10 She vu uwwa wovon wan, adama a na n to oɓolo na̱ a̱vu. She vu dama wan, adama a na a̱mu ɗa A̱sula̱ a̱ wu. N ta ca wu ucira waru n kamba wu. N ta ɓana wu nu ukere usa’ani u va̱ za va̱ a̱ɓula̱.>>

2 Mantsa ma na vu kurula̱i a̱ mini ma̱ a̱ru’un n ta̱ da̱na̱ oɓolo na̱ a̱vu, waru na̱ vu kuru o ɗolu a̱ pura̱ wu shi. Na̱ vu kuru e memere ma akina wa̱a̱ kula̱to wu shi, waru elentsu a̱ yi a lyuwa wu shi.

4 Ana wo o’woi vu ta̱ ulobonu na̱ tsugbain o urewesu u va̱, waru n ciga wu ta̱, n ca ta̱ ama o una̱ wa̱ wu no u una̱ u wuma wa̱ wu.

5 She vu uwwa wovon wan, adama a na n to oɓolo na̱ a̱vu, n to ɓoloto wu na̱ muwun ma̱ wu diga asana na̱ a̱livu.

4 <<She vu uwwa wovon wan, adama a na vaa uwwa wono shi. She vu uwwa wovon u na oo zo’oso wu wan, adama a na aa ca wu wono shi. Vu te icina na̱ wono wa akungu a̱ wu, waru va̱a̱ da̱shi cuwan na̱ wono wu nden n tsuruna̱ tsa̱ wu shi.

1 <<N roco ta̱ aciya̱va̱ a̱ tyo uba̱ta̱ wa aza a na e ece numu shi, aza a na a zami numu shi a̱ tsura̱ mu ta̱. A̱ tyo e iɗa i na i ɗeyi a ala a̱ va̱ shi, n damma ta̱, <Apa mu, apa mu.>

31 agba ele aza a na a zuwayi A̱sulazuva ucira u ta ca le ucira u sa’avu, a ta 'yawan tsa̱ a̱kuru. A ta suma agba a̱a̱ kuna̱ shi, a ta wala agba a̱a̱ ta̱ka̱lyuwa̱ shi.

8 Reve mu uwwa uɗyo wu Zagbain a dansa, <<Zane ma̱a̱ lyungu? Zane ɗa a̱a̱ 'ya̱wa̱ adama a̱ tsu?>> Reve n damma, <<A̱mu ɗa nda. Lyungu mu.>>

9 Vu cuwan n damma wu ta̱ vu kapanu vi isawan nu ucira. She vu uwwa wovon wan, waru she okolo a̱ wu a kuɗa wan, adama a na A̱sulazuva A̱sula̱ a̱ wu u ta̱ da̱na̱ oɓolo na̱ a̱vu a̱tsuma̱ e ili i na vaa yuwan suru.>>

9 Vu cuwan n damma wu ta̱ vu kapanu vi isawan nu ucira. She vu uwwa wovon wan, waru she okolo a̱ wu a kuɗa wan, adama a na A̱sulazuva A̱sula̱ a̱ wu u ta̱ da̱na̱ oɓolo na̱ a̱vu a̱tsuma̱ e ili i na vaa yuwan suru.>>

16 Reve ama’a a̱ usu, <<A̱sula̱ aa para na tsaa lyawa A̱sulazuva a̱vu tsu yuwaan musula̱ n ro a̱ga̱nda̱! 17 Adama a na A̱sulazuva A̱sula̱ a̱ tsu a ɗa na aciya̱yi za na uta̱a̱ ntsu na̱ nkaya n tsu diga e iɗa ya Masar e iɗa i tsugbashi, reve u yuwan a̱ba̱jini a̱ba̱jini e iroci e esu a̱ tsu. A̱vu u geshe tsu a mmalu n tsun suru ne e memere mo oɓolo ama a na tsu utula̱i suru.

6 I kapanu yi isawan nu ucira, she yi uwwa wovon ko yi da’wan adama e le wan, adama a na A̱sulazuva A̱sula̱ a̱ ɗu o to oɓolo na̱ a̱ɗu. Waa lyawa ɗu shi, waru waa vari ɗu shi.>>

8 A̱sulazuva na aciya̱yi u ta uwa elime a̱ wu, waru u ta̱ da̱na̱ oɓolo na̱ a̱vu. Waa lyawa wu shi, waru waa vari wu shi. She vu uwwa wovon wan, waru she okolo a kuɗa wu wan.>>

22 I lyawaa A̱sulazuva ili i na ya̱a̱ ɓa̱la̱ ɗu,

a̱yi waru u ta e idana ɗu,

waa lyawa za va̱ a̱ɓula̱ riya̱ shi ko ke’en.

4 Ko na̱ shi n wala o uka̱ri

wi irumbu wu ukwa̱,

maa uwwa wovon shi,

adama a na vu to oɓolo na̱ a̱mu,

aaɗanga a mmalu,

na aaɗanga a aguɓa a̱ wu,

a ta ca mu asuvu nden.

4 Ko na̱ shi n wala o uka̱ri

wi irumbu wu ukwa̱,

maa uwwa wovon shi,

adama a na vu to oɓolo na̱ a̱mu,

aaɗanga a mmalu,

na aaɗanga a aguɓa a̱ wu,

a ta ca mu asuvu nden.

1 A̱sulazuva a ɗa ekan a̱ va̱

ni iwawi i va̱,

wovon wa zane ɗa maa uwwa?

A̱sulazuva a ɗa upa’atan u va̱,

wovon wa zane ɗa maa uwwa?

14 Vu zuwa okolo uba̱ta̱ wa̱ A̱sulazuva,

vu da̱na̱ nu ugbamu wo okolo a̱vu vu kaɓa asuvu!

Amayun, vu zuwa okolo uba̱ta̱ wa̱ A̱sulazuva.

24 I da̱na̱ nu ucira no okolo o ugbamu,

a̱ɗu na suru i zuwai okolo a̱ ɗu

uba̱ta̱ wa̱ A̱sulazuva.

8 A̱vu A̱sulazuva a damma, <<N to rito wu,

waru n roco wu ure u na va̱a̱ kuru.

N ta cawu a̱sa̱la̱,

waru mi idana wu.

1 A̱sula̱ a ɗa uba̱ta̱ wu upa’atan

u tsu nu ucira u tsu,

ufoɓu u ɗa u ri tsa̱ra̱ u kamba tsu

a mantsa ma̱ a̱tsuma̱lima̱ suru.

2 Adama o ndolo tsa uwwa wovon shi,

ko na̱ shi uvaɗi u jinga̱ɗa̱,

ko na̱ shi atali a̱ riya̱ a mala,

3 ko na̱ shi mala ma̱ puna̱ a̱vu u gugwa̱,

ko na̱ shi nsasan n je’en

adama a na iɗa i jinga̱ɗa̱i.

3 Mantsa ma na mu uwwai wovon,

n ta zuwa ucira ya̱’a̱ wu.

4 Uba̱ta̱ wa̱ A̱sula̱ a na maa cuwusa idanshi ya̱ yi,

uba̱ta̱ wa̱ A̱sula̱ a ɗa n zuwai ucira u va̱.

Maa uwwa wovon shi,

nye ɗa vaɗilima̱ aa yuwaan mu?

17 Lyawa isa’ani yi Zagbain A̱sula̱ a̱ tsu

u da̱nu oɓolo na̱ a̱tsu.

Vu zuwaa linga ve ekere a̱ tsu aba’un.

Amayun, vu zuwaa linga ve ekere a̱ tsu aba’un.

1 N 'ya̱sa̱n ta̱ urewesu u va̱ a̱ ka̱lyuwusa̱ nsasan,

a̱ te ɗa ikambishi i va̱ yoo uta̱?

2 Ikambishi i va̱ i ta̱ o uta̱

uba̱ta̱ wa̱ A̱sulazuva,

za na yuwain zuva ni iɗa.

8 Mantsa suru n reve ta̱ A̱sulazuva o to oɓolo na̱ mu,✝

adama a na u ta̱ zuzu na̱ mu,

babu ili i na ya da’waton mu.

9 A̱sulazuva a ɗa uba̱ta̱ wu upa’atan,

uba̱ta̱ wu upa’atan wa aza a na o ɓongishi,

a̱yi uba̱ta̱ wu upa’atan u ɗa a mantsa ma addama.

10 Aza a na e revei Aala a̱ wu

a ta zuwusa ucira ule ya̱’a̱ wu,

agba vu tsu vari a̱za̱ e izami ya̱ wu shi.

20 A̱vu Da̱wuda damma ulobo wa̱ yi Sulemanu, <<A̱vu de vu kapanu vi isawan nu ucira, a̱vu vu yuwan ulinga’a. She vu uwwa wovon wan gba vu kuɗa okolo wan, adama a na A̱sulazuva A̱sula̱, A̱sula̱ a̱ va̱, u to oɓolo na̱ a̱vu. Waa vari wu shi, ko u 'yuwain wu shi, hali she nu ulinga wa̱ a̱ga̱nda̱ wa̱ A̱a̱’isamapaɗa a̱ A̱sulazuva o koto.

17 A̱sulazuva A̱sula̱ a̱ wu

a̱ ta̱ oɓolo na̱ a̱vu,

za vu uvon ɗa, waru u tsu ulyuwu ta̱ aci.

U ta yuwan ma̱za̱nga̱ a̱vu yuwan mere adama a̱ wu,

u ta̱ ka̱mba̱to wu usa’avu adama e icigi ya̱ yi.

U ta cana ishipa i ma̱za̱nga̱ nu ucira adama a̱ wu,

11 N reve ta̱ cu’un vi ifoɓi i na n ri na̱ yi aci ya̱ ɗu. Ifoɓi yi isa’ani, agba yi iwuya shi, adama n ca ɗu uzuwu wo okolo na̱ wuma u sa’ani u na i cigai nda a̱ tyo elime. Ne ɗa A̱sulazuva a dammai.

2 A̱tsuma̱ a ayin reve A̱sula̱ a yuwan adanshi na̱ a̱yi a alavu alavu u ɗe yi, <<Yakubu, Yakubu!>> Reve u usu, <<Apa mu nda.>>

11 Reve Malingata ma̱ A̱sula̱ me ɗe mu a̱tsuma̱ a alavu’u u damma, <Yakubu.> Reve n usu, <A̱mu ɗa nda.>

11 A̱vu malingata ma̱ A̱sulazuva ma̱ ɗe yi diga zuva, <<Ibrahim, Ibrahim!>> Reve u usu, <<Apa mu.>>

4 Ana A̱sulazuva e ene niyi a rawusa zuzu tsa̱ra̱ we ene molopu’u, reve u ɗe yi pe e memere mo molopu’u, <<Musa! Musa!>>

Reve u usu, <<Apa mu.>>

16 Amma Eli ɗe yi ta̱ u damma, <<Sama’ila mawun ma̱ a̱ va̱.>>

A̱vu Sama’ila usu, <<Mpa mu nda.>>