1 Iciu eh mina aipaudung hangcum de Job sam keli cu mtakdi kedanemene pa au pe katei pe miak dwa gade masang kecune. 2 Aipau cai Barakel napei Elihu Buzmepei, Ram kibaume ge pe rata kezeu gailak di; Job de pe rata sütdi kedanemene Job pe katei pecu Tinggwang swa mzui lie cet kedine. 3 Elihu* pe rata sütdi pe zangmedung hangcum de kedanemene penui Job sam keli kera ngau lu ta kedine, nah ainzwa lie de Job de mmau kebam ne. 4 Elihu Job dage marang gai kera kwa bam kedanemene mina kedame be pe swa hecing kecune. 5 Iciuliede, mina aidung hangcum de penui muidung ga sam keli kera Elihu ngaulu ta kedi dau, pe rata kezeu gai lakdi.

6 Aipau cai Barakel napei Elihu Buzmepei marang cudi,

"Ih hena au reu, nah nang au hecing süt dida.

Ciziemne Ih rang zie lie kebam a kecet de kainzeu dai dida.

7 Ih ranggai, "Tingbaziedung ketiege au marang mai sia;

mmi kekieeme maci heteu lu maisia.

8 Dede mina da rabe la;

keringria keteube Ngkiengtube Tinggwang ne pecu kecikecet pwapeu.

9 Mina kedime ge de rünne maci lie la ma,

mede mina hecingkedime rünne ma kemzuibe de ci swa lu la ma.

10 Cine Ih nda ge rangla, ‘A kwa kingnei lu;

Ih cikelu maci de nda ge rang lia zie.’

11 Pielo, Ih n samdung de kwa bam;

Ih nnui kesamlim kebam kwadung kingnei bam

nang daipai rang zie bi de cet kebam dau.

12 Kesang, Ih ncu piegai bam,

dede, pielo, cika mige de Job lungteinreu lu kera gah

mede pe samdung keli gai kera.

13 ‘Anui maci ngau luda!’ de rang kelakne mriak lulo.

Tinggwang ne Job reu ngkieng luzie; mina ne cide tei gai lak.

14 Iciu eh Job pe samdung rang pwa acu mmau ma,

cine nnui samdung dele keu Ih pe sam keli lak.

15 Mina aipau hangcum de penui sam gadi; penui Job de keli si gai lakdi;

penui magede de rang si gai kera gadi.

16 Penui mlei mene kebam de Ih kwa bam mai sia ni,

kedanemene penui luga zing de sap nah sam de keli si mene?

17 Lak, Ih de alam bie de sam keli zie da;

Ih de cikelube penui dage rang gai zie.

18 Iciu eh samdung acu pui bam;

rabe a lungga kebam dene acu kecung gai.

19 Pielo, a hekarak au zaucing cide mpet kebam nzwa da;

zauladung keheci nzwa, cide pangpop di kera mtei luda.

20 Ih marang zie iciude Ih ngkieng dai lubui lu;

Ih a muileu kenana ngkei gai zie nah sam kelizie.

21 Ih heneuherüt keu lia lak;

meliene mikeheibe de de ngaukehing zidung de peu lak.

22 Kedanemene Ih cikenzwa be zidung de dainzwa ha zie bi ci melu;

magade Ih cide tei cai, Damkegaibe tiemene acu ngngwa tetdi zie lu.