3 Abana ni umugabane uva k’Uhoraho,

uruvyaro ni impera atanga.

4 Nk’uko imyampi imera mu kuboko kw’umuhizi

ni ko n’abana bo mu buto bamera.

5 Hahiriwe umuntu

yujuje umutana wiwe imyampi nk’iyo.

Ntibazomaramara

nibahangana n’abababuranya mu bucamanza.

1 Hahiriwe uwubaha Uhoraho wese,

akagenda mu nzira ziwe.

2 Uzorya ivyo ubutame bwawe bwamye;

imigisha n’amahirwe bizoba ivyawe.

3 Umugore wawe azoba nk’umuzabibu wama cane

mu nzu yawe;

abana bawe bazoba nk’utugemwe twa elayo

bakikuje imeza yawe.

4 Egome, uwo ni wo uzoba umugisha

w’umuntu yubaha Uhoraho.

1 Hahiriwe uwubaha Uhoraho wese,

akagenda mu nzira ziwe.

2 Uzorya ivyo ubutame bwawe bwamye;

imigisha n’amahirwe bizoba ivyawe.

3 Umugore wawe azoba nk’umuzabibu wama cane

mu nzu yawe;

abana bawe bazoba nk’utugemwe twa elayo

bakikuje imeza yawe.

12 Maze abahungu bacu, mu buto bwabo,

bazomera nk’imivyaro yatabiwe neza,

abakobwa bacu na bo bazoba nk’inkingi

zabarijwe gushariza ikirimba.

2 Abana babo bazoba abanyenkomezi mu gihugu;

urunganwe rw’abatunganye ruzogira umugisha.

28 Nuko Imana irabahezagira, ivuga iti: "Nimurondoke mugwire; mwuzure isi kandi muyiganze. Muganze amafi yo mu biyaga, inyoni zo mu kirere hamwe n’ibindi biremwa vyose bigendagenda kw’isi."

4 Abana banyu, imirima yanyu n’ibitungwa vyanyu bizohezagirwa.

14 Muzohezagirwa gusumba ayandi mahanga yose, nta n’umwe wo muri mwebwe azoba ingumba, kandi nta n’igitungwa na kimwe canyu kizoba ingumba.

6 Umenyereze umwana guca mu nzira ibereye,

niyakura ntazoyivamwo.

15 Ubupfu bwuzuye mu mutima w’umwana,

ariko inkoni yo guhana izobumukuramwo.

24 Uwurinda umwana wiwe inkoni aba amwanka,

ariko uwumukunda amuhana uko bikwiye.

15 Inkoni yo guhana itanga ubwenge,

ariko umwana atarezwe amaramaza nyina.

13 Ntubure guhana umwana wawe;

niwamukubita inkoni ntazopfa.

1 Bana banje, nimutege amatwi inyigisho z’umuvyeyi;

muzishireko umutima kugira ngo mugire ubwenge.

1 Imigani ya Salomo

Umwana w’ubwenge anezereza se,

ariko umwana w’igipfu ababaza nyina.

6 Aya mabwirizwa ndabahaye uwu musi azokwame mu mitima yanyu. 7 Muzokwame muyigisha abana banyu. Muzohore muyaganirako mwicaye i muhira canke muri ku rugendo, iyo mugiye kuryama n’iyo muvyutse.

14 Yesu abibonye, arababara. Abwira abigishwa biwe ati: "Nimureke abana bato baze aho ndi, ntimubabuze, kuko Ubwami bw’Imana ari ubw’abameze nka bo.

11 Nimba mwebwe mushobora guha ingabire nziza abana banyu kandi muri babi mu mitima, none So wo mw’ijuru ntazorushiriza guha ivyiza ababimusavye!

52 Yesu abandanya akura mu gihagararo, agwiza ubwenge, kandi agira ikiganza ciza ku Mana no ku bantu.

13 Nk’uko se agirira abana ikigongwe,

ni ko Uhoraho agirira ikigongwe abamwubaha;

1 Nimurabe urukundo Data yadukunze kugeza aho atwita abana biwe! Kandi koko turi bo! Igituma ab’isi batazi ko turi abana n’Imana ni uko batayimenye.

24 "Uhoraho aguhezagire

kandi akuzigame;

25 Uhoraho akumurikishirize mu nyonga hiwe

kandi akugirire ubuntu;

26 Uhoraho aguhindukirize inyonga ziwe

kandi aguhe amahoro." ’

28 Imana iguhe ku kime co mw’ijuru

no ku butunzi bwo mw’isi,

umusesekara w’ingano n’umuvinyu!

29 Amahanga aze agukorere

n’amoko aze yuname imbere yawe.

Uze uganze abavukanyi bawe,

abana ba nyoko baze buname imbere yawe.

Abazokuvuma baze bavumwe,

kandi abazoguhezagira baze bahezagirwe."

3 Kuko nzosuka amazi kw’isi igadutse,

ntembeshe imigende kw’isi yumye.

Nzosuka Mpwemu wanje ku ruvyaro rwawe,

n’umugisha ku bagukomokako.

4 Bazokura nk’ubwatsi buvomererwa,

nk’ibiti vy’imilebeni biri i ruhande y’umugezi.

13 Abana bawe bose bazokwigishwa n’Uhoraho,

kandi bazogira amahoro asesekaye.

5 "Ntarakubumbira mu nda nari ndakuzi,

n’imbere y’uko uvuka nari naramaze kukurobanura;

naguhisemwo ngo ube umuvugishwa wanje ku mahanga."

38 Bazoba abantu banje, nanje nzoba Imana yabo. 39 Nzobaha kugira umutima umwe wo kunyumvira, kugira ngo bame banyubaha imisi yose kandi kugira ngo bibabere vyiza bo ubwabo n’abana babo bazovuka hanyuma.

13 Kuko ari wewe waremye ibimbamwo vyose;

wanteranirije mu nda ya mama;

14 Ndaguhimbaza kuko naremwe mu buryo buteye ubwoba kandi butangaje;

ivyo ukora biratangaje,

ivyo ndabizi neza.

15 Igikankara canje nticari gihishijwe inyonga zawe

igihe naremerwa mw’ibanga,

igihe nateranirizwa i bwina mw’isi.

16 Amaso yawe yarabona umubiri wanje ukiri amazi;

imisi wanshingiye yari yanditswe mu gitabu cawe

imbere yuko habaho n’umwe.

10 Nashizwe mu maboko yawe kuva nkivuka;

kuva nkiri mu nda ya mama wamye uri Imana yanje.

25 Kuva ndi muto kugeza ubu nshaje,

sinigeze mbona umugororotsi yatawe

canke abana biwe basegerereza ivyokurya.

26 Yama atanga ivyo ubuntu akaguranira kutaziga inyungu;

abana biwe bazoba umugisha.

4 Ntituzobinyegeza abana bacu;

tuzobibwira abo mu runganwe ruzoza.

Ivyo Uhoraho yakoze bibereye gushimwa,

inkomezi ziwe, n’ibitangaza yakoze.

6 Abuzukuru ni urugori rw’umusaza,

kandi abavyeyi ni vyo vyirato vy’abana.

7 Uwubaha Imana agendera mu bwizigirwa;

hahiriwe abana bazomukomokako.

1 Bana, mwumvire abavyeyi banyu kuko muri ab’Umwami, kandi akaba ari vyo bibereye. 2 "Wubahe so na nyoko." Ni co cagezwe ca mbere gifise isezerano: 3 "Niwubahe so na nyoko kugira ngo ivyawe bize bigende neza kandi kugira ngo uze urambire kw’isi."*

4 Ba se, ntimuratse abana banyu; ahubwo mubarerere mu ngeso nziza zo kwubaha Umwami.

20 Bana, mwubahe abavyeyi banyu muri vyose, kuko ari vyo bihimbara Umwami wacu.

21 Ba se, ntimukabere abana banyu umururazi, vyotuma bacika intege.

12 Wubahe so na nyoko kugira ngo uzorambire mu gihugu Uhoraho Imana yawe iguhaye.

7 Mwihanganire uku guhabwa indero n’Imana, muzi ko ivyo ibikorera abana bayo bwite. Mwoba mumaze kubona umwana se adahana? 8 Nimba Imana itabahana, nk’uko ibikorera abana bayo bose, ivyo bisigura ko muri ibivyarwa, mutari abana bayo vy’ukuri.

4 Ariko umupfakazi afise abana n’abuzukuru, bakwiye kubanza kwitwararika uwo muvyeyi, ni ho bazoba bamwishuye ivyo yabakoreye, kandi ivyo birahimbara Imana.

21 Iyo umugore agira yibaruke, agira umubabaro mwinshi kuko igihe ciwe co kwibaruka gishitse; ariko iyo umwana amaze kuvuka, yibagira wa mubabaro wiwe kuko anezerejwe no kubona ikibondo kivutse mw’isi.

39 Kandi urunganwe rushasha mwibaza ko rwari rugiye kugirwa inyagano, abana banyu bataramenya ikibi n’iciza, ni bo bazocinjiramwo. Nzokibaha kibe inyegu yabo.