esisim bis mɛghaaz mɛlu djas.
Deenek, bɔɔ mezuk mɛ bis di emaad é ba mɔɔ ɛwala ɛlak’aak aabodi ɛ́ si. Bis ɛ́ waabela boo duma kɔ ɛsu ɛ mezuk mɛ tak. Duma tak aadi ɛ́ kɔm-kɔm sii nɛ kɔm. É ghɛŋ bis di etaala duma bot aabela ɛ, mezuk menek tok dhiiti vaŋ sonok.
Tin, menabɛlka bot ɛ di nɛ ekum e tak ɔ, mena bɛpka yɛ ɛ́ tɔ mɛbhe mɛ dyak. Mena saka deenek ɛ́, étɛp ɛlyaal náá, boo mɛbwala mɛ tak dus ɛ́ pɛ daa Zɛɛb, ààkabɛ náá, ye dus ɛ́ pɛ daa les. Bis naasusaa mbee mɛsusa, tin, bis nabɛ ɛ́ ààtwakaa. Bis nadi ɛ́ nɛ ba tɔ elyem, tin, bis nadi ɛ́ nɛ ɛbwaalel. Bis naatiigaa, Zɛɛb nabɛ ɛ́ ààdhuugal bis. Bis naadumaa si, bis nabɛ ɛ́ ààgwyɛ. Tsɛɛtsɛ, mɛlu djas, bis nadi ebebɛp mezuk mɛ ɛsyee ɛ Yezu tɔ mɛnyel mes. Etɛɛ náá, tsik ɛ Yezu neenyen tɔ mɛnyel mes. Ye nakoozodi náá, bis ɛ́ nɛ tsik, bot ɛpewun ɛgó bis kɔ ɛsu ɛ Yezu, etɛɛ náá, tsik ɛ Yezu neenyen tɔ mɛnyel mes, mɛnyel mɛ di náá, yɛ waaboogwyɛ ɛ.
Mena nɛ guka sa ɛlooba nɛ Ghɛŋ di ekwyɛl ɛlɛɛ ɛ. Dum nɛ tɛp tak ɛ, mena di esaa náá, bot ɛ bɔs dum koŋ nɛ nɛ. Deenek, Zɛɛb nɛ gu mena ɛnyɔɛpe, mɛ nɛ gu náá, biyɔ pe, bi nɛ baagu mɛ ɛnyɔɛpe tɔ ebhum elyem bin. Bis ààpabaasaa ɛlyaal ɛ mɛnyel pɛ daa len, tin bis kwyɛl ɛ́ ɛlyaal bin ɛ́, ze étɛp bi neediig bet kɔ ɛsu ɛ les. Deenek ɛ, bi aabela ghwyil ɛbɔɔza nɛ bot ɛ di eghɛɛ mɛnyel kɔ ɛsu ɛ esa ee di ebeeaa nɛ mis, ààbee esa ee di tɔ ebhum elyem bɔɔ ɛ. Yɛ bɛ náá, bis ɛpelyet ɔɔ, yɛ ɛ́ kɔ ɛsu ɛ Zɛɛb. Tin, yɛ bɛ náá, bis ɛ́ nɛ tɛtɛ esiiza ɔɔ, yɛ ɛ́ kɔ ɛsu ɛ len. É di’enek, kwyɛl ɛ Klisto ɛ́ tɔ elyem bena, etɛɛ náá, mena nɛ guka náá, mot ngɔt naagwyɛ étɛp bot djas. Deenek, menabɛlka djas pe eezegwyɛ sama nɛ nɛ. Nyɛ nagwyɛ ɛ́ étɛp bot djas, etɛɛ náá, bot ɛ di nɛ tsik ɔ, bɛ ààdi nɛ tsik étɛp’ɔɔ met. Tin, bɛ di nɛ tsik ɛ́, étɛp mot nagwyɛ da gom étɛp’ɔɔ ɛ.
Étɛp tak ɛ ye di náá, bis aanàbaabee mot nɛ mis mɛ epuud. Ye nakoozodi náá, é ghɛŋ sok, bis nabee Klisto ɛ́ nɛ mis mɛ epuud, nenak, bis ààkabee nyɛ deenek. Mot ɛ di tɔ ɛgwakel nɛ Klisto ɔɔ, mot yenɔk moo ɛ́ mot na bes. Etɛp e na mwa eesi tɔ lɛ, nyɛ moo ɛ́ tɔ etɛp e na bes. Etɛp binek djas dus ɛ́ pɛ daa Zɛɛb. Yɛ ɛ́ nyɛy ɛ di mot nadhis Klisto étɛp ɛbulal ɛgwakel pak mena nɛ nɛ ɔ. Bhii tak, nyɛ naadjɛ mena mɛsa mɛ ɛkɛgoola bhaadal ɛ ɛbulal ɛgwakel nɛ nɛ. Zɛɛb nadhis Klisto ɛ́, étɛp ɛbulal ɛgwakel pak bɛ nɛ bot ɛ bɔs. Nyɛ nasa deenek ɛ, étɛp nyɛ needi ààkabaabis mesyem mɛ bot. Nyɛ eekyeed mena étɛp ɛkɛgoola bhaadal ɛ ɛbulal ɛgwakel nɛ nɛ.
Bis moo ɛ́ engoola-ngoola ɛ Klisto. Zɛɛb nyɛy nyɛ ɛmet ɛ di edjóo bin tɔ mɛkpa mɛ bis di egoola bin ɛ. Bis ɛpedjaala nɛ nen nɛ din ɛ Klisto náá: «Myaalka ɛbulal ɛgwakel nɛ Zɛɛb.» Klisto nabɛ ɛ́ ààbɛ nɛ mesyem. Tin, Zɛɛb naanɔɔ mesyem mena, djɛ nyɛ. Zɛɛb nasa deenek ɛ, etɛɛ náá, mena needika bot ɛ epiki é mis mɛ.
Yɛ bɛ náá, mot ɛpekwyɛl ɛgwyena sonok nɛ mbɛɛ lyem ɔɔ, Zɛɛb ɛ́ waamyaal ɛkɛɛ ɛ lɛ. Etɛɛ náá, nyɛ djɛ ɛ́ djala nɛ bim nyɛ bela ɛ, ààbɛ dum nɛ sa nyɛ di ààbela ɛ.
Djhooduwalka Zɛɛb, Sɛɛg ɛ Ghɛŋ’enaka Yezu Klisto. Nyɛ ɛ́ Sɛɛg’enaka mot di nɛ ghoŋ nɛ bot ɔ. Nyɛ ɛ́ Zɛɛb mot di edjɛ bot mɛghaaz sok membi mɛ etɛp djas ɔ. Nyɛ nɛ djɛ mena mɛghaaz tɔ membi mɛ mezuk djas, etɛɛ náá, mena needjɛka pe bɛdhiiti bot ɛ di tɔ mezuk ɔ mɛghaaz. Yɛ bɛ náá, mena ɛ́ nɛ mɛghaaz mɛ ɛsa deenek ɔɔ, yɛ ɛ́, etɛɛ náá, Zɛɛb ɛ nanyɛl ɛdjɛ bis mɛghaaz mɛ tak sok.
Ânimo nas lutas
No mundo tereis aflições, mas tende bom ânimo — Eu venci o mundo. O Senhor é refúgio seguro em toda tribulação.
Mɛ lɛɛ bin etɛp bak djas ɛ́, étɛp bi needi tɔ egwyem, é ghɛŋ bi aadi tɔ ɛgwakel nɛ nam ɛ. Bi ɛ́ waazukaa nɛ ɛtiigaa kɔ bɔs’ak. Tin, saka mɛghaaz, etɛɛ náá, mɛ naazekwak etɛp e bɔs’ak djas.»
Mɛ lɛɛ bin etɛp bak djas ɛ́, étɛp bi needi tɔ egwyem, é ghɛŋ bi aadi tɔ ɛgwakel nɛ nam ɛ. Bi ɛ́ waazukaa nɛ ɛtiigaa kɔ bɔs’ak. Tin, saka mɛghaaz, etɛɛ náá, mɛ naazekwak etɛp e bɔs’ak djas.»
Mɛ lik bin ɛ́ egwyem. Yɛ ɛ́ egwyem bam ɛ mɛ di edjɛ bin. Mam ààpadjɛ bin yɛ dáa bot ɛ bɔs’ak di djɛ ɛ. Sa mot ààbem ba. Sa mot ààdi nɛ bwoo.
Mɛ lik bin ɛ́ egwyem. Yɛ ɛ́ egwyem bam ɛ mɛ di edjɛ bin. Mam ààpadjɛ bin yɛ dáa bot ɛ bɔs’ak di djɛ ɛ. Sa mot ààbem ba. Sa mot ààdi nɛ bwoo.
Ye tok nɛ bwoo tɔ kwyɛl, tɛtɛ kwyɛl nɛ dis bwoo. Etɛɛ náá, mot dyeebadi nɛ bwoo ɛ, é ghɛŋ nyɛ di tɔ bhwood feŋ ɛ. Mot di nɛ bwoo ɔ, nyɛ ààgu sa di edjóoaa tɛtɛ kwyɛl ɛ.
Promessas de conforto
Vinde a mim os cansados e sobrecarregados. Lança sobre Ele tuas ansiedades, pois Ele cuida de ti.
Biyɔ, bot ɛ zewak étɛp ɛbɛp edil-dil mɛkɔm men ɔ, dhaka pɛ daa lam, mɛ needjɛ bin ɛwala.
Nàkaabka sa di egó epuud ɛ, etɛɛ náá, bɛ aanàkwaagó sisim. Bi goka ɛ́ nɛ ɛkaab ɛ Zɛɛb mot di nɛ ghwyil ɛgó sisim nɛ epuud tɔ du na kɔm-kɔm ɔ.
Djɛka etɛp bin djas tɔ mɛmbɔ ɛ Zɛɛb, etɛɛ náá, nyɛ waadjɛ bin sa bi di nɛ gwyes tak ɛ.
Yɛ ɛ́ étɛp tak ɛ bi di nɛ mɛmyaala ɛbuɛpe, ye nakoozodi náá, bi ɛ́ tɔ ghoŋ tɔ bim mɛlu mak, etɛɛ náá, bi ɛ́ ɛpeboma nɛ membi mɛ mɛbhowal djas.
Deenek, ɛzɛ aasa bin ɛbiyo, yɛ bɛ náá, bi nɛ sa enɛm esa nɛ lyem wat ɔɔ? Tin, yɛ bɛ náá dhiiti dwoo bi ɛpezuk, étɛp enɛm esa ee bi nadi esa ɔɔ, yɛ ɛ́ tin ɛ mɛvu étɛp’en. É di’enek, sa bi ààdi nɛ bwoo nɛ bot, sa bi ààdi zɛm-zɛm.
Encorajar uns aos outros
Encorajai-vos mutuamente e edificai-vos uns aos outros. Não desanimemos — a bondade do Senhor é nova a cada manhã.
Djɛelka mɛghaaz nɛ ɛlyoel pak’en tɔ ɛdum ɛ koŋ nɛ Zɛɛb dáa bi di boozezyɛ nɛ ɛsesa ɛ.
Djɛelka mɛghaaz nɛ ɛlyoel pak’en tɔ ɛdum ɛ koŋ nɛ Zɛɛb dáa bi di boozezyɛ nɛ ɛsesa ɛ.
Djhookwyɛɛgelka pak’enaka étɛp ɛdjɛel mɛghaaz tɔ kwyɛl nɛ ɛsa enɛm esa. Sa mena ààkatka ɛtɔ́ pɛ ndjaa mendjaala, dáa bɛdhiiti bot moo nɛ mɛfulu mɛ ɛsa yɛ mos ɛ. Tin, mena goka ɛ́ nɛ ɛdjɛel mɛghaaz pak’enaka, etɛɛ náá, bi ɛpebee biyɔ bɛmet náá, ɛlu ɛ Ghɛŋ eezekunaa.
Yɛ ààgoka náá, gwyes epata djɛɛd bin. Ye goka ɛ́ náá, bi myaala nɛ esa bi di nɛ yɛ ɛ, etɛɛ náá, Zɛɛb nyɛy ɛmet ke ɛ́ náá: «Ààbɛ, mɛ aanàkwaabet wɔ, mɛ aanàkwaapek wɔ.» É tɛp tak ɛ di náá, mena ɛ́ nɛ ghwyil ɛke nɛ ɛbwaalel djas náá:
«Ghɛŋ ɛ mot di ekwyee mɛ ɔ,
mɛ tok nɛ ghwyil ɛ di nɛ bwoo.
Mot aakosa mɛ yé?»
Bɔn-nyɛɛg bam mɛ di ekwyɛl dhaa tyɛ ɔ, dika nɛ mɛghaaz, da bi ɛ́ lyel bham! Saka mɛsa ɛ Ghɛŋ ɛnyɔɛpe. Bi goka ɛ́ nɛ gu náá, mezuk mɛ bi di ebee tɔ mɛsa ɛ Ghɛŋ ɛ, yɛ aanàgwyɛ toto.
Dika ndjem, dika ghiŋ tɔ ɛdum ɛ koŋ nɛ Zɛɛb, dika nɛ mɛghaaz, dika nɛ ghwyil.
Dika ndjem, dika ghiŋ tɔ ɛdum ɛ koŋ nɛ Zɛɛb, dika nɛ mɛghaaz, dika nɛ ghwyil.
Etɛɛ náá, Sisim Zɛɛb nadjɛ mena ɛ, ye nabɛ ɛ́ ààbɛ, etɛɛ náá, mena needika bot ɛ bwoo, tin, Sisim djɛ mena ɛ́ ghwyil, kwyɛl nɛ ɛdil ɛ lyem.
Yezu eezɛke nɛ nɔɔ náá: «Duka mɛ, mɛ waasa náá, bi di bɛlael ɛ mɛwyet étɛp ɛmɛt ɛ bot.» É di’enek wat, bɛ eezɛdhuugal mɛwyet mɔɔ, étɛp ɛdu ɛ Yezu.
Deus chama pelo nome
Ao longo da Bíblia, Deus chamou seus servos pelo nome — Abraão, Moisés, Samuel, Paulo — encorajando cada um pessoalmente.
Pɛ kɔ ghaada Dhamas, ye nabɛ ɛ́ nɛ dhiiti djekel ngɔt din ɛ lɛ nabɛ ɛ́ Ananias. Ghɛŋ zokazɛtuula nyɛ tɔ sisim, nyɛy nɛ nɛ náá: «Ananias!» Nyɛ eezɛbɔɔza náá: «Beea mɛ Ghɛŋ.»
Tin, Maali zɛbɔɔza nɛ nɛ náá: «Mam ɛ́ mot-mɛsa ɛ Ghɛŋ. Ye sael nɛ nam dáa mɛkpa mɔ di eke náá, ye sael ɛ.» Bhii tak, fofop eezɛtɔ́ yɛ.
Bot djas nɛ gu náá, bɔɔ enen etɛn dyeebabɔmsaa ɛ́ nɛ efalanga ebá. Kabela náá, ye tok nɛ sa Zɛɛb aadjisa é mis mɛ. Deenek, bhoo elo bin ɛ́ elaŋa, sa mot ààdi nɛ bwoo, etɛɛ náá, é mis ɛ Zɛɛb, bi ɛ́ nɛ boo mɛtaŋ, dhaa bɔɔ enen!»