Família de Deus

15 Mbrə ə̂në ə də̂ yîrə̂ kə mbrə e tə akanga, ə̂në ə daka pə kə mbrə awa gâ lə e kɔ, də̂ e sɔ̂tə̂ nə kɔ ne, bale e sɔ̂tə̂ Yîrə̂ ə̂në tshə mbrə̂ e tə aləvu Ndjapä gâ ye kɔ, ə̂në tə̂ äwä ye a sə kə ta râwâ tə̂ Ndjapä ə pa: «Abba! Abä!» kɔ. 16 Yîrə̂ nə də ə̂tə̂ ye sə kə pa əpʉ kə yîrə̂ əzə̂ ə pa a sə tə aneshe nə̂ Ndjapä. 17 Kandää, kədə a sə tə aneshe nə̂ Ndjapä nə, a sɔtə̂ aərə ə̂në Ndjapä nə zâ ama də əpʉ nə kə azü nə̂ ye gâ ye kɔ ndje je, əzə̂ də a-Kristə ə sɔtə̂ nə äwä bale je. Kədə əzə̂ də aəndje, tə djatra əpʉ, kə wu əyo, əzə̂ də aəndje ə sə lə ə̂yî ye ndje je.

4 Bale, ə̂në alɔ nə lî gâ ye kɔ, Ndjapä nə wlâ Ɨrɨ nə, ə̂në yashe kə zû ətshə, tshekudu âgbɔ̂ əpʉ nə̂ Mayïzə kɔ, 5 ndə kə pa tshə tshɔ azü ə̂në əndje sə tshekudu âgbɔ̂ əpʉ nə kɔ, kanika əzə̂ do tə̂ əzə̂ tə aləvu Ndjapä.

6 Â mbrə ə̂në e sə tə aləvu nə kɔ, Ndjapä nə wlâ Âgbɔ̂ Yîrə̂ nə̂ Ɨrɨ nə gâ tə̂ lɔsu əzə̂ nɔ̂, ə̂në tshə sə kə ta râwâ ə pa: «Abba! Abä!» 7 Rəkɔ, bə sə sə kwatə̂zə tə kanga ne, bale, bə sə tə ɨrɨ nə; â kədə bə sə tə ɨrɨ nə, Ndjapä ə ko aərə ə̂në tshə gâmba mbrə aləvu nə kɔ kə əbə je ndje.

26 Mbrə ə̂në e sə nɔ̂ tə aləvu Ndjapä tə̂ äwä əpʉ lɔsu e lə Jezu Kristə nə. 27 Djatra əpʉ, e-e nɔ̂ ə̂në e zâ batamo də əɨrɨ Kristə nə gâ ye kɔ, e yî Kristə nə gâ tə̂ e gâ ye. 28 Rəkɔ, əpʉ Juwufu wala əpʉ ə̈bə̈ əzü lə marä kpî sə sə je kwatə̂ye ne, əpʉ kanga wala əpʉ amba əzü sə sə je kwatə̂ye ne, əpʉ koshe wala əpʉ yashe sə sə je kwatə̂ye ne, mbrə ə̂në e-e nɔ̂, e sə kʉ bale lə Jezu Kristə nə.

5 tshə gâmba əzə̂ ətshinə gâ ye, tə̂ äwä Jezu Kristə nə, ndə kə pa əzə̂ do tə̂ əzə̂ tə aləvu nə, ə lï də ə̂rɔ̂ ərə ə̂në tshelə ye yîndə nə gâ ye kɔ. 6 Tshə mbrə̂ rə ndə kə pa a mbe ətshə lə ə̂yî mbrə ə̂rɔ̂tə̂ ye nə ə̂në tshə mbrə̂ kə əzə̂ lə Ɨrɨ nə ə̂në tshə yində ye tə bandanə kɔ.

Äwä kə yində azü ə̂në Kristə yində əndje kɔ

14 Âdârə ə̂në mə gbəte gâ ətshi Abä də Ndjapä, 15 ə̂në tshə mbrə̂ â bəngʉ nɔ̂ mâ lafɔ ndje pâ ashɔ wû tsheshu kɔ,

12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä. 13 Əndje zû əndje zû tə̂ äwä ə̈ndjï, wala tə̂ äwä əgo əndu əzü wala tə̂ äwä ərə ə̂në tshelə əzü kə yində nə kɔ ne, bale əndje zû əndje tə̂ äwä Ndjapä.

25 A tshï tshï äwä aangbɔ nə̂ əzə̂ tʉ, mata ə̂në alabə̈ azü nə ə mbrə tə mandʉ nə kɔ ne. Bale, a gbɔ̈gbɔ lɔsu angâ əzə̂ lə takpa tə̂ əzə̂, ə mbrə̈ rə ə ro ənə̂ sə̂ ə̂në a mbrə̂ ətshinə kɔ, ə̂në e wu ə pa əlo Âgbɔ̂ Əyïngerə ndô trö gâ ye kɔ.

7 Mbrə kə yisə̂ ərə kə e də̂ e wu əyo kɔ. Ndjapä sə kə mbrə tə̂ e rə tə aləvu nə. Ɨrɨ əde də̂ abä nə da ətshə da ndə kə yisə̂ äwä kə ətshə ne? 8 Kədə Ndjapä kə da e da mata aləvu nə nɔ̂ ndə kə yisə̂ äwä kə e ne kɔ, e sə sə tə djatra aləvu nə ne, bale e sə tə aneshe tsheshu. 9 A sə də alabä pâ ashɔ səye, ə̂në əndje sə kə da əzə̂ ndə kə yisə̂ äwä kə əzə̂ â a sə kə kpe rawa əndje kɔ. Bale, a lï ndə kə pa a dji əpʉ ama Abä əzə̂ də Ndjapä nə ə ro, kanika a sə də sorô. 10 Alabä əzə̂ nə sə kə da əzə̂ ndə kə yisə̂ äwä kə əzə̂ lə töndö alɔ, alɔ ə̂në əndje wu tə ə̂rɔ̂nə lə ala əndje. Bale, Ndjapä nə da əzə̂ mbrə ə̂rɔ̂ ərə nə̂ əzə̂, kanika a sə tə azü ə̂në əndje sə kpî, mata ətshə.

5 Äwä bale ndje, əzə̂ ə̂në a ngba ə ngba kɔ, a mbrə̂ tə tshekotə̂ əzü kʉ bale lə Kristə gâ ye, â lə takpa tə̂ əzə̂, a sə nɔ̂ mata aərə tshekotə̂ əzü.

26 Bale, kədə ə̈bə̈ ərə tshekotə̂ bale kə sə kə wu əyo, ə̂dû aərə tshekotə̂ nə nɔ̂ sə kə wu əyo gâ ndə ye. Kədə azü lʉ ə̈bə̈ ərə tshekotə̂ nə bale, ə̂dû aərə tshekotə̂ nə nɔ̂ sə də ə̂rû gâ ndə ye.

19 Âdârə ə̂në e sə sə kwatə̂-e tə atshângâ wala tə azü tshelə äwä ne kɔ kə sə̂. Bale e sə tə djatra azü nə̂ Ndjapä nə gâ ye mata ə̂dû əndje nə â e sə tə azü tshelə bəngʉ nə̂ Ndjapä nə. 20 E yî tə̂ e gâ lə kə mbrə anda gâ ye, ə̂në azü-awla gâ ndə aawopandəma Ndjapä sə mata ə̈nü anda nə kɔ â Jezu Kristə nə də ə̂tə̂ ye sə tə əkpʉ ə̂ngʉ̂ nə kɔ. 21 Lə Kristə nə də̂ anda nə nɔ̂ gbɔgbɔ tə̂ ye â o gâ lafɔ ndə kə pa ə mbrə tə Anda Ndjapä ə̂në ə sə kpî kʉ mbrə Âgbɔ̂ Əyïngerə kɔ. 22 Lə Kristə nə, e-e ndje, e sə tə aərə anda nə ə̂në əndje mbrə̂ kɔ, ndə kə pa, e-e də ə̂dû azü nə nɔ̂, e do tə̂ e tə anda ə̂në Ndjapä nə sə lə nə tə̂ äwä Yîrə̂ ye kɔ.

33 Jezu kîrə əpʉ ə pa: «Əyï əmə də alaye əmə kə də̂ aəde?» 34 Mandânə, tshə lîshi ə wû azü nə ə̂në əndje sə̂ gâ tʉ dji ətshə kɔ ə pâ: «E lïshi-a! Əyï əmə də alaye əmə kə səye. 35 Əzü ə̂në tshə mbrə ərə ə̂në tshelə Ndjapä yində nə kɔ, tshə sə tə aye əmə, tə kobɔ əmə wala tə əyï əmə.»

35 Kandää, kanga nə da daka pə alɔnɔ̂ lə anda ne, ətshə, ɨrɨ tshelə bəngʉ nə kə sə kə daka pə alɔnɔ̂ lə anda nə.

42 Jezu pâ kə əndje ə pa: «Kədə Ndjapä kə sə̂ kəmə tə Abä e, e sə kə yində əmə kəmə. Mbrə ə̂në mə tô mâ ndə Ndjapä â wûtu â nâ kɔ. Mə nâ nâ ndə kumu əmə də ə̂tə̂ əmə ne, bale Ndjapä kə wlâ əmə kɔ.

1 Ngä ngä kə yawaza koshe ne, bale pä əpʉ kə ətshə mata abä zə, ə pä əpʉ kə amɔdɔ mata alaye zə, 2 ə pä əpʉ kə yawaza yashe mata əyï zə, ə pä əpʉ kə alamvera mata alakobɔ zə, mbrə̈ rə də lɔsu ə̂në ə sə mvo nɔ̂ kɔ.

1 E wü marä tə̂ kə yində əzə̂ ə̂në Abä yîndə əzə̂ kɔ, ndə kə pa tshə e əzə̂ tə aneshe nə̂ ye kɔ, â tə̂ banda əpʉ, a sə tə aneshe nə̂ ye nə! Mbrə nə, tshepashɔ wusə̂ əzə̂ wu ne, mbrə ə̂në ə wûsə̂ Ndjapä nə wû ne. 2 Alaye ə̂në mə yində e ngbatshe kɔ, mandânə səye a sə tə aneshe nə̂ Ndjapä, â marä tə̂ kə sə əzə̂ nə te te pa ə wutu gashu ne. Bale, a wusə̂ nə ə pa, tə̂ alɔ kə gu Kristə nə, a sə kə sə a pa də ətshə, mbrə ə̂në a sə kə wu ətshə mata ə̂në tshə sə kɔ.

10 Rəkɔ, alɔ ə̂në äwä nə â sə je tə̂ əzə̂, a mbrə̈ ə̂rɔ̂ nə kə azü nɔ̂, ə̂dû nə nɔ̂ kə alaye əzə̂ lə əpʉ lɔsu nə.