Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Sobon Aworo de Mirikisi ba ku yaa sa ku de kuma bunwa de ku yi womba naba; sede ku keleba Aworo de sa kuma yaya Mirikisi, Sobon te anya sori Aworo na mua yi lepa nkye, <<Adaa! Adaa na!>> Aworo Mirikisi gom nki yi nja aworomu pala nkye muma yaya Mirikisi. Tunde muma yaa yi, muma nsu sigado anabirika de e ba mu ntani yi, nja mua sigado mbode Mirikisi shiriya ba Kiristi; nde mu Genbeki yiride Kiristi sha, yomuna mua man dereja nja shi.
Sede kwanki yi, Mirikisi saka Yaa yi, de su yapu yi te anya ni mase, su yapu Yesu te anya doka Musa, de E sila worede ma a siki doka Musa, de muma anihi yaya Mirikisi. Sobon de kuma yaya Mirikisi e shiya sa Mirikisi saka Aworo ni Yaa yi a siki dishiya amu, Aworo de ma sukwa nkye, <<Abba, Adaa.>> Sobon yomu, kuma bunwa na gagaba, sede ki ma yaa la; tunde ki ma yaa la, Mirikisi sa kuma yaya nsude si gado.
Yaya ni Mirikisi
Guru aku kuma yaya Mirikisi te anya beigaskye a siki Yesu Kiristi. Guru aku de ku yi tunkwasa a siki Kiristi, kuma kankye Kiristi naka. Ba nana bombom a sisika Yawudawa, ko worede su ma Yawudawa ba, ko sakani yaa nja bunwa, ko nseminji ko mase, guru aku kuma daa a siki Yesu Kiristi.
Mirikisi e rigye zabi mu de Muma yaya goyi yi a siki Yesu Kiristi, nsum nama nupi nja zi dadi yi. Mirikisi yi yomu la de mu yobo dereja girima yi sobon aniyeri de e ba mu kyawuta teke ta anya Yaa yi de yaa so soseyi.
Lepa Bulusu Sobon Ntani Apisawa
Sobon ni yomu Ni dure a geba Adaa amu ni bisi, daa de dege anya yi na guru zuriya ni bisi nja ni durinya su samu seni asu.
Sede du nsude keleba yi, de su beigaskye ni seni yi, e ba su dama de su ma yaya Mirikisi, ba yaya de su yapu te anya zini nja nki ba, ko te anya nupi nsebeki ba, sede Mirikisi nkiya yi ema Adaa su.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Kede mu bila tala kiya mu, yiride worosu su su ma yi. De mwa yi yomu, se mu ja nkyamu sori guyam, tunde mu shina nkye nana zo ni Obagizi yi kusa.
Ku kadishiya ni Genbeki de kwa sha kankye yiride Adaa yaa poro yaa yi; Mirikisi yaa yi ku yomu sobon de ku ma yaya yi la. Ko woni yaa na adaa yi yaa poro yi ba? Nde e poro ku yiride yaa yi ririgye yaya yi ba, ema kankye kuma yaya yi naba, sede yaya shegye. A keteri ni nsu adaa mu ni nki, nde su ma poro mu nzun yomu mwa ba su girima. Yaya na yaa pi mu kyawu nde mu beyi kiya mu te nja adaa mu ni aworo de yaa yiya ba mu leyi! Nsu adaa mu ni durinya sua ba mu poro a kwanki piri, yiride su geni de Jima su; sede Mirikisi poro mu sobon de e yi mu kyawu, sobon de muma nsuseki kankye e shi.
yomuna kode mu man nyowa a siki Kiristi sede mu ma nki ndandaa la, kowoni daa mu muma ganga nki yayiwa mu la.
Sobon yomu nde gaba nki daa yi suwo, guru gaba nki sua zi zapi suwo ni; yomuna nde ntani su yobo gaba nki daa, guru gaba nki sua yi peri siki gabada.
Sobon yomu, oku de kuma Yawudawa ba kuma bakwe na gagaba; kuma yaya kesa na gabada nja ntani Mirikisi ku kwa ma juriya gizi Mirikisi, Oku ma, Mirikisi gina ku a kiya kutiri de yayamanki nja nsu anebi su gini, Kiristi Yesu nama dunsi nsu anpani de ka gini nkiya yi Te anya Yesu na Mirikisi yada guru laki gabada, e shina ma sa laki ni de yi girima ari ema laki lepa nsuseki de Mirikisi la sa keteri ba Obagizi. A siki zumunshi nja Yesu na Mirikisi gina ku nja ririgye ntani gabada de ku ma anya de Mirikisi yaa zunwa te anya Aworo yi.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Yesu minya su nkye, <<Waa ma amaa na nja yayuwa na?>>
Se Yesu kone worede zunwa gyewe yi nkye, <<Amaa na nja yayuwa na osu na ka anya mu! Guru nsude yi mbode Mirikisi yaa so e shiya ma yayuwa naa menza nja mata nja amaa naa nja adaa naa.
Bunwa yaa zunwa a gizi ni nsu gizi yi ari gbogbo ba, sede yaa yaa zunwa a gizi adaa yi ari gbogbo.
Yesu gye su nkye, <<Nde Mirikisi e ma Adaa ku, kwa so ni, sobon Ni zo dege anya Mirikisi la kuzukam eni naka anya mu nja ku. Ni zo ni sori kiya na naba; sede Mirikisi la saka ni.
Showura A kiya Mata Makeyi Nja Toree Nja Bunwa
Kede ki kwabe susupe nseminji ni zapi murinya, sede ki ba su showura kankye e ma adaa na anya ake. Yaya sambari kankye yayuwa ake. Ki ba susupe mata girima kankye su ma amaa ke, yaya mata kankye yayuwa ke, ni dishiya sere.
Yaya Mirikisi
Ku kone yiri totolo so de Adaa ma nshi nyowa a kiya amu, ari de sa sua sukwa mu yaya Mirikisi! Yomu na mu kwa ma! Delili de durinya shina mu ba sobon su shina Adaa ba. Oku nsu oboki na de mma so, kuzukam mu ma yaya Mirikisi, mbode mua ma ta a geba su tuku bure mu nshi wo ba. Sede mu shina nkye kwanki de Kiristi te zo, mua ma kankye e shi, sobon mua geni yi yiri de e ma.
Nkayomu, de mu mani kwanki mu, mu yi ntani guru mbo kyakyawu, musama worede su ma yayuwa amu a siki Yesu Kiristi.