Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Mweni ni mng’anyimo wa ukulu wa Sapanga, na angulangiha vila Sapanga kawela, anguyambusa vindu vyogha vikonganiki pamonga handa viwela kwa lilando lyaki lyeni makakala. Badili gha kuwaghulula na kuwahumisila wandu sambi zyau, akatama haku kunani kundumba, mbandi gha kuliyila gha Sapanga Mkulu.
Ukulu wa Mwana wa Sapanga
Mwana wa Sapanga agholilwe mkulu kupiti watumikila wa kundumba wa Sapanga, na lihina apeghilwi na Sapanga ni likulu kupiti mahina hyogha.
Hayu Lilando akawela mundu, na akalikala paghati gha twenga, na twenga tukaulola ukulu ghaki, ukulu wa mwana wa weka wa Tati, kangi akiwela kamema umaha na uchakaka.
Kwahela mundu yoyose amwonile Sapanga, ila Mwana weka yaki, mweni kapamonga na Tati hinu kwa nagha katulangiha vila Sapanga kawela na mweni ni Sapanga.
Yesu akawayanga, "Tati ghangu angughola lihengu lipindi lyogha hata lelo, na nenga ningughola lihengu bila kuleka."
Kwaikiva gha milando hagha, vilongosi wa Wayahudi wakahyoma nesu, wakatumbula kuhakula njila gha kumkoma Yesu, ng’ogha kwaikiva atenyulile laghililo lya lichuwa lya kupumulila weka, ila hilahila alongili yiwa Sapanga ni Tati ghaki na hinu kuighola handa Sapanga.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Petelo angulongela lipala yiwa Yesu ni Mwana wa Sapanga
Yesu paahikili mbandu gha Kaisali kula wangupakema Filipi, awakonyili wavulwa ghaki, "Ghuli wandu wangulonga yiwa Mwana wa Mundu ni ghani?"
Wakamyanga, "Waghangi wangulonga yiwa ni Yohana Mbatisa, na waghangi Eliya, ghangi Yelemia au mmonga wa walota wa Sapanga."
Yesu akawakonya, "Ghuli, mwenga mngulonga nenga na ghani."
Simoni Petelo akayanga, "Wenga ndiwa Kilisito, Mwana wa Sapanga mwenikuwela mkomu."
Badili gha Yesu kubatiswa, akahuka mmasi, na bwitu kundumba kukagubutuka akamlola Mpumulo wa Sapanga akihuluka handa ngunda, akihika kunani kwa mweni. Na lilowi kuhuma kundumba likalonga, "Hayu ni Mwana wa nenga ningumpala. Angunihekelesa nesu."
Kila mundu mweni kulonga na kujumila yiwa Yesu ni Mwana wa Sapanga, Sapanga anguyendelela kuwela na umonga na mundu hayu, na mweni angulikala kuumonga na Sapanga.
Sapanga mweni atulangilile upalo ghaki kwa twenga kwa kumyegha Mwana ghaki wa weka kumlimawogha, ili tupati ukomu kupitila mweni. Haku ndiwa kupala kwa chakaka, ng’ogha yiwa twenga tutumbula kumpala Sapanga, bali mweni ndiwa atupalile hata kumyegha Mwana ghaki aweli litambiku lya kutuhumisila sambi.
Mundu yula mweni kughola sambi, hayu anguhuma kwa Lihyukana, kwaikiva mweni agholile sambi haku mtumbulo. Ila Mwana wa Sapanga ahikile kumlimawogha kuyalamisa mahengu gha Lihyukana.
Mundu mweni umonga na Mwana wa Sapanga, hayu kana hau ukomu. Ila yula kawela ng’ogha na umonga na hayu Mwana wa Sapanga, hayu kahela hau ukomu.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Kwaikiva Sapanga apalili nesu mlima wogha hata akamuhumisa Mwana ghaki wa weka, lukani kila mundu mweni kumkwinila hayu Mwana akotoho kuyaghamila, ila apokeli ukomu wa machuwa hyogha bila mwihu.
Handa vila Tati anguhindula wahovili na kuwapegha ukomu, hilahila na mweni Mwana anguwapegha ukomu wala anguwapala. Tati angumtosa ng’ogha mundu yeyosi, ila kamghola Mwana awatosi wandu wogha. Ili wandu wogha wapati kumtundamila Mwana handa vila wangumtundamila Tati. Yeyosi mweni kumtundamila ng’ogha Mwana, kanguwesa ng’ogha kumtundamila yula mweni kumlaghila.
Ninguwalongela chakaka, lipindi linguhika na kangi lihika kala, wala wabhaghulwa kutali na Sapanga wateyoghanila lilowi lya Mwana wa Sapanga, na weni kuhyoghanila, watelama machuwa hyogha bila mwihu. Handa vila Tati kawela na makakala gha kuwapegha wandu ukomu, hilahila kamghola Mwana awapeghi wandu ukomu.
Ila wala wogha wampokelili na kumkwinila, awagholile waweli wana wa Sapanga. Hagha wawela ng’ogha wana wa Sapanga vila wandu wanguweleka. Waweleka ng’ogha kwaikiva wandu wangupala hela kuwela na wana. Hilahila wanguweleka ng’ogha kwaikiva mundu angupala kuwela na mwana, ila waweleka na Sapanga mweni.
Kwa nagha, ng’ogha nenga mwenikuwela ningulama, ila ni Kilisito mwenikulikala mghati gha nenga. Na inguwela nagha kwaikiva gha kumkwinila Mwana wa Sapanga mwenikunipala na kuhova kwaikiva gha nenga.
Ila lipindi lila livikwa na Sapanga palihika kala Sapanga akamlaghila Mwana ghaki kumlimawogha, hayu mweni kuwela mundu handa twenga na mweni akayitikila malaghilo gha Musa, ili awakomboli wala wandu wenikuwela wakilongoswa na laghilo, Ili tupati kupokela zila hupo zitimila zya kugholwa wana wa Sapanga.
Hinu kwaikiva mwenga muwela wana, Sapanga akamlaghila Mpumulo wa Mwana ghaki kumioyu gha mwenga, mwenikutughola tumkemi Sapanga ni Tati wa twenga.
Lipindi patuwelili wahakata wa Sapanga akatughola tuweli maghanja na mweni kwa kupitila kihu kya Mwana ghaki, na handa tugholwa kuwela waghanja ghaki hinu tungumanya atetulokola Kilisito atetulokola kwaikiva mweni ni mkomu machuwa hyogha.