Estudar a Bíblia

11 Berea ga minadung Thessalonica ga kebammedung swa penui lung mzuiki, kedanemene penui samliakeyi de penui lung pelane teu eh luulu nah tingnai ramsangne cipau samdungde kesang mi mebi kecu pie kerane kesanglaisiu pei mting bamdi.

15 Tinggwang de peu ncu yilie lu kerane n laikai tei lulo, kesangsam teu ledeu siakte eh heta teikelame ge ngngamdi kerabe ma.

15 nah n henane gade nang kesanglaisiu ci luda, cide ne Khrista Jisu da kebam kenlumde gade kelikelu ngaulu kera maci ncu peu lubui. 16 Kesanglaisiu pelane Tinggwang ne ngngi gaibeu, nah cide keledeu ziemne, mide kehesiu ziemne, mide tei kemzui ziemne, nah mide kecung pwa tei masanglu kera ziemne pe keyi bam, 17 iciu eh Tinggwang gwatei kelabe de peu yicanglu eh bata keyi leune teilu kerane.

13 Ih gwang kemaktane nang kesanglaisiu pei pwa mide lia kecu, mide kecung nah keledeu gage n ting nggwang bamlu.

39 Nnui kesanglaisiudung peei la kedanemene nnui cidung gade kelungta kering ngaulu lalie kecu cet la, nah kesanglaisiudung aidungde ne a zierang teila,

8 Aipau hezai laisiukwak de nnui mui gade tet dilak, tingmui tingba nang cide cetncok luzie, cinzwa lucai raukenzeu dungde nang sünne eh pelane mzai lubui, ciude n lampui yi luzie nah mteu luzie.

105 N sam au a lampui saulia la

nah a lampui ziemne kebaa ge.

97 Oh dai kenzwa gede Ih n zai de a sui no!

Ih cide tingba zie pelane cetncok lala.

98 N ajadung acu a ngauraume swade tei mteu beula,

kedanemene n ajadung au keheidau de a da lalu.

99 A keledeumedung swade a maci kiee ki,

kedanemene Ih n samkak kelu zaidung de cetncok lalu.

9 Daiznwa rehangme ge pe teilung teimci pwabam lulai?

N samdung kemzai gade zie.

10 Ih a nlung pelane teu ncu peei zie;

Peu acu n ajadung gade tetmdei diso.

11 Ih a nlung gage n sam kaipwabam

Ih n dage kemau teigai di melu kerane.

12 Nang samlam pung lei, RAMPAUBO;

n zaidung acu ledeu beulo.

13 A mui le Ih rang ndu gaila

n tutiak kemzuidung nang keulia kegai leune de.

14 N samkakkelu zaidung ga Ih sui la

maheidung pelane swade.

15 Nang ranglia kegaidung de Ih cetncok zie

nah lh n keledeudung cetla.

16 Ih n zaidung a suila la;

Ih n sam nsung tadi lak.

GIMEL

7 Ih a mlung kemci le teu ncu twazie

Ih n tutiak kemzuidung ci keludau.

9 Kedanemene Babylon gade kei raitu bekei tingba raitu benai hebeuh teicuh gai. Nah pa kei mengei bekei tingba raitu benai Jerusalem ga gwanglu, pe Tinggwang pecu ngha kebeune. 10 Kedanemene Ezra RAMPAUBE hezai kai kebeude peei kera ntip bam, nah cide teilu kera, nah Israel ga zaisiedung nah hezaidung ge ledeu kera.

5 Nnui Rampaube nnui Tinggwang de hung zie nnui mlung pekiene teu, nnui keringria pekiene teu, nah nnui kengkieng pekiene teu eh. 6 Samdung Ih henai nnuida kai kegaide nnui mlung ga lazie; 7 nah cide nnui lung kai eh nnui name de ledeu zie; nnui cide ha rangzie nnui nnui kiga ntum kebam daude, nnui lampui kiga tetkela daude, nnui zeu kebam daude, nah nnui cuh kecu daude.✝ 8 Nnui cide kang luzie marehi ge nzwa nnui ba gage, nah cide nnui miak kakga hezu keyi nia nzwa kai luzie.✝ 9 Nnui cide nnui ki ga kikam hetsiadung gage nah nnui kirieki gage rauzie.

18 Pa pe hegwangbam ga bam keludau, Levime cingkumedung dwa ga kebam hezai de gade, pekatei ziemne laisiudum ge gage aipau hezai de raulu maisia. 19 Laisiudum aide pe taiga bam maisia, nah pa cide pe teilung zie tane pei zie, iciu eh pa RAMPAUBE pe Tinggwang de rütlu kerane, iciulu eh aja kai kebeudung nah hezai sam aidungde pelane mneilu kerane. 20 Pa aide tei maisia iciu eh pe mlungbe pe sinamedung reu hegie helia di melu kerane, nah ciu eh pa nzetle mede hile de, hezai kai kebeudung gade nreu dilak; kedanemene riem pwa kebam pa pe teilung mmi kekiee ge hegwang teilu kerane, pa nah pe name, Israel kakga.

Keraisam

1 David napei Israel gwangpei Solomon* macisamdung.

2 Macisamdung aidungde au maci nah keledeusam ledeu kerane,

pekie kecoksamdung ledeu kerane,

3 iciu eh nnui keledeusam cide ngaulu eh

petaube, kemzuibe nah kesamsangbe tei eh lungh lu kerane.

4 Macisamdung cidung mang eh kelame de tei mriak lu

nah rehangmedung de peu ma cilu nah ma petaube teilu kerane.

5 Makecime de peu kingnei lu eh penui maci kieesi kelu teilu

nah kecikecet kebamme de peu puisau ngaukelu teilu,

6 macisamdung, samgwa,

nah makecime samdung nah penui samregwadung cilu kerane.

1 A na, Ih ncu teilo kebeudung de nsungta diso

nah a keledeudung n mlung gage kaizeu lu,

2 kedanemene cidungde ne n teilung tei ntie beuzie,

nah ncu lungciep kaisi beuzie.

13 Keledeusam de herakteu bamlu, cide püt diso;

cide gumlu, kedanemene cide n teilung delu.

23 Kedanemene ajadung au mitaubung ge, nah keledeusam au kebaa ge;

keledeusam au kering lampuibe da.

6 A minadung de ngkap dida macilu kemakne.

Nnui cingkumedung maci gi kedine,

Ih de a cingkume ketei gade nnuide gi dizie.

Ih nnui Tinggwang liede, nnui a zai nsungta kedine,

Ih de nnui namedung de nsungta dizie.

20 Hezai nah teilung zierang ga! Penui magade cikenzwa ranglu ta dicai; cide au penui da kebaa kegah ziemne da.

24 Jisu penui sam keligai, "Nnui kesanglaisiu de nah Tinggwang kengkieng de cikemak kie de ziemne nnui maci mau la dide meluini?

4 Kedanemene pedwa Kesanglaisiu ga raupwa kelade au anuide ledeulu kera ziemne raupwala, iciu eh Kesanglaisiu ga helungketie nah teikengkuu gade anui keregui ge bamlu kerane.

17 Ciziemne, akumedung nnui ma aidungde pedwa cibam dida, cine mriak lulo, iciu eh nnuide mina hezai kegahme maula kedide ne cwateudi melu kerane nah nnui masang de tei nggahdi melu kerane. 18 Dede ngaugia nah anui Rampaube nah kelikelube Jisu Khrista maci gade lungh bamlu. Pecu peu ndu kelube teilo cu nah kelungta. Amen!

10 Kelikelu aipau ha de Caihakecimedung peei nah keteu sünne gwang, nah ngaugia de nnui gu kera mrai rang. 11 Penui pei kecu tei caune ziebi cilu kerane nah Khrista Rabe penuida kebamde penuide mpaubam kecudau. Rabe penuide Khrista keherei kera ha nah pecai kendudung gwang kerabe mrairang beu.✝