31 Duuchchi Woddike Gootta’ni addante he’naake’e kinni

haaroonse’ma’ne me’inaan.

Sinbiriinsha keelik ke’naan:

gonginaani gonphabaan

me’inaani shaqqinabaani.

18 Duuchchi Woddiki Gootti kinni ha’no’a o’waa ossaan;

mararte ifixxanna ha’no’a leellisho’a ke’aan.

Duuchchi Woddiki Gootti Magen dhugaa muraake kademmaxxee

isoo addatati heqqedhaak eebbisemeeken.

14 Duuchchi Woddika Gootta addati;

jabatti; mee co’o;

Duuchchi Woddika Gootta addati.

13 Hedhoti hedheek manni hedhaaxxe butta’n hedhennexxi

Duuchchi Woddike Goottixxa elle uudannoxxa addatateennen.

14 Duuchchi Woddika Gootta addati;

jabatti; mee co’o;

Duuchchi Woddika Gootta addati.

1 Duuchchi Woddiki Gootti anxe hedhoke ifanna anke anjirallon;

ayyeenna sodatabe’no;

Duuchchi Woddik Gootti anxe hedhoke gollan;

ayyeenna sodaatabe’no.

2 Fuggaaleeyye ane’n kexxe’e anka maalanna itto’a hassa wodda

naaphi anikinna diini anki ane’n ke’aa wodda

insa’ne ifi’anni guggufantee inbaan.

3 Heddi loliink manni anee buqoolenna sodaatabe’no;

naaphi anee adhoole midde

Mageno addataa waalabe’no.

4 Duuchchi Woddika Gootta mitte yaane kadhataanen;

kadhataannelchinna: hedho anxike baro duuchcha,

Duuchchi Wooddike Goottike mineni hedhonnoshshanna Duuchchi Woddike Goottixxa danchumma uuda’ni saadonnaanna galma isike’n soodatonnaaten.

5 Rakkoti baro ifike mini giddo anee heqqaan;

ifike dunkaan giddonna anee sho’aan;

rasatixxe xungo’ninna anee uggaan.

6 Eettenee yanna anee buqemmaka naapha’n

ank umi qokki hiyyaan;

isike dunkaani giddonna illiillisatika tolchanna tolchannon;

galatiinxa faaronna faarsa’n Duuchchi Woddika Gootta galateefatannon.

7 Ee, Duuchchi Woddike Goottaa!

Atee ye’aanno wodda heeyyi!

Ani’anna mararte’e soodachcho anxanna laqi!

8 Atii «Anee halse» hitaatale,

Duuchchi Woddike Goottaa! Qalbe anxi atee halsannon hite.

9 Ee anke anjirallo Magenoo!

Dudduro ane’n wirri hitoxxe’e;

Mufattenna garbichcha atika anee ifinaa’n bayyissoxxe’e;

gargaarsanjo anke kaddettaxxeenna anee gibboxxe’e; anee waaldoxxe’e.

10 Anni ankina ama anxi anee waalloolenna midde,

Duuchchi Woddiki Gootti anee abixxaan.

11 Ee Duuchchi Woddike Goottaa! Ora atika ane’n barachchiisi;

naapha afe’ennaxxeenna toggichcha atike ora’n anee akeek.

12 Dhark dhugaa kulaakiiri hunnati ane’n ke’eemmaxxee

anke naaphiinxe anga’n anee sa’issite uutoxxe’e.

13 Hedhoti hedheek manni hedhaaxxe butta’n hedhennexxi

Duuchchi Woddike Goottixxa elle uudannoxxa addatateennen.

14 Duuchchi Woddika Gootta addati;

jabatti; mee co’o;

Duuchchi Woddika Gootta addati.

1 Ani osse’e Duuchchi Woddika Gootta heeqqedhenne;

isinna anbaa wirri hiyye’e oodhishsha anxanna laqe.

2 Caffa’atixxe balenaa’n,

dhoqetike salaqanaa’n anee fulche;

lekka anxanna rassati hana uurrise;

me’aa anxanna jabeese.

3 No’oke Mageni’a kaddaaxxa saadino,

haaroxxa faaro afo’o anke’n ugge;

heddi manninna isoo uude’e sodaateexxi Duuchchi Woddike Gootta’ni addataan.

4 Duuchchi Woddika Gootta addataake,

ifi dukaaka manna addatabaake,

dharichchi manniba’a higati insa’nee hordofabaake

manjixxa wodo.

5 Ee, Duuchchi Woddike Gootta anke Magenoo!

Ati no’aa assite’eettexxi mambe’aa yaanuwwa heddoten;

ati no’aa heddeetteexxaara dande’e laakko’aak ayyinna hedhebaan;

haaso’anno, kulannon hiyyeennele bira saxxaan.

6 Ati tolchakanna uwwa hassebexxo;

kinni mansha anxa bandette;

ciincatika tolcha, cubbo biratika tolchanna eetebexxo.✝

7 Tennexxee aninna, «Kunse ani dage’eennen,

anxee’e maxaafi giddo borreessende’een.

8 Ee, anke Magenoo! Fedhi atixxa muuxonna’a eeyyaannen;

seeri atikinna anke godobi giddo hedheen» hiyyenne.

9 Ani lumoxxe bukki giddo qullumma atixxa haaso’enne;

Ee, Duuchchi Woddike Goottaa, ati egendetteshshanni afo’i anki sammi hiyyabaan.

10 Qullumma atixxa anke godobi giddo sho’e walabe’non;

addateemmallumma atixxanna anjira atixxa haaso’annon;

jaalala atixxanna dhugaa atixxa lumoxxe bukki’n sho’ebe’non.

11 Ee, Duuchchi Woddike Goottaa! Mararte atixxa anenaa’n uurrisoxxe’e;

jaalala atixxinna dhugaa atixxi duuchchi wodda anee heqqittowwaal.

12 Laakko’a dhaqqassiissabaaxxi fuggo anee buqqe’een;

cubbo anxiir ane’ni daldeemmaxxee afa dande’abe’no;

anke umike ordichchi caalanna bira saxxe’een,

Godobikinna anee hophphole.

13 Ee, Duuchchi Woddike Goottaa! Anee anjirtotta’a fedhi atixxe kaddowwaal;

Ee, Duuchchi Woddike Goottaa! Rakke’e anee gargaar.

14 Lubbo anxa shiyo’a hasaak duuchchi salphatowwaal; shookowwaal;

miidhensha anxa eeyaak duuchchinna salphate’e udumi’a higowwaal.

20 No’o Duuchchi Woddika Gootta addeti heqqe’nanno;

isi gargaarsanjo no’okenna wonte no’oxen.

21 Isike woyyichcha summa’n addante’eennaxxee

iso’n gammanda’eennen.

22 Ee, Duuchchi Woddike Goottaa!

No’o ate’ni addantenneshshanni,

duuchchi woddixxi atixxi jaalala no’o’ni hexxowwaal.

5 Ani Duuchchi Woddika Goottaa heqqedhannon; lubbo anxinna isoo heqqexxaan;

hiyyichcho isikanna addeti heqqedhannon.

6 Hashshik heqqanjuwwi bogiinxa sooda heqqedhamma caala

eetti hashshik heqqanjuwwi bogiinxa sooda heqqedhamma caala

lubbo anxi Dada Duuchchika Gootta heqqexxaan.

5 Anxe lubboo! Mageno calla sammi hite heqqedhi; isoo addatanna waalabe’no.

34 Duuchchi Woddika Gootta addatte heqqedhi;

ajaja isikanna muuxi;

isi ookkone boga dhaaldotaa atee ulfeessaan;

fuggaaleyyetinna baxxaa’naa uuddatton.

5 Mitte godobinni Duuchchi Woddika Gootta addati,

ifixxe ege’na’ninna mee irkati.

6 Assitattoxxe duuchchinni isoo ege’ni,

isinna ati’a ora atika toggi assaan.

3 Tenne calla’nite kaddebaak no’oxxe rakko’ninna gammandannon; tinninna kaddaachchi rakkotenaa’n ossa affendaaxxa egenneennexxeeten. 4 Ossatenaa’n jabeenni, jabeennekenaa’n hega uudemeek adab, hega uudemeek adabinaa’n adde afenda.

11 Gootti ifixxe lumoxxe hunnanni uduuda duuchcha ha’no’a uwwowwaal; ossatinna duuchchiinxa yaane dande’atee gammashshoti qixxesendineeke kaddineexxi hexxino’a ha’no geessisowwaal.

7 Yoonna dayyuwwaa! Goottiink dagi qico’ni ossitine heqqedhdhe. Fichcha huccaaki buttinni eloxxa gumma uwwaa qico’ni hittaaa oossaaxxa edikanna udumika xeena hittaa heqqedhaaxxa qalbeefatte. 8 Ha’noonna iittanni osse; qalbe ha’nooxanna dhuudhedhdhe; tinninna kaddeechchi Goottiink dagi shiqeemmaxxeten.

11 Yoona ossati ti’ni hiyyeekara eebiseemmekeera hinaanenni. Iyyoobi hittaa osseexxa laqqine’een; Goottikinna uduma isi’aa asseexxa uudine’een. Gootti hara o’wallokenna mararraloken.

22 Yoona dhugaatee ajajemati lubbo ha’nooxxi luqqi assendeemmaxxee dayyuwwa ha’nokee qajeelto jaalala ha’no’ni hexxowwaal; mitte godobinni jaba qicinni weli’aanni weli eeyye. 23 Langaxxa ilendine’eek baxxaaxxe sannena’nite kaddebaang hedheekenna ti’ni hiyye hedhaake Magenike hiyyichchi darree’n baxxabaaxxe sannenaa’niten. 24 Yaane kinni woyyichchi maxaafuwwi

«Maala oddo’week duuchchi badda’atishshaten;

ulfinni isiki duuchchinna badda’atike daraarishshaten;

Badda’atinna qoortaan; Daraarikinna harca’aan.

25 Goottink hiyyichchi kinni

duuchchii woddi’a hedhaan»

ha’noo’ni wengeeleti lallabemeeke hiyyichchinna konneten.

9 Mitti mitti manna’ni tureechcho fakkaatolenna Gootti ifike addachchisatike hiyyichcho muuxo’a turabaan; yaane kinni isi ayyinna ba’abaashsha, duuchchiingi aadde aago’a ha’noxxee ossaan.

1 «Eettenee yanna iimixxi mootumma xassa ifi ifika abixxeexxi ookkonee waajubichcho qophedha fuleeke tomme dubarra fakkaattaan.✝ 2 Insa’ne giddii’n ondi gowwakemman; ondi kinni qalbeeffatammakemma’a. 3 Iikk gowwi dubarri xassiinka miya abixxee malee’e geltaaxxa xassiinxa zaiyte afeemmaba’a. 4 Iikk qalbaamessi dubarri kinni ifi ifike xassinni welti geltaaxxa xassiinxa zayite xassiinke mi’uwwi giddo afe’eeman. 5 Iikki waajubichchi dagebaang turaa wodda mugi loolloosee’naa duuchchiingi dubarri diiphe.

6 «Hashsha wodhakki geyee wodda, ‹Iikk waajubichchi dagete’n hedheen fuldineexxi qophedhdhe!› hiyyaak canci laqeme.

7 «Eettene yanna iikk tommiing dubarri dammaqeexxi ifi fika xassa qophpheesedhe. 8 Iikki gowwi dubarri ookkonee qalbaameessa dubarra, ‹No’ok xassi xo’aaten; ha’nooxxe xassiinxe zayitenaa’n no’aa uwwe!› hiyye.

9 «Qalbaamessi dubarri kinni insa’ne’n, ‹Anfe’eennexxi zayite no’aanna ha’no’aa geltabaan; martineexxi gurgurammake mannanaa’n ifi’a hidhdhe› hiyye hiisse haaso’e.

10 «Iikki gowwi dubarrinna xassiinxa zayite hidho’a me’eeke’n iikki waajubichchi dage. Iikki qixxeeffateemmak ondi qalbaamessi dubarri waajubichchik welti jilatike mine’ni e’ye; hulatinna cufende.

11 «Udumi giddii’n gate’eemmak iikki weli dubarri dageexxi isoo, ‹goottaa goottaa! Hula no’o’a bani!› hiyye.

12 «Isi kinni, ‹Ani dhugaate ha’no’n haaso’aannen, ha’no ege’nebe’no› hiyya’n insa’ne’n hiisse haaso’e.✝

13 «Tennexxee baratanna saate ege’ndinammabaaxxee qixxeffatine heqqedhdhe!