Evangelização

19 Hinu myendi, mkawaghole wandu wa mlima wogha waweli wavulwa, mkiwabatisa kwa lihina lya Tati, na lya Mwana, na lya Mpumulo wa Sapanga. 20 Muwavuli kukola malaghililo hyogha niwapeghili. Na nenga niwela pamonga na mwenga machuwa hyogha, ena mbaka mwihu wa lipindi lyogha."

15 Hinu, akawalongela, "Myendi kumlima wogha mkatangase Lilandu Maha kwa wandu wogha.

8 Ila lipindi Mpumulo wa Sapanga paawahulukila mwenga, mtepokela makakala na mtewela wandu mlolile kwa mihu na kulongela ku Yelusalemu, kumlima gha Yudasia hyogha na Samalia na hata mwihu wa mlima wogha."

14 "Mwenga ni mhana wa mlima wogha! Mmbwani uchengilwi kunani gha litumbi uwesa ng’ogha kuhighwa."

Munyu na mhana

13 Yesu akalonga, "Mwenga ni munyu wa mlima wogha. Ila munyu pauyalamisa unogha ghaki, mteghola niki inoghi? Utetutanga ng’ogha chochosi, ila kutagha panji na itimbangwi na wandu."

15 Kwahela wandu wanguwesa kukosa taa na kugubika kwa lidebi, ila wanguvika kunani kindu kya kuvikila taa ili iwesi kuwalangasila wogha wa mlighuta. 16 Hilahila, mhana wa mwenga ulangasi kuulongolo gha wandu, ili wapati kulola matendu gha mwenga maha na wawesi kumyinula Tati wa mwenga wa kundumba.

17 Kuhuma lipindi lila Yesu akatumbula kutangasa akilonga, "Mleki sambi na mumhuyili Sapanga, kwaikiva unkosi wa Kundumba upabehi."

Habali Maha gha Kilisito iwela na makakala

16 Nenga nivile ng’ogha na honi kutangasa Habali Maha, kwaikiva hai ivile na uwesa wa Sapanga weni kuyegha ulokola kwa kila mweni kukwinila, kwa Myahudi mtumbulo na kwa Mgiliki hila hila.

17 Hinu, mtumbulo wa kukola ukwinila ni kuhyoghanila Habali Maha hila imlongela Kilisito.

2 Kwaikiva nilamulile paniwela kwa mwenga nilonge mighalu gha Yesu Kilisito weka yaki kangi kuhova kwaki kulipingika bila kulongelela kindu kighangi chochosi.

Kuhinduka kwa Kilisito

1 Hinaa, walongo ghangu, ningupala kuwakumbusa kulongelela Habali Maha hila niwatangasilile, hai muipokelili iwelili mghomba wa ukwinila wa mwenga. Na mwenga mngugangamalika kumghomba hau. 2 Ujumbi niwatangasilile ni Habali Maha, mwenga mtelokolwa pamkikola maha ghala niwatangasilile, handa paikawela nagha ukwinila wa mwenga wayaghi yaghi.

14 Sapanga katumila kutangasa Habali Maha kwa twenga handa njila ghaki kuwakema mwenga ili mpati kupokela mahala kuukwilikihi wa Bambu Yesu Kilisito.

15 Ila mumtundamili Kilisito handa Bambu mumioyu gha mwenga. Mliyandali machuwa hyogha kumyanga kila mundu yula anguwakonya milandu gha litumaini lya mghati mwa mwenga Ila kwa unyalinyali na utundamilu,

35 "Pampalana mwenga kwa mwenga wandu wogha watelimanya yiwa mwenga ni wavulwa wa nenga."

8 Hinu wandu watemanya vila Tati ghangu kawela mkulu, kwa mwenga kughola ghala anguyapala Sapanga na mtewela wavulwa ghangu chakaka.

47 Kwaikiva hali ndiwa Bambu atulaghilili,

‘Nikuvika wenga uvile mhana kwa wandu wavile Wayahudi ng’ogha,

ili wandu wogha mlima wogha wapokeli ulokola,’ "

24 Ila nivalanga ng’ogha ukomu wa nenga yiwa ni wa maha kwa nenga, ipita kuyomola lila lihengu lya Bambu Yesu anipegheli.

18 "Mpumulo wa Sapanga upamonga na nenga, kwaikiva Bambu kanihaghula na kunipakala mahuta ili niwatangasile wandu wakapuku Habali Maha. Kaniyegha niwalongele wawopwa yiwa watekombolwa na wandu wangalimihu watelola kangi. Kaniyegha niwakombole wahakiliwi.

29 Yesu akalonga, "Nagha ninguwalongela, kila mundu alekilili

lighuta ghaki, au mlongu ghaki, au mhaja ghaki, au nyongo ghaki, au tati ghaki, au wana au matawa kwa ikiva gha nenga na kwa ikiva gha lilando maha. 30 Atepokela mianja imia nesu lipindi hali lya hinaa. lighuta na mlongu na mhaja na nyongo na wana na matawa pamonga na mahakili na ku lipindi lya kuulongolo atepokela ukomu wa machuwa yogha ng’ogha kuyomoka.

35 Kwa ikiva mundu apalile kuulokola ukomu ghaki, ateulamisa, ila mundu ayalamisile ukomu ghaki kwa ikiva gha nenga na kwa ikiva gha Lilandu lya Maha, atehuka kuhuma mu uhakata.

27 mweni kapala kuwamanyisa unaisa na ukulu wa kifisu haki kyeni kulandala kwa wandu wawela ng’ogha Wayahudi, na kifisu kyeni ni haki, Kilisito kuwela mghati gha mwenga na mwenga mtekonganika kuukulu wa Sapanga.

Mavulo gha uchakaka

1 Ila wenga ungupalwa kuvula mavulo gha uchakaka.