1 Aipaucai, Job marang eh pecu mna kelu tingba de de resetdi.

2 Pa rangdi,

3 "Peu acu mna kelu tingba de,

‘Mipeina gede tetlak luda,’ de eh rang kecu be ziu de gah di lulo.

4 Cipau tingba de peu muiting dilo;

nreule kebam Tinggwang de peu cide nsung diso,

mede peu tingnaimiak cika ge taugai so.

5 Kemui nah ketsaimie de peu penui gudi lulo.

Hemwa de peu cika himgum dilu;

peu tingbazie de ma pelane de heneutit delwe mui remang dilu.

6 Cipau tingmuiziu de peu, kemui de le zimcim dilu.

Cipau tingba de pe mmi kakgade peu pei dai so;

Hekei ziedung kepei gade cide peu gwang dai diso.

7 Pielo, cipau tingmuiziu de peu mta dilu;

cika peu suiyi gwang ta dilu.

8 Leviathan de dainzwa ngkia ncuh ziebi ci kebammedung de,

peu cipau tingbazie de reset dilu.

9 Peu tingba ra hegidung de mui dilu.

Cipaunai kebaa ziemne peeilu, dede magede peu ngau so;

mede cide peu tingcang kebaa de ngau so,

10 acu mna kelu ziu cide de reset dilo,

kedanemene cide a miakngau gade keherei kebailu kemakne.

11 Daitei Ih henabam gade mpet kecu dau tsaidi meno?

Daitei Ih a pui acu pung kela dau tsai di meno?

12 Daitei acu a pui mnie gage pwa no?

Daitei eh a pui tung le acu nepam kera peu no?

13 Cu Ih ziune eh zeu bam zie nage.

Ih ziep nah mtak bam dizie de nage.

14 Kideu ga hegwangme nah keledeume de ngngwa,

penuikatei ziemne tei kelu heraudung cu kap dida.

15 Mede hegwangnadung piage kecak nah rangkanggeu le,

penui ki teipui kebamme de ngngwa zeu bam dizie.

16 Mede acu tsai eh mnalu liecai,

ngienadung kebaa ngau mezing kecume nzwa.

17 Cikade kesiame kehebwak kam dila;

nah cika leu kebamme mtak lula.

18 Hebaangme kecang de lungciep ngau lula;

penui kila kezeu kelame kwa siu lama.

19 Mina kedime de nah keceume de cika bamla,

cika kilame au pe mpaume dade pe suira tei lula.

20 Daitei mina helung keherei kebamme dage kebaa kaibeu zeu no?

Daitei keherei kebamme de keringria kai beu zeu no,

21 mige ketsai gwang kemakne cide regui kelabe de;

pa mahei kebaipwa kenzeu de swade ketsai penui sui la.✝

22 Daitei eh mige pe sui yicangsiak kela ge de kebaa kaibeu

nah herau ngau kelu dau pe sui yi lano?

23 Daitei eh kebaa pwa mina pe lampui kebai kedime,

mina cipaude de Tinggwang ne gumpwa bam ni?

24 Maketyei nding gade Ih hap pet dila;

a mra kwa au dui rui mpet kegai nzwa da.

25 Kedanemene Ih ma hingham kebamdung a da gwang dida;

nah Ih dai ngau hing la bi a da gwang dida.

26 Ih au relui meda, Ih au ziune meda, nah Ih kemtak gah da;

meliene keherei gwang dida."