Filhos

3 Pielo, henamedung au RAMPAUBE dade kegwang mapeu ge,

nah mna beu kela za gu petsi de au pe dade kegwang ziehi ge.

4 Mige heriheret dau pe namedung lungh kelu au,

regwame ge ba ga lakpitsidung kebam nzwa da.

5 Mige pe lakpitsidung kepui tei kebambe au dai kenzwa gede samlam pung no.

Pa pe ngauraumedung de namdi kirie gade renia kecudau

pecu peu hengam tei dilak.

RAMPAUBE mie hing kelame samlam punglie

1 RAMPAUBE de herüt peu kelame leune au samlam kepung melie,

pe lampuidung ga tet kelame.

2 Nang nta tei kegai ne, ncu suiyi peu zie;

nang dai kenzwa ge misuiyi nah samlam no.

3 Nnau au n kilung ga

kubebang petsi bui süt beu kelabe nzwa zie;

n namedung au olive bangdung nzwa zie

n tatyei bam taiga.

4 Yeo, kesang, RAMPAUBE de herüt kepeume

ge de au samlam beu zie.

RAMPAUBE mie hing kelame samlam punglie

1 RAMPAUBE de herüt peu kelame leune au samlam kepung melie,

pe lampuidung ga tet kelame.

2 Nang nta tei kegai ne, ncu suiyi peu zie;

nang dai kenzwa ge misuiyi nah samlam no.

3 Nnau au n kilung ga

kubebang petsi bui süt beu kelabe nzwa zie;

n namedung au olive bangdung nzwa zie

n tatyei bam taiga.

12 Peu anui namedung de tsingbangdung lung cangsiak kelube nzwa lulo penui rehang tingdau

nah anui napuidung de hegwang ki kimiak ga hetsia hezu keyibe nzwa.

2 Pe leuhmedung deudibe gade ngkieng luzie;

mina kemzuime leuhmedung de Tinggwang ne samlam beuzie.

28 Pecai Tinggwang penaide samlam beu nah penai dage ranggai, "Hena kekiee lungh lu, nah lungh hinglu. Kideube ga puilu, nah cide gumlu. Jaaidi ga hekadung reu, ting ga nruinedung reu, nah kideu reu ga mlai kela kauring pelane reu kengkieng bamlu."

4 Nnui pumteih tsi samlam kepungme teizie, nah nnui hangdeu tsi, nah nnui kaunedung tsi, hetum nah meuründung kiee luzie, nah nnui kauruine na liede.✝

14 Nnuide mi kedame swade samlam kiee beuzie; mipei pe na kegah bamlak mede nnui kakga mipui pe na lunghgai kelak bamlak mede nnui kauhaudung kakgade.

6 Hename gede pa dainzwa lungh maisia bi ledeu beulu,

iciude pa hecing kelucai cipau keledeu de gade nreu caili tet dilak.✝

15 Hename mlung ga ma kemtabe kainzeu pwa bamla,

dede ledeu kegai gade cide gwagi dila.

24 Pe nade ledeu kemakbe pecu hung lama,

dede pe nade hung kelabe pecu ledeu teune beula.

15 Tsingrang nah ledeu kegai au maci peula,

dede hename de peu pesuira tei cai pe pui de tei hengam beula.

13 Henamedung de ledeu kera lunghau so,

kedanemene nang pecu ledeu lucai, pa tsai dilak.

Macisam au Ngkingcang

1 A namedung, nnui pei keledeusam kingneilu,

nah helungkai lu ciude nnui kecikecet daibi kecu ci luzie.

Solomon Macisam

1 Solomon macisamdung.

Hena kemriakme ge pe pei suiyi tei lula

dede hena kemiena ge pe pui de lungrei teugwang beula.

6 Samdung Ih henai nnuida kai kegaide nnui mlung ga lazie; 7 nah cide nnui lung kai eh nnui name de ledeu zie; nnui cide ha rangzie nnui nnui kiga ntum kebam daude, nnui lampui kiga tetkela daude, nnui zeu kebam daude, nah nnui cuh kecu daude.✝

14 Dede Jisu cide ngaulu ge, pa pe ratadi nah penui dage rangdi, "Henamedung de peu ada gwanglo, nah penui de kaam helo, kedanemene Tinggwang hegwangram au penui kenzwame gulu.

11 Ciziemne, nnui kemaume de nnui name de mapeu keyi peu kera ciem ci liecai, tinggim ga kebam nnui Pei Tinggwang pe dade kie kelame de ciswa kemzu mapeu keyi peu zie meluini?✝

52 Nah Jisu maci si reureulu nah lungh ngkieng cuhlu, nah Tinggwang nah mina suibe teilu.

13 Mipei ge pe namedung dade pezai keyi nzwa,

RAMPAUBE au pecu rüt kelamedung de cinzwa eh ngaunggia la.

1 Pielo Peibe anuide daikenzwa keku peu no, peuge anuide Tinggwang name lie qulu kera, nah anui au Tinggwang name da. Aipau kiede ziemne kideube anuide ci ma, kedanemene kideube pecu ci kemakne.*

24 "RAMPAUBE de peu nnui samlam beulu nah nnui ma pielu.

25 RAMPAUBE de peu nnui dade pe zaiyi nah nnuide ngaunggia beulu.

26 RAMPAUBE de peu pe suiyi eh nnui de pielu nah nnuide lungciep peulu."’

28 Tinggwang de peu tinggim gade hezin kaibeu eh n luh peu yi kelube tei lulo,

peu ncu tak nah zau keheci peu kiee süt kelube tei lulo.

29 Kideu ga heleuhdung de peu n kila teilu nah peu minadung de n dwa keumie kelube tei lulo.

Nang n kibaume pelane reu di kelube tei lulo,

nah n pui leuhme de peu ndwa keumie kelube tei lulo.

Ncu reset kelame de peu reset punglu;

Ncu samlam kebeume de peu samlam pung kelube teilu."

3 Ih hangdeu hereu kelade gage hedui ruigai zie, nah hangdeu kecangh ga reuceudung peu lwamie zie kecune;

Ih n dade lunggwang kelume dage a Rabe ruigai zie, nah n name dage a samlam.*

4 Penui ceheibwa kakga lungh cuhzie, reuceunadung taiga willow bang nzwa.

13 Ciu eh n name pelane de RAMPAUBE ne ledeu zie;

nah n name kezuyi de yiki luzie.*

5 "Ih ncu npui henabam gage damgai kemak dwa ncu kedetlu da;

ncu mna lu kemak dwa Ih ncu teu ntsam luda; Ih ncu heleuhdung dage caihakecibe teigai beu dida."✝

38 Iciulude penui a mina dizie, nah Ih penui Tinggwang dizie.* 39 Ih penuide lung ge nah lampui ge tingnai ramsangne acu rüt kerane peu zie iciu eh cide penui ziemne nah penui cai penui leuhme ziemne de yilu kerane.

13 Nangne a lungnet pelane damgai;

nang ne a pui za gade acu tamtok ncütlu.

14 Ih ncu twa zie,

kedanemene Ih au n bata miswakegah ge kecune.

A rabe ma aide ci hemisüt bam.✝

15 A radung n dade hebai dima

a pui ja gade tamtok teune lu,

Ih cika kembai gade lungh di cu kecu dau, Ih cika kebam nang ci.

16 A pui za gade nang acu ngau;

tingbazie acu kepeudung pelane n laisiukwak gage rauteula,

tingbazie raitu de gwang kemak dwa de.

10 Acu mna kelu gade ncu peu dida;

Ih a pui puk ga kebam dau gade nang a Tinggwang da!

25 Ih piage hena bam nah cu au hecing dida;

Kesamsangme de gi kedi madauge de Ih ngau ma,

mede pe namedung maha tyei la eh.

26 Tingba ramsangne pa au pe zai yi nah ma peula,

nah pe namedung au samlam ge dila.

4 Anui penuide kebainzeu dilak penui name dade.

Anui pecai lungh keleume de ranglia zie RAMPAUBE twalu kebui ta teikegai ha de,

pe kengkieng, nah miswakegahdung pa teikegai de.*

6 Kecingme peurwa au pe tsamedung da

nah pepui pepei au pena me de kerüt teugwang beula.

7 Makesangme ge pezai samsang eh tetla,

nah pe namedung pe lampui pwa kelame de samlam beuzie.

Hename nah puipeime

1 Henamedung, Rampaube gade nnui puipei sam mzailu, kedanemene aide petau lu. 2 "N pui nah n peide rütlu" (aide sampet si eh sam kaikebeu raitube), 3 "iciude nang yi luzie nah nang kideu ga ringtie luzie."✝

4 Nah mipeimedung, nnui name suisiet rang penui rata teiso. Meliene, penuide peu samzai ketei nah Rampaube ha keci gade lungh cuhlu.

20 Henamedung, ma pelane gade nnui puipei samzai teilu, kedanemene aide Rampaube pesui yi lalu.

21 Mipeimedung, nnui name rata tei so, iciu eh penui lung tei ceudi melu kerane.

12 N pei nah N pui de rütlu, iciude nnui peting ketie ge RAMPAUBE n Tinggwang ne ncu kepeu deu dega lungh luzie.

7 Nnui keherei aide liagwang kecudau, Tinggwang pe name de nzwa nnuide ledeu bamlie kecu nsunglu. Kedanemene pe pei ne ledeu kemak cau bamno? 8 Magade Tinggwang pe name leune de ledeu kela nzwa, nnuide ledeu mecai, ge nnui au hekaknadung dida nah pe name meda.

4 Magade hemipui ge pe name mede pe tsame bamcai, peu keraibe penuide penuikatei penui kilungme de rüt kecu zai cilu eh penui puipei nah penui paupai mapie dailu, kedanemene aide Tinggwang pe suilu.

21 Mipui ge kemna dau pa rei la kedanemene pe bamdakkak gwang bam kedine, dede pa henana gede mna lu ge, pa pe rei de nsung si la ma kedanemene mige de mna pwa kideu gage kai kelu pe suiyi dene.✝

39 Cipau reude, nnui name henamedung, tuiteu dizie lie nnui rang kecudung de, henai keyi kesia cigai kelakdung, penui cika lüt zie. Ih penuide peuzie, nah penui cide gum luzie.