1 Cu aidungde penui pautsa peume nah penui paupak ria gade raukelu zidung, hegwangpei Artaxerxes hegwang tei kebamdau Babylon gade acu ngngwa nghang kelume:

2 Phinehas pautsa gade cai Gershom.

Ithamar pautsa gade cai Daniel.

David pautsa gade cai Hattush.

3 Shecaniah pautsa gade,

Parosh pautsa gade cai Zechariah, nah pecu ngngwa paupak ria gade hezi raukelume mipei 150.

4 Pahath-Moab pautsa gade cai Zerahiah napei Eliehoenai, nah pecu ngngwa mipei 200 ge si.

5 Shekaniah pautsa gade cai Jahaziel napei, nah pecu ngngwa mipei 300 ge si.*

6 Nah Adin pautsa gade cai, Jonathan napei Ebed, nah pecu ngngwa mipei 50 ge si.

7 Elam pautsa gade cai, Athaliah napei Jeshaiah, nah pecu ngngwa mipei 70 ge si.

8 Nah Shephatiah pautsa gade cai, Michael napei Zebadiah, nah pecu ngngwa mipei 80 ge si.

9 Joab pautsa gade cai, Jehiel napei Obadiah, nah pecu ngngwa mipei 218 ge si.

10 Shelomith pautsa gade cai, Josiphiah napei, nah pecu ngngwa mipei 160 ge si.

11 Nah Bebai pautsa gade cai, Bebai napei Zechariah, nah pecu ngngwa mipei 28 ge si.

12 Nah Azgad pautsa gade cai, Hakkatan napei Johanan, nah pecu ngngwa mipei 110 ge si

13 Nah Adonikam pautsa gade gwang kekamme, nah aidungde penui zidung: Eliphelet, Jeuel, nah Shemaiah, nah pecu ngngwa mipei 60 ge si.

14 Nah Bigvai pautsa gade cai, Uthai nah Zaccur, nah pecu ngngwa mipei 70 ge si.

15 Nah Ih penuide kereuki, Ahava namdi ga lwa kemie de gage ngngwa ngkwa gailu, nah anui cika lang cumne ge ramzeuki teilwe bamlu. Delwe Ih minadung nah cingkume de pie gwang, dede Ih Levi pautsa gade migede de ngau luma. 16 Pecai Ih qugai: muiteumedung Eliezer, Ariel, Shemaiah, nah Elnathan, nah Jarib, nah Elnathan, nah Nathan, nah Zechariah, nah Meshullam de; nah makecime Joiarib nah Elnathan de. 17 Nah Ih penuide Kasiphia de qu kela heni ga Levime muiteube Iddo da mielo aja kaigai. Nah Ih Iddo nah pe maame Levime nah Kasiphia ga kerecaki kilamedung dage rang kera samdung penui mui gage kaibeu, anuida anui Tinggwang kerecaki gwatei kelame de ngngwa gwanglu kerane.

18 Nah anui reuga anui Tinggwang ngaugia kelane, penui anui dage ngngwa gwang beu: makeci kauge Mahli pautsa gade, Levi napei, Israel napei, Sherebiah, nah pe napei nah pe sinamedung 18 de; 19 nah Merari pautsa gade Hashabiah nah Jeshaiah de pecu si, pe sinamedung nah penui napeidung ge mina hang 20; 20 nah Levime de ngngwa heta tei kera kerecaki kilame gade David nah kedimedung ne kerecaki kilame pwa kepeu mina 220. Penui pelane zi rau pwala.

21 Cidau Ih mmwang kera cika Ahava reuki gade mdugai, Tinggwang dwa gade anuikatei henah gwang kerane, pe dade lampui kemzuibe anui ziemne nah anui name ziemne peei kera, nah anui mabamdung pelane ziemne. 22 Kedanemene Ih hegwangpei reugwame nah hekwen keteume dade anui lampui ga ketetdau ngauraume dade ngha beulo kie kera nggam di. Kedanemene anui hegwangpei dage marang eh, ranggai, "Anui Tinggwang ba au pecu keyi ziemne peei kelame leune da lala, dede pe kengkieng nah pe rata au pecu püt kedime pelane de renia la." 23 Cine anui mmwang eh anui Tinggwang dade aipau kie de ziemne kiegai, nah pa anui kekie teibeu.

24 Cidau Ih cingkume muiteume gade 12 keuntsam lu: Sherebiah, Hashabiah, nah penuide ngngwa eh penui siname gade hangkerei. 25 Nah Ih penuide rangkanggeu mdet mpet peudi, nah kecak de, nah lidung, anui Tinggwang kerecaki de ziemne mapeu kepeudung hegwangpei ne, nah pe keledeumedung, pe kedimedung, nah Israelme pelane (ngau kelumedung) de peudi. 26 Nah Ih penui ba gage rangkanggeu kikkars 650*, lidung rangkanggeu kikkars 100*, kecak kikkars 100 mdet gaibeu, 27 nah kecak kwak 20 darics 1,000*, nah hetageu kwak kemdui, pemi kehung kecak nzwa keyi kena. 28 Nah Ih penui dage rangdi, "Nang au RAMPAUBE dade mci, nah aipau lidung de mci. Nah rangkanggeu de nah kecak au RAMPAUBE, nnui paume Tinggwang dage mta mapeu ge. 29 Cidungde Jerusalem ga, RAMPAUBE ki kibungdung ga nnui cingkume nah Levime muiteumedung nah Israel pautsa peume dwa gage mdet gaibeu kemaktane pierengei teune lu."

30 Cine cingkume nah Levime rangkanggeu, nah kecak, nah lidung perüt mdetkelu luu lu, cidungde Jerusalem ga, anui Tinggwang kerecaki ga teugwanglu kerane.

31 Pecai anui Ahava reuki gade kei raitu bekei ziangreiekena* benai Jerusalem ga mie kera tet mpetlu. Nah anui Tinggwang ba anui reuga la, nah pa ngauraume ba gade anuide kelibeu nah lampui swa kebamme dade. 32 Cine anui Jerusalem ga gwanglu, nah cika anui langcum ne bamlu. 33 Nah penui Jerusalem ga gwangkelu langmdai ne benai, rangkanggeu nah kecak nah lidung de rüt mdetlu: anui Tinggwang kerecaki gade Uriah napei, Meremoth cingkube ba gage kaibeu di, nah pecu ngngwa kelabe cai Phinehas napei Eleazar, (nah penuide ngngwa kela Levimedung, Jeshua napei Jozabad, nah Binnui napei Noadiah); 34 ma pelane pe riak peilu nah perüt teulu. Nah perüt pelane cipau tingdau raukelu teilu.

35 Pecai hebaangketei gade cailigwang kelume, langgi kedi napeidung, Israel Tinggwang dage keru ratak teilu: Israel pelane ziemne ketumseu 12, hemeuseu 96, meurünnadung 77, nah kemau reca ziemne hemeuseu 12. Ma pelane RAMPAUBE dage keru ratak ge teikelu teilu.

36 Nah penui hegwangpei ajadung kai kebeude hegwangpei deuceudidung dage nah Euphrates kenlütle deuceudidung dage peudi. Nah penui minadung nah Tinggwang kerecaki de ngha beu.