1 Nah Ezra kekie tei nah pa Tinggwang kerecaki dwade keumie hap eh pe mau petgai herizi, Israel gade hemaa disüt ge, mipei, nah mipui, nah hename Ezra de twagwalu. Nah minadung hapsüt bamdi.

2 Pecai Elam pautsame ge, Jehiel napei Shekaniah samkeli eh Ezra dage rangdi, "Anuikatei anui Tinggwang dade samsang kemak ta tei dida nah mideu gade sangme Jewme kemakme naudung de luu dida. Dede cu, Israelme ziemne keregui ge bamreu. 3 Cine cu, mipui aidungde, nah penui name de langgi di kera anui Tinggwang de ngngwa samkak lugo, a mpaube, nah anui Tinggwang aja de hing kelame ledeu kebeude gade. Nah peu hezaibe gade cide tei lulo. 4 Cuhlu, kedanemene aide tei kera n reuga bamlu, nah anui ncu ngngwa sap bam. Kuulu delwe aide teilu."

5 Nah Ezra cuhlu eh cingkume muiteume, Levimedung, nah Israel pelane depeu sam aide nzwa tei zielie kecu samkak ge sampet kera teilu. Cine penui sampet eh samkaklu. 6 Nah Ezra cuhlu Tinggwang kerecaki dwade nah pa Eliashib napei Jehohanan kibungdung ga lütdi. Nah pa cika lüt. Pa tangku tyei ma nah pa dui de sak ma, dede langgi kedime cailikegwangme Tinggwang da samsang kemak ziemne pelung keherei eh bamdi.

7 Nah penui Judah nah Jerusalem leune ga langgi kedime pelane de Jerusalem ga gwang ngkwa lulo eh sam kaigai. 8 Nah muiteumedung nah hangkiamedung rang kebeude nzwa langcumne gage gwanglu kemakme leune de, pe mabam pelane tuiteu dizie. Nah pecu langgi kedime maadi de gade keuntsam dizie.

9 Cine Judah nah Benjamin gade mipei pelane langcumne gage Jerusalem ga ngkwalu. Cide kei hekui be kei,* ziangreiengkai cipau kei.* Nah mina pelane Tinggwang kerecaki sumga ntumlu, aipau kiede ziemne mbeu eh, nah tingruide ziemne.

10 Nah Ezra cingkube cuhlu delwe penuida rangdi, "Nnui katei nnui samsang kemak ta tei dida nah sangme Israelme kemakme puide nnui nau tei, Israelme kemaude gage kaisi eh. 11 Dede cu, RAMPAUBE de ketwa peulu, nnui peimedung Tinggwang, nah pe lungningbe teilu. Nah hangdeu mina dade nnui katei nnuide keuntsam lu, nah sangme pui dade."*

12 Pecai kangbau kebam pelane samkeli nah sahbak eh rangdi, "Petau da, N samria gade, anui cinzwa tei luzie. 13 Iciuliede, minadung kieesüt bam nah tingrui ting, nah anui hegwale sapbam kera kengkieng gah. Nah heta aide langnai ge mede langna ne gade teilu kebuibe ma, kedanemene anui mina kekiee ge kemau aika tei kecune. 14 Peu anui muiteume de kangbau pelane ziemne saplu. Nah anui namdidung ga kelame pelane sangme pui de penau teikelume de peu rangkebeu tingdau gwanglu, nah hangkiame nah tutiakme de namdidung gade penui ngngwa eh, anui Tinggwang rata kesiade anui dade cailigwang kemaktane aipau kiede ziemne gade lie de."

15 Asahel napei Jonathan, nah Tikvah napei Jahzeiah rünne aide laklie di. Nah Meshullam nah Shabbethai, Levime, penuide kengha gaibeu. 16 Cine langgi kedime aide teilu, nah minadung (penui pautsa peume, penui pautsa ria gade, nah penui pelane de hezidung gade) cingkupei Ezra dage keuntsam gailu. Nah kei kerei bekei raitu benai penui aide peei mpet kera bamlu.* 17 Nah penui mi pelane de ngngwa, sangme puide pe nau kebam dungde, kei raitu bekei raitu benai tutiak teicang lu.

18 Nah cingkume napeidung kakgade sangme pui de penau kelume kesa ngaulu; Jeshua pautsa, Jozadak napei, nah pe siname gade: Maaseiah, nah Eliezer, nah Jarib, nah Gedaliah. 19 Cine penui penui naudung tadi kera sampetlu, nah penui maudung zimene, meurünhau gade meurünseu gede penui maudung ziemne ratak teikera pwa peudi.

20 Nah Immer pautsa gade cai Hanani penai Zebadiah.

21 Nah Harim pautsa gade cai Maaseiah, nah Elijah, nah Shemaiah, nah Jehiel, nah Uzziah.

22 Nah Pashhur pautsa gade cai Elioenai, Maaseiah, Ishmael, Nethanel, Jozabad, nah Elasah.

23 Nah Levime gade cai Jozabad, nah Shimei, nah Kelaiah (cide, Kelita), Pethahiah, Judah, nah Eliezer.

24 Nah leiketeimedung gade cai Eliashib. Nah herieki kekwame gade cai Shallum, nah Telem, nah Uri.

25 Nah aidungde Israelme kedame gade. Parosh pautsa gade cai Ramiah, nah Izziah, nah Malkijah, nah Mijamin, nah Eleazar, nah Malkijah, nah Benaiah.*

26 Nah Elam pautsa gade cai Mattaniah, Zechariah, nah Jehiel, nah Abdi, nah Jeremoth, nah Elijah.

27 Nah Zattu pautsa gade cai Elioenai, Eliashib, Mattaniah, nah Jeremoth, nah Zabad, nah Aziza.

28 Nah Bebai pautsa gade cai Jehohanan, Hananiah, Zabbai, nah Athalai.

29 Nah Bani pautsa gade cai Meshullam, Malluk, nah Adaiah, Jashub, nah Sheal, nah Jeremoth.*

30 Nah Pahath-Moab pautsa gade cai Adna, nah Kelal, Benaiah, Maaseiah, Mattaniah, Bezalel, nah Binnui, nah Manasseh.

31 Nah Harim pautsa gade cai Eliezer, Ishijah, Malkijah, Shemaiah, Shimeon, 32 Benjamin, Malluk, nah Shemariah.

33 Hashum pautsa gade cai Mattenai, Mattattah, Zabad, Eliphelet, Jeremai, Manasseh, nah Shimei.

34 Bani pautsa gade cai Maadai, Amram, nah Uel, 35 Benaiah, Bedeiah, Keluhi, 36 Vaniah, Meremoth, Eliashib, 37 Mattaniah, Mattenai, nah Jaasu, 38 nah Bani, nah Binnui, nah Shimei,

39 nah Shelemiah, nah Nathan, nah Adaiah, 40 Maknadebai, Shashai, Sharai, 41 Azarel, nah Shelemiah, Shemariah, 42 Shallum, Amariah, nah Joseph.

43 Nah Nebo pautsa gade cai Jeiel, Mattithiah, Zabad, Zebina, Jaddai, nah Joel, nah Benaiah.

44 Aidungde pelane sangme puidung de penui nau teilu. Nah penui kakga mipuidung bam, nah penui mipeinadung mna beu.*