5 Okolo a̱ va̱ vu zami wivuwun goon uba̱ta̱ wa̱ A̱sula̱,

adama a na a̱ yi ɗa goon waa casu mu ukadu.

7 Vi isawan kpen a̱ ma̱ka̱ka̱n ma̱ A̱sulazuva,

vu kaɓa asuvu vu zuwa okolo a̱ wu ya̱’a̱ yi,

she vu yuwan a̱tsumola̱ngu nu ulyuwu we elime wu za ro wan,

ko za na a lyuwusa elime,

a̱tsuma̱ e ifoɓi yi iwuya ya̱ yi.

9 Adama a na o to kototo,

a̱za̱ e iwuya,

amma aza a na a zuwusa okolo e le uba̱ta̱ wa̱ A̱sulazuva,

iɗa’a u to o’wo agadu ele.

34 Vu zuwa okolo a̱ wu

uba̱ta̱ wa̱ A̱sulazuva,

vu yuwan tsutoni na̱ wila̱ wa̱ yi.

A̱yi ɗa waa ca wu ucira

waru vu ta̱ ene

a na a̱ gba̱ra̱i a̱za̱ e iwuya.

1 M puro ta̱ ikambishi ya̱ A̱sulazuva,

na ankuri,

reve u polo atsuvu wu uwwa ipati i va̱.

5 N jima ta̱ a zuwusa okolo uba̱ta̱ wa̱ A̱sulazuva,

waru n zuwa ta̱ okolo e idanshi ya̱ yi.

6 Wuma u va̱ u ta̱ maluwa ma̱ A̱sulazuva

ula’awu na̱ cine a̱za̱ e ipiri

a̱ tsa̱ da̱na̱ a maluwa ma na ee ene usana,

Ee, ula’awu na̱ cine a̱za̱ e ipiri

a uwwusa maluwa ma na ee ene usana.

3 She vu lyawa za na zuwai okolo a̱yi,

ya̱’a̱ wu uwwa wono wan.

Amma lyawa aza a yipaalishi,

a uwwa wono.

15 A̱sulazuva ya̱’a̱ wu ɗa

maa zuwusa ucira,

A̱sulazuva A̱sula̱ a̱ va̱

a̱vu ɗa vaa uwwa mu.

14 Vu zuwa okolo uba̱ta̱ wa̱ A̱sulazuva,

vu da̱na̱ nu ugbamu wo okolo a̱vu vu kaɓa asuvu!

Amayun, vu zuwa okolo uba̱ta̱ wa̱ A̱sulazuva.

31 agba ele aza a na a zuwayi A̱sulazuva ucira u ta ca le ucira u sa’avu, a ta 'yawan tsa̱ a̱kuru. A ta suma agba a̱a̱ kuna̱ shi, a ta wala agba a̱a̱ ta̱ka̱lyuwa̱ shi.

2 A̱sulazuva, roco tsu isa’ani, tsu ta zuwusa okolo ya̱’a̱ wu. Vo o’wo ucira u tsu usana suru, iwawi i tsu a mantsa ma addama.

4 Nu ujimu ɗe babu za na uwwai ko u reve na atsuvu, babu lyusu na enei ɗe A̱sula̱ babu na̱ a̱vu, za na tsu linga o una̱ wa aza a na a pura yi.