Sinais do fim dos tempos

14 Ila peyave kufika mwiso, ichi Njowo Nofu lya ung’achale va Nguluvi dachidalikwa muinyi chonda, ili vanu vonda vaichele."

Kwacha kwa mwana va Munu

29 "Bahobaho, peusilila utatala mufigono ifyo, Nguluvi daigulambucha lichuwa kuvecha kisi, mwechi navo seung’alicha, na nondwa nacho dachiguwa kuhuma kuluhano na ndeni ndeni Nguluvi daihongesesa ludali cha kuluhano. 30 Baho, daihumila kimanyilo kya Mwana va Munu kuluhano na vanu vonda va inyi davadadava. Kila munu dakumulola Mwana va Munu peikwacha kuhuma mumafunde lya kuluhano akivecha na ludali na ukomi wolofu. 31 Na mwene dakuvalagilicha vandumindumi vake kuno vakitova lingalapi, navo daavalundasa vanu veavahagule kuhuma lubali chonda chitai cha inyi, kuhuma mwiso va luhano mbaka mwiso wungi.

42 Suwe, mwilolele, kwakuva semuchela kigono kya kuwuya kwa Mtwa Nguluvi vetu. 43 Ila muwuwike lukani ulu, ngita mwene kaye ngaichela kigono kya muhichi kwacha, sengaigona, vala sengailekile kaye lyake idenywe. 44 Nondee na nyenye muveche suwe, kwakuva Mwana va Munu daikwacha chipindi semukichele."

20 Muvawulaniche kukolele makani gyonda gyendivaswitiliche nyenye. Ndakyene nene ndigehe pamwi na nyenye kigono kyonda mbaka kumwiso va inyi."

Kwahela yeachele kigono vala saa

32 "Ila kigono na saa kwahela yeyonda yeachele, vala vandumindumi va kuluhano kwa Nguluvi, vala Mwana, ila Dadi weka hela yeachele.

Kigono kya mwiso

1 Uviwuke kuva mufigono fya mwiso kwivecha na chipindi cha utumama. 2 Kwakuva vanu davakwikela vavene na vene kudoboka mafwani na vene kwidumba na vene kidada na vene kuliga na sevakuvaginya vasasi vawo na sevivecha na luhongecho na se vahaguliwe kwajili lya Nguluvi, 3 kangi, vihumila vanu vevihela lukelo munumbula chawo na vesevakuvalekela sambi vayawo na veviyovelecha ndewo na vevihela kigelo na vasugu na sevevikela unofu, 4 vevakuvakana vayawo na vene kuvipa kisatu na vane kwidumba na vene kidada na vevikela unono kuchumba kumkela Nguluvi. 5 Vanu avo kwakuvalola daviwoneka ngita vanu vevakumginya Nguluvi, ila vakuulema ludali lwa undakyane lwa Nguluvi. Mwiyepe na vanu avo.

17 Nguluvi alongile, mufigono fila fya mwiso,

Ndikuvasukulila Muhe vangu Ung’alile.

Vana venu vakigosi na vakidala davakuvalongela vanu njowo changu,

Vadimi venu vilola maono gya njowo dachechihumila pambele,

na vagogolo venu vilota njosi. 18 Hata kwa vanyigendwa vangu vakigosi na vadala,

ndikuvamemicha Muhe vangu mufigono fila,

navo filanducha unanzi vangu.

19 Ndigita umanyitu kuluhano,

na kimanyilo panyi muinyi,

kuvecha na Danda na lyoto na lyosi tii,

20 lichuwa litabadilika kuvecha kisi,

na mwechi uvecha mdung’u ngita danda,

peyave kufika kigono kila kikomi kya Ukomi va Mtwa.

21 Baho yeyonda yeisuka kwa litawa lya Mtwa, iwokolelwa.

15 Aga gyetukuvalongiya ndi mawulanicho gya Mtwa, kuva nefwe vetugehe uwumi vetuvecha tusigaliye chipindi Mtwa peikwacha, ndakyene setukuvalongola vala vevakali vafuwe. 16 Kwakuva Mtwa yumwene akwika kuhuma kuluhano na umwimike mkomi na lichwi lya ndumindumi va Nguluvi mkomi yapulika, ata lichwi lya lipembe lya Nguluvi lipulikika. Ndeni vala vevafuwe kuno vakimdikila Kilisito vekwika tandi. 17 Baho nefwe vetugehe uwumi chipindi icho twikong’aswa pamwi navo mulifunde kutang’ana na Mtwa kuluhano. Ndena tuvecha tukwikala pamwi na Mtwa figono fyonda. 18 Nondee muveche mwinamachana kwa machowo icho.

6 Ndena, tubihile kugona tulo ngita vanu vangi, tung’ang’wa tuveche meho na twiyandalise. 7 Kwakuva vevigona vigona pamiye na vagala vigala pamiye. 8 Ila nefwe ndi vanu va pamunyi tung’ang’wa twiyandalise kwa kufwala udikilo na lukelo ngita mwenda va kyuma va kwidimila pakihafu na tuveche na luhuvilo lwa ulowa lwetu litudime ngita kofila lya fita. 9 Kwakuva Nguluvi seakatuhanguwe neke tudochwe kwa luvipo lwake, ila Nguluvi akatuhaguwe tuveche na ulowa mu Mtwa vetu Yesu Kilisito,

Mukale meho

34 "Mukale meho, numbula chenu chibihile kukwegwa na kulia hilo na kugala na kufwata maisa mahofu. Ngita semwigita ifyo, kigono kya kuwuya kwa Mwana va Munu seichelwa. 35 Kwakuva kikuvachila vanu vonda vevikwikala muinyi. 36 Mukale meho, figono fyonda, mumsuke Nguluvi figono fyonda, neke avatange kuchumba gyonda ambago gegihumila na kukwima pautalo lya Mwana va Munu."

8 Ila vaganja vangu, mubihile kusemuwa lukani limwi ilyi kuva kwa Mtwa kigono kimwi ndi ngita miyaka elufu yimwi na miyaka elufu yimwi ndi ngita kigono kimwi. 9 Mtwa seigita molemole kugita gala gyeavalongiye, ngita vanu vangi pevihocha kuva igita molemole. Ila Mtwa akuvahuvilila nyenye, kwakuva seikela ata munu venu ayage, ila huvakwega kwa mwene neke vahongeche.

10 Ila kigono daiwuya Mtwa, ngita muhichi peikwacha. Kigono ikyo, luhano chiyaga kwa mdilimo va lichwi likomi, fiwumbe fyonda fyefigehe pa lifunde finyanywa lyoto. Na inyi iyaga na finu fyonda fyefigehe mugati lyake fipiya na lyoto. 11 Ngita finu fyonda finyanywa kwa namuna iyo. Nondee, wuli nyenye mwing’ang’wa kuva vanu va namuna liki? Mwing’ang’wa kwikala maisa gegahaguliwe kwajili lya Nguluvi na kuwidikila mwene, 12 pemukukichindila kigono kila kya Nguluvi na kuigita ikwache kisatu, kwakuva kigono ikyo lifunde dalinyanywa lyoto na fiwumbe fyonda fyefigehe mu lifunde dafinyanywa na lyoto. 13 Ila ngita peakatulongie tukuichundila lifunde limiya na inyi miya ambapo vanu vigita hela gala gegakumkelesa Nguluvi.

51 Mupulikiche, ndikuvalongela lupwepo. Nefwe setwifuwa vonda ila vonda twigalambuswa, 52 Chipindi cha lingalapi lya mwiso pelilanduchwa, baho baho ngita kudinda na kudindula meho, vanu vichulubuchwa na mivili segihanangika na nefwe datwigalambuliwa.

Luhano miya na inyi miya

1 Baho, ndikawene luhano miya na inyi miya, kwakuva luhano ila lya pamwandi na inyi ila lya pamwandi chikali chichumbile suwe, vala sepakali na inyanza kangi. 2 Ndikawene mwani va Nguluvi yumwene, veukemelwa Yelusalemu miya, wikwika kuhuma kuluhano kwa Nguluvi, ukiva ugelanichwe ngita mdala va lihungu afwaliswe unofu kwakuva lya mgosi vake. 3 Baho, ndikapulike lichwi likomi kuhuma pakila kigoda kya ung’achale ikilonga, "Pulikiche! Nondee Nguluvi daakwikala pamwi na vanu. Akwikala mugati lyao, navo davivecha vanu vake na mwene daivecha Nguluvi vao. 4 Mweni daifyangula kila lihochi lyelihuma mumeho gyawo, vala kufuwa sekuvecha kangi vala makivilicho vala kutamika kwakuva makani gya daha gakali gachumbile."