Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Kedanemene nnui hebaang teidi kera rabe ngau luma, iciu eh nnui ngngi eh lungh daidi kera; dede nnui pe name teidi kera Rabe ngaulu, ciziemne anui, "Apei Tinggwang, Peibo!" de qula. Rabe pekatei de anui rabe de ngngwa eh anui Tinggwang name delie kecu zierang teila. Nah anui pe name liecai, anui pe ma pwaleu kerame, Tinggwang mapwame deda. Anui au Khrista de ngngwa mapwa kencütme, anui de pecu ngngwa keherei kesang liecai pecu ngngwa ndulu kerane.
Dede petingbe cangsiak gwang luge, Tinggwang pe Na de langgai eh peu mipui ge dade nah hezaibe kang gade mna lu, iciu eh hezaibe kangga kebammedung de rilu kerane, nah anui pe name teilu kerane. Nah nnui pe name kecu ziemne, Tinggwang pe Na Rabe langpwa anui mlung gage kaigai, Rabe cide ne, "Abba, Apei," de qula. Cine nnui au hebaangme meda, dede pena dida, nah pena dicai, Tinggwang mapwame ge dida.
Tinggwang namedung
Kedanemene Khrista Jisu de kenlum gade nnui pelane Tinggwang namedung di delu. Kedanemene nnui Khrista gage duipum teigai kelu leune Khrista de teu bah luda. Cika Jewme mede Greekme de tsam swa ma, hebaang keteime mede tei kemakme de tsam swa ma, mipei mede mipui tsam swa ma kedanemene nnui pelane Khrista Jisu gade ketdi delu.
pe lungning keyi de nzwa pa anuide Jisu Khrista gade pe name tei zielie mrai riem pwala. Pa pe na pe Kube gade pe ngaugia kendu mta mapeu anuide kepeu ziemne pecu twa go.
Ephesame ziemne kekie
Aipau kiede ziemne Ih Peibe Tinggwang dwade koktung eh kekie tei bamla, pe dade kelak keheibe de tinggim gade nah kideu gade pe zi ngaulu.
Dede pecu luu kelu leude, pe zi de nlum kelume, pa Tinggwang name teilu kebui mzeu peu. Aidungde hejai gade lunghgwang ma, mede pumteih lungning gade ma, mede mina lungning gade ma, dede Tinggwang dade.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Midung ge nzwa, anui kangbau eh ngkwa bam kelade mtakdi helo. Meliene, anui hangge gede teingkuu si lugo, pe tingba de gwang nna reu reu kebamde ngau eh.
Nnui keherei aide liagwang kecudau, Tinggwang pe name de nzwa nnuide ledeu bamlie kecu nsunglu. Kedanemene pe pei ne ledeu kemak cau bamno? Magade Tinggwang pe name leune de ledeu kela nzwa, nnuide ledeu mecai, ge nnui au hekaknadung dida nah pe name meda. Cirünne mene, anuide ledeukela anui pumteihbe peidung bamlie nah anui penuide rütla. Anui rabedung Pei sam au mzai kieeki delwe lungh maisia meni? Kedanemene kesang anui peime penui macet yitube teu anuide kaknage ziemne ledeu. Dede Tinggwang anui ziemne yi kerabe anuide ledeu la, iciu eh pe kemci ga anui mzilu kerane.
cide nzwa eh, anui kekieege bam liede Khrista gade au pum ge, nah hangge ge kecu kedabe zi ge teikap.
Cine mipum nzi ket keherei dige, nzidung pelane ngngwa keherei dila; nah mipum nzi ket hetwa pung luge, nzidung pelane ngngwa mi suiyi lula.
Cine, nnui cikemakme nah sangme meda. Meliene, nnui au pe minadung de ngngwa kemacüt dida nah Tinggwang kilungme tei dida. Nnuide langkegaime nah caihakecime ne pebangdwa kebeu gage tei luda, nah Khrista Jisu pe kimiaktsube da, pe dade ki peciakne, keu reincütlwe Rampaube dage kai kebeu kemci kerecaki ge mmi petlu, pe dade nnuide de nlumkelume pelane de nzang Tinggwang pe Rabe gade lungh kera ki ge ga teincüt luda.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Ge pa penui sam keli eh ranggai, "A pui nah a siname cauno?" Ge pa nreugwang pecu twagwapung kebamdung de pie eh rangdi, "Ainie, aika a pui nah a sinamedung! Mina keheibe de Tinggwang suibe tei nah mzai kelume cipaume a siname, a time nah a pui delie."
Dede kilabe au kilung ga kelungta bam lamah; pe na be kelungta bamla.
Herakesiabe namedung
Jisu penui dage rang, "Magade Tinggwang nnui pei liecai, nnui acu hung luzie, kedanemene Ih Tinggwang dade gwang nah Ih aika bam; kedanemene Ih akatei a ziemne gwang bamma, dede pa ne langgai.
Hemipui, kecingme nah kilame ha keledeusam
Kecingpei gede kesiu so, dede n pei nzwa eh pecu kecunglu, mipei henabe riade n siname nzwa ngngwa lu, kecingpuime de n puime nzwa, mipui henabe riade n timedung nzwa, ma pelane gade mcigi eh penuide ngngwa lu.
Pielo Peibe anuide daikenzwa keku peu no, peuge anuide Tinggwang name lie qulu kera, nah anui au Tinggwang name da. Aipau kiede ziemne kideube anuide ci ma, kedanemene kideube pecu ci kemakne. Akumedung, anui cu au Tinggwang name dida, nah anui dai nzwa di ziebi kecu liagai mereu. Khrista kegwang dau, anuide pa nzwa di kera anui cibam, kedanemene pa kelade nzwa anui pecu ngau zielu.
Cine, anui peting keyi ngau keludau, anui mina pelane dage ma keyi teigai maisia, nah bam keraide kenlum kilungme dage.