1 Elihu rangsi eh ranggai,

2 "Peu acu manage rangsi gailo, iciude Ih nnui dage madung ge ranglia zie

kedanemene Ih Tinggwang lamgum eh kie kemak ge rang kera bamreu kecune.

3 Ih kemdei gade a kecikecet teugwang luzie;

Kesamsang au acu Teikegaibe da bam lie kecu Ih rang zie.

4 Kesangbe, a samdung au kenretbe lak lu;

nnui swa kecikecet kengkieng kebamme ge nnuide ngngwa bamlie.

5 Pielo, Tinggwang au ngkieng, nah migede de mlai lama;

pa au kecikecet kengkieng di süt.

6 Pa mina kenlienme teilung gangbeu lama

dede keherei kelame ziemne daipai nzeubi tei beula.

7 Pa masang kecume dade pe miak nreudi lama

dede penuide hegwangpeidung de nzwa kelungta hegwangbam reu gage kai lula,

nah penuide teuncuh hu beula.

8 Penuide hegeuria le kang dicai

nah keherei ria gage keulu cai,

9 iciucai pa penuide tei kedibe liagai beula,

nah penui maudung nah penui ngang kelade.

10 Pa penui kwen de ngkei pwa pe keledeusam gage kai lula,

nah penui mau gade nreu caili lulo aja kaibeu la.

11 Penui pekwa kingnei lwe pecu reca luge,

penui au penui tingbazie lungh yi eh penui ting nggwang luzie,

penui mmidung mnung eh.

12 Dede, penui kingnei mecai, penui kiengtie gade tsai dizie;

penui tsai zie penui kecikecet kegah ne.

13 Mina kesiame penui rata penui mlung gage kekwa lula;

Tinggwang penuide kanglu liede penui kengha kie eh sahgai lama.

14 Penui hena daude tsai dila;

penui kerecaki helipeidung kakgade penui teilung penli dila.

15 Tinggwang au keherei kelame de penui reidung gade keli lula;

pa penui rei gade penui kwendung teimrak beula.

16 Kesang, pa nnuide keherei gade teumpet beu neula

keherei kegah heni kemza gage ni gage kai beu da;

nah n taktyeibam teihca kepui kaipwa kebam ga.

17 Dede nnui au kesiame de kemmau le kepui tei bam;

tutiak nah kenzeu ne nnuide kerak lula.

18 Peu n rata de mide teu henui ketei gage nnuide kemeu gai diso,

mede hesuheri kedi gede peu ncu teukereu diso.

19 N mahei ncu keyi peu lubui mi, iciu eh nang keherei ga lüt di melu kera,

mede n kengkieng pelane ncu ngha lubui ni?

20 Tingmui de regui so, kedame de renia eh kemau tei kera,

minadung de penui bam gade bikau dige.

21 Nnui kemau gage nreugai melu kera mriak lulo

kedanemene nnui kemau gade nreu lu kelane nnuide kedei bam kecune.

22 Pielo, Tinggwang au kengkieng gade hu eh bamlie;

keledeu ge cau pa nzwa no?

23 Caune pecu pe lampui ledeu lia beu no?

Cauge pe dage ranglu bui no, ‘Nang kemau tei dida?’

24 Pe batadung twa kera nsung lulo,

mina cide lei tei bam kelade.

25 Mina pelane bata cidung de pie bamla,

dede penui bata cidungde kemdei gade ngau bamla.

26 Pielo, Tinggwang au dizu, dede anui pecu ci mmi lu lama;

pe mmidung au peikap kelu gah.

27 Pa tingleidung teucuh lula,

cide cui gade pa tingrui lie eh teimci gaila,

28 hemwadung rui mie beu kelade

nah mina leune reuga kie süt eh zau kemie de.

29 Kesang, mina keheibe de hemwa himpui kebam de cilu bui ni

nah pe ki gade tingceu de?

30 Pielo, pa pe kebaa kempik de pecu tei twagwapung kebam

nah jaaidi mahdung gumpung kebam.

31 Ainzwa eh minadung tutiak la

nah ketyeipok kepui peula.

32 Pa ting kehepik le pe ba pui bam

pa cide de kahpwa kebam de kedeu gailo aja peu kemakta.

33 Tingceu cide heratingkai gwang kera ranglia beula,

kauruine de cide kegwang kwa siu lubui.