Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Enye ayama ye uyama ubọñ Abasi, Enye edi ata mbiet Abasi ofuri ofuri; onyuñ ada odudu ikọ Esie omum enyọñ ye isọñ akama. Ke Enye ama akanam mme owo esana ke mme idiọkñkpọ mmọ, Enye ama ọsuhọde etetie ke enyọñ ke ubọk nnasia Abasi andikoñ ñkan ke odudu. Ema enam Enye okoñ akan mme enjel, kpa nte enyiñ emi Abasi ọkọnọde Enye okponde akan eke mmọ.
Edi ikọ emi ama akabade edi obukidem, onyuñ oduñ ke otu ñnyin ke esisit ini ke ererimbot. Ñnyin inyuñ ikut ubọñ Esie, ubọñ ikpọñ Eyen emi okotode ke Ete ke enyọñ, emi ọyọhọde ye mfọn ye akpanikọ.
Akananam owo baba kiet ikwe Abasi, ñkpasip Eyen Esie kierakiet, emi edide ukem nte Abasi, onyuñ etiede ke ñkañ Ete, Enye anam ñnyin idiọñọ kpukpru ñkpọ ibaña Ete.
Edi Jisọs ama ọbọrọ mmọ ete, "Ete Mi ananam utom Esie kpukpru ini, ndien Ami ñko ana nte nnam utom Mi."
Ikọ Esie emi ama anam ukara mme Ju etetim ebiere ndiwot Enye. Idighe koro Enye abiatde Sabat ikpọñ, edi ye emi Enye ọdọhọde ete, ke Abasi edi Ete Imọ, ke ntre, Enye anam idem Esie ukem ukem ye Abasi.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Kadaña emi Jisọs ekesimde Siseria Filipai, enye ama obup mbet Esie ete, "Mme owo edọhọ ete Eyen Owo edi anie?"
Ndien mmọ ema ebọrọ ete, "Ndusuk owo edọhọ ete ke Enye edi Jọn Babtis, ndusuk edọhọ ete Elaiya, ndusuk ete Jerimaya, ndusuk ete kiet ke otu mme oku Abasi eset."
Enye ama obup mmọ, "Ndien mbufo-o? Edọhọ ete ke Ami ndi anie?"
Do ke Saimọn Pita ọkọbọrọ enye ete, "Afo edi Kraist Eyen Odu Uwem Abasi."
Ke Jisọs ama akana babtisim ama, onyuñ ọwọrọ ke mmọñ ọdọk obot, sese enyọñ ama eberede ndien enye okut Spirit Abasi nte ọsuhọrede nte Ibiọm edisọrọ Enye ke idem. Ndien uyo oto ke enyọñ ọdọhọ ete, "Emi edi edima Eyen emi enemde Mi esit etieti."
Owo ekededi emi enyimede ete ke Jisọs edi Eyen Abasi, Abasi oduñ enye ke esit, enye onyuñ oduñ ke Abasi.
Abasi okowut ima emi Enye amade ñnyin ke edidọñ ikpọñ ikpọñ Eyen Esie edi ke ererimbot emi man akpada nsinsi uwem ọsọk ñnyin oto ke ñkpa Esie. Ke edinam emi ke ñnyin ikut se ata ima edide, idighe nte ñnyin ikamade Abasi, edi, edi nte Enye akamade ñnyin, okonyuñ ọdọñde Eyen Esie edidi usio isop mme idiọkñkpọ ñnyin.
Edi edieke mbufo esuk ekade iso enam idiọkñkpọ, oro owut ete ke mbufo edi eke Setan, koro Setan ọkọtọñọ ndinam idiọkñkpọ toto ke editọñọ. Edi Eyen Abasi ekedi man Enye akpabiat mme utom Setan.
Ntre owo ekededi emi enyenede Eyen Abasi, enyene uwem, ndien owo emi minyeneke Eyen Esie, inyeneke uwem.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Koro Abasi akamama ererimbot, oro akanam Enye osio ikpọñ ikpọñ Eyen Esie ọdọñ, ete owo ekededi emi ọbuọtde idem ye Enye okutak, edi enyene nsinsi uwem.
Kpa nte Ete emenerede mme akpaña ñkpa onyuñ ọnọ uwem, ke ukem usuñ oro ke Eyen onyuñ ọnọ mmọ emi Enye oyomde uwem. Ke ndidian do, Ete ke idem Esie ikpehe ikpe baba owo ndomokiet. Enye ama ayak ọyọhọ odudu ọnọ Eyen Esie ndikpe ikpe, man otodo kpukpru owo ekpono Eyen ukem ukem kpa nte ekponode Ete. Owo kiet ekededi emi mikponoke Eyen, ikponoke Ete emi ọkọdọñde Enye."
Ami ntiñ akpanikọ nnọ mbufo, nte ke ini ke ededi, ini oro onyuñ ededi ama, emi mme akpaña ñkpa edikopde uyo Eyen Abasi, ndien mmọ emi ekopde eyetọñọ ntak edu uwem. Kpa nte Ete enyenede uwem ke idem Esie, ntre ñko ke Enye ọnọ Eyen unen ndinyene uwem ke idem Esie.
Edi kpukpru mmọ emi ekedarade Enye enyuñ enimde enyiñ Esie ke akpanikọ, Enye ama ọnọ mmọ unen ndikabade ndi nditọ Abasi; mme nditọ emi emande itoho ke iyip, inyuñ itoho ke udọñitọñ obukidem, edi emana eto Abasi.
Ke ntre, idighe ami aba ndu uwem emi, edi Kraist odu uwem ke ami. Uwem emi ami ndude idaha emi, ami ndu ke mbuọtidem ke Eyen Abasi, emi akamade mi ndien ayak uwem esie ọnọ mi.
Edi ke ñkem ñkem ini, Abasi ama osio Eyen Esie ọdọñ. Enye ekedi nte eyen emi eka obukidem amande, onyuñ odu uwem ke idak ibet mme Ju, man Enye afak mme mmọ emi ekedude ke idak ibet, man ñnyin idi nditọ Abasi. Man owut nte ke mbufo edi mme nditọ Esie, Abasi ama ọdọñ Spirit Eyen Esie ediduk ke esit ñnyin, Spirit emi ofioride ete "Ete, Ete mi."
Ñnyin ikedi mme asua Abasi, edi enye ama anam ñnyin idi mme ufan Esie oto ke ñkpa Eyen Esie. Ke emi ñnyin ima ikedi mme ufan Esie, ñnyin imenyene idorenyin edinyaña oto ke uwem Eyen Esie.