10 A̱sula̱, vu rumaa mu okolo e cece,

a̱vu vu zuwaa mu wuma u sa’avu u tsutoni.

23 Gbangaɗa mu A̱sula̱,

vu ta̱ reve okolo a̱ va̱,

lyungwa̱ mu, vu ta̱ gba reve

majiyan ma̱ va̱.

24 Vu ka̱lyuwa̱ ve ene,

ko ure wi iwuya i ro

i ta̱ pe a̱tsuma̱ a̱ va̱,

vu toni na̱ mu o ure

u wuma u na u ri hali hali.

2 A̱sulazuva vu petelyuwe mu ve e ene,

waru vu lyungwa̱ mu,

vi idana okolo a̱ va̱

na̱ majiyan ma̱ va̱.

3 Adama a na n ta̱ nu

urevu wi icigi ya̱ wu i na i tsu vadala shi,

waru a̱tsuma̱ a̱ɓula̱ a̱ wu a ɗa

ma yuwusan mmalu mantsa suru.

3 Na̱ vu ka̱lyuwa̱ okolo a̱ va̱,

vu bura mu na ayin,

a̱vu vu lyungwa̱ mu suru,

va cina ifoɓi iwuya uba̱ta̱ u va̱ shi.

N yuwan ta̱ ɗe ifoɓi,

una̱ u va̱ wa yuwan unusu shi.

4 N yuwan cine akapi a ama a yuwusan shi,

n yuwan ta̱ tsutoni na adanshi o una̱ wa̱ wu,

n toni re va̱ a̱za̱ o u’ya̱susa̱n wu ugbozu shi.

5 N ta a mmalu a̱tsuma̱ o ure wa̱ wu mantsa suru,

waru n vadala shi.

7 A̱sula̱, Okolo a̱ va̱ a kuɗa shi

okolo a̱ va̱ a̱ ta̱ lo u kuɗa shi.

N ta cana ishipa n yuwan tsuwe’e.

8 She vu lyawa Aatagada a̱ Wila̱ a nda a kasa nu una̱ wa̱ wu wan. Vu yuwusan majiyan ma̱ yi urana na ayin, adama vu ka̱mbuwa̱ ugbozu vu toni ili i na i ri pe uɗanu a̱tsuma̱ a̱ yi suru. Na̱ vu yuwan ne, vu ta lyuwa elime, reve waru vu lyuwa aci a̱tsuma̱ e ili suru.

10 N zami wu ta̱ no okolo a̱ ta̱,

she vu lyawa mu n takatsuwa

o udammu wu wan!

11 N zuwa ta̱ idanshi ya̱ wu okolo a̱ va̱,

tsa̱ra̱ n yuwaan wu unusu wan.

5 Adama o ndolo, i ciga A̱sulazuva A̱sula̱ a̱ ɗu no okolo a̱ ta̱, na asuvu a̱ ɗu suru, nu ucira u ɗu suru.✝ 6 Lyawa adanshi a na n yuwaan ɗu ana’an a̱ da̱na̱ o okolo ɗu.

46 a̱vu u damma le, <<I guza̱ idanshi i na maa ɓarasa ɗu ana’an o okolo, tsura̱ i zuwa muwun n ɗu n kuru idanshi i wila̱ u nda suru mejege.