Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Kwa eh kiebam lulo, nnui mdakkepie ga lütdi melu kerane. Rabe au neu bam kesang, dede pumteihbe au mnei."
"Rabe kilam nneila reulie ci kelame samlam pungtu,
kedanemene tinggim hegwangram penui gu zielu.
Kedanemene pumteih hengindung au Kemci Rabe de renia la, nah Rabe au pumteih de renia la. Kedanemene ai kenade ket ketde kengaurau lala, iciu eh nnui teikeneubedung nnui tei melu kerane.
Rabe gade kelungh
Ih ranggaila, Kemci Rabe gade tetlu, iciude nnui pumtei hengin de tei dilak.
Dede Rabe tsi au keku, suiyi, lungciep, helungketie, mizai keyi, keyi, masang, kenciep, nah mikatei mide ketip kecu; aidungde de mmau kela hezai gede gah.
Anui Rabe gade lunghla liecai, anui Rabe gade de tetla lugo.
Kedanemene pumteihbe gage lungning kaiteu kela au ketsai, dede Kemci Rabe gage lungning kaiteu kela au kering nah lungciep.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
Nnui pum au nnui lung ga kebam, Tinggwang ne kepeu Kemci Rabe kerecaki lie kecu nnui ci meni? Nnui au nnuikatei nnui gu ma, kedanemene Tinggwang nnuide pemi tei eh lui luda. Ciziemne nnui pum gade Tinggwang de tei ndu lulo.
Dede Rampaube de ncüt kelube pecu ngngwa rabe gade ket dida.
Kedanemene mina kakga cauge mi kedage lungning cilu lano, pe rabe pe lungga kela dene gwale? Cinzwa eh Tinggwang Rabe gwale migede Tinggwang lungning cima.
Ciziemne, Ih daitei maisia no? Ih a rabe de ngngwa kie zie, nah Ih a kecet dede ngngwa kie zie. Ih a rabe de ngngwa lei teizie, nah a kecet dede ngngwa lei teizie.
Ih peu pe kendu kedi gade nnui lung tei ntiplu kera pe Rabe gade kengkieng nnuide peulo kie bamla, nah kenlum gade nnui lungga Khrista de peu bamlu kerane, iciu eh keku gage nnui mahreilwe pe bangdwalu kerane,
iciu eh anui Rampaube Jisu Khrista Tinggwang, kendu Peibe, nnuide maci nah saukelia rabe peu eh peu pecu cilu kerane.
Kedanemene nnui hebaang teidi kera rabe ngau luma, iciu eh nnui ngngi eh lungh daidi kera; dede nnui pe name teidi kera Rabe ngaulu, ciziemne anui, "Apei Tinggwang, Peibo!" de qula. Rabe pekatei de anui rabe de ngngwa eh anui Tinggwang name delie kecu zierang teila.
Rabe pekatei de anui rabe de ngngwa eh anui Tinggwang name delie kecu zierang teila.
Kedanemene nnui hebaang teidi kera rabe ngau luma, iciu eh nnui ngngi eh lungh daidi kera; dede nnui pe name teidi kera Rabe ngaulu, ciziemne anui, "Apei Tinggwang, Peibo!" de qula.
Dede Khrista nnui lungga lacai, pumbe au kemau ziemne tsai dida, dede kesamsang ziemne Rabe au ringla.
Kedanemene Tinggwang Rabe ne lampui saukela leune, cidungde au Tinggwang namedung delie.
Dede cide kesiakge, Kemci Rabe de anui kemnei ga anuide ngha la. Kedanemene anui dainzwa kielu maisiabi kecu anui cila kemakne, dede Kemci Rabe pekatei anui ziemne kie bamla rangcang gai kelak kemra kwa gade.
Helungnei eh hegwa ketei ga, nghet diso. Rabe ziemne, nri bamlu. Rampaube ziemne, pe gwa teilu.
Cu keregui kebam Tinggwang depeu nnui kenlum gade suiyi pelane nah lungciep le teipui kelube tei lulo, iciu eh Kemci Rabe kengkieng gade, keregui nnuida bamreu reulu kerane.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
Tinggwang au Rabe, nah minadung pecu reca kelame rabe nah kesangbe gade reca maisia."
Iciuliede, bamdapkak gwangzeu da, nah cu aika bam dida, kesang tei eh reca kelamedung Peibe de rabe nah kesang gade reca dizie, kedanemene Peibe de mina cinzwa pecu reca kelamedung de peei lalu. Tinggwang au Rabe, nah minadung pecu reca kelame rabe nah kesangbe gade reca maisia."
Cu anui pelane, mizu kezuidi mene, Rampaube kebaa kendu de ngau bam dida, nah anuide teintsam pwa pe rehi kebaa kendu diki kecu gage kai luda; kedanemene aide, Rampaube, pa au Rabe dade gwanglu.
Akumedung, sampet aidungde anui da kebamne, anuikatei anuide pumteih nah rabe teihera kedidung gade teimci kap lugo, nah Tinggwang mie hing eh mcicang lulo.
Kedanemene Tinggwang anuide kengngi rabe peu ma, dede kengkieng, keku nah samzai ketei rabe peu.
Kedanemene Tinggwang anuide kengngi rabe peu ma, dede kengkieng, keku nah samzai ketei rabe peu.
kedanemene nnui kekie gade nah Jisu Khrista Rabe kengha aide gade acu lungmpet beuzie kecu Ih cibam.
Peu Rampaube Jisu Khrista ngaugiabe depeu nnui rabe de ngngwa bam kelube tei lulo. Amen.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Ih ncu ledeu kebeu de gage nlung kailu;
Ih a kecet de ncu rui gaibeu zie;
Ih a sam de peu ncu cilu zie.
Mige pa teikela leune pe dade petau lie cetla,
dede RAMPAUBE pe lungcetdung piela.
Kekap dwa ngang kecu gwangla,
nah mide mning mdi kecudwa kau kecu gwangla.
Hegie kelame de ngngwa sütkelu maa mzi kecu swa au
kegahme kakga henah kelube yiki.
Reugwame ge tei kera swade mi rata mzet kemakbe yiki,
nah namdi ngam kelube swade pekatei pe rabe de kezeu kelube ngkieng ki.
Mina rabe au RAMPAUBE mibung ge,
pelung ga kebam pelane peei lula.
Cine pa a dage ranggai, "Aide RAMPAUBE Zerubbabel dage sam kai kegai de da: Renci le ma mede kengkieng le ma, dede a Rabe le, de eh Reugwame reu RAMPAUBE rang.
Tinggwang Suiyi Mmi
Caihakecibe Isaiah rangla, "RAMPAUBE Tinggwang Rabe a da bam, kedanemene RAMPAUBE ne acu keniaklu
keherei kebamme dage sam keyi ranglia kerane. Pelung ceu kelame de teingkei beu kerane pa acu langgai,
hebaangme dage lungkempet ranglia kera, nah hebaangme kangpwa kebamme de ngkei beu kera.
Ih penuide lungcet ket peu zie, nah Ih penui kakga rabe keheci peu zie. Ih penui mlung ketak de penui pumteih gade keu gi dizie, nah helung keheci penuide pwa peu zie, Iciu eh penui a zaidung ga tet luzie, penui a ajadung de teu delwe cidungde tei luzie. Iciu eh penui a mina dizie, nah Ih penui Tinggwang dizie.
RAMPAUBE Tinggwang ma ra aidungde dage aide ranggai: Ainie! Ih nnui dage cuingi kaibeu zie da, nah nnui ring luzie.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Helung kemci ge a nlung gage damgai beulo, Tinggwang,
nah rabe petausiakpe alung gage teiheci beulo.
N dwa gade acu gwagi diso,
nah n kemci Rabe ada de keuteu diso.
Nang n kelikelu suiyi de a dage teiheci dai lo,
nah rabe neungga eh acu teintie beulo.
Tinggwang a ratakdung au acu kegai deda.
Tinggwang, Nang, hena kegaime de nah helung nreu kelume de gidi lama.
RAMPAUBE au mi pe sui sia kelame taiga lala,
nah pa mina penui keregui gah kedime pelane de keli lula.
Hegwang namedung dage
mede mina dage, penui da kelikelu kegahme dage n kenlum kai diso.
Mige keringcui de ntak kedidau, pa tangdei ga caili gwangdai dila;
cipau nai pa riemteu keladung cang dila.
Kedanemene Tinggwang sam au kering nah kengkieng bam nah kiengtie pemui lule ailam ketei swade yiki. Cide kuipwa teu lampak dila keringria nah rabe de, miking nah misiedung de, nah mikecet nah milung ga cet kebam ci lula.
Kedanemene mi pumbe au rabe simai ketsai kecu nzwa, cinzwa eh kenlum de bata simai ketsai lie.
Rabedung de ncet lu
Akumedung, rabe leune de nlum so, dede rabedung Tinggwang dade gwang mi mebi kecu kedak pielo, kedanemene kenret caihakecime kekiee ge kideube ga ladi delu.
Aikade anui peda kebam nah pa anui da kebam ci lula: kedanemene Tinggwang pe Rabe anuide peudi delu.
Ciziemne, nnui kesiame de ma keyibedung nnui name de kepeu cim cicai, nnui Pei tinggim ga kebambe au Kemci Rabe pe dade kie kelame de daikenzwa gede peu kiee si zie no?"
Cidau cika mi mleudung nzwa pet, nah cidungde penui hangge ge reuga gwangdi. Penui pelane Kemci Rabe le puidi eh helet kedadung gade marangdi, Kemci Rabe penuide ranglu kebui kepeune.
Kendeu
Kendeu dau, Tinggwang tinggimdung nah kideu damgai. Dui kecok de reu kemui ne puibam. Nah kideube pe rehi gah nah mtamrwa. Tinggwang Rabe duidung reu ga nlai eh bam.
Dede mina da rabe la;
keringria keteube Ngkiengtube Tinggwang ne pecu kecikecet pwapeu.
Ncu dam kegaibe de nsung lu
rangkanggeu ria cak di kemak dwa ge,
mede kecak kwakgwa pang di kemak dwa,
mede duilet ga duibung popdi kemak dwa,
mede tekwa ga heria cakdi kemak dwa,
kideu gade gwang kela rebui kideu ga caili gwangdi kemak dwa,
nah Tinggwang ne pwapeu kebeu rabe Tinggwang da caili gwang di kemak dwa.
Marengeidung nah miswakegah batadung Hutube Tinggwang a dage tei kegai Ih nnui dage ranglia kera Ih a sui luda.
Pegu marengeidung dai kenzwa gede di no,
nah pegu miswakegah batadung dai kenzwa gede ngkieng no!
Pe hegwangram au madaude siadi kelak hegwangram,
nah pe kedi kengkieng ceheu ket cai ket bam mui lala."