Homem de Deus
O homem de Deus é aquele que busca a justiça, a piedade, a fé e o amor. A Bíblia apresenta modelos de homens íntegros que andaram com Deus e marcaram a história.
Características do homem de Deus
O homem de Deus foge das paixões e segue a justiça, a piedade, a fé, o amor, a perseverança e a mansidão.
Phawuloosi Ximotoosi’ni Uuwweexxa Maganne
Koo Mageniike manjo, ati kinni tenne yaane duuchchinaa’ni baaji; qullumma, dhugaatixxe ammaagngnummaxxa hedho, amana, jaalaala, ossuunteetanna ba’lumma hordofi.
Dargaggeesumma atixxa ayyinna tuffatoqqe’e; tenne irra amanaake manni’a haaso’iki, galdumiki, jaalalati, amanatinna luqqinnik eloke fakkeenna kadi!
Muuxamiinka Gorsanna Nage’a
Dammaqqee! Amanatte’ni jabaatine uurree! Worbee! Assitinaaxxe duuchcha jaalalati assee!
Koo manjo, isi eloxxe kaddeexxa ate’ni leellishe’een;
Duuchchi Woddik Gootti atenaa’ni hasaachchi maacho?
Dhugaa hujjota’a, mararittotanna eetota’a,
atike Mageni edonna ba’lunteti me’ittatobaata?
Exemplos bíblicos
Noé era justo e íntegro entre seus contemporâneos. Jó era homem reto que temia a Deus e se desviava do mal.
Nohixxi jirte konnechchi butti’a hexxeexxen. Nohi baro isike’n hedhemmake manna duuchchinaa’ni qullichchake, fuggoxxa hujaammabaakenna Mageniinka ora hordofaammake manjomman.
Duriisi Iyyoobii’i Hega Uude
Utsi hiyyemaake boga’ni Iyyoobi hiyyemaak mitti manjichchi hedhemman; isinna fuggoxxe duuchchanaa’ni bayyate’e Mageno sodataammake, elokenna addatemeemmake manjjomman.
Magenbaa’ni ergemeeki Yohaannisi hiyyemaak mitti manjichchi hedhemman. Manji duuchchi isi darree’n amanaashsha ifakee isi dhugaa kulaake kade dage.
Qalbeeffatak manji muxxummate’n ille ugga,
oossoommataake manjixxi ille kinni kumaba uudda.
Viver como filho de Deus
Quem faz a vontade de Deus é eleito. Medite na Palavra e ande nos caminhos do Senhor como verdadeiro discípulo.
Kaddo malee adhdheekeeri’anna summa isike’ni amaneeke duuchchi’a kinni Mageniinxe oose kaddandaashsha baallooma insa’ne’aa uwween. Insa’nenna Mageni darree’n ilemmee malee manjiinxe sannenni yookaan maaliinxe fedhiinn yookaan labbakixxe fedhiinni ilemmebaan.
Mageni laqaak isoo sodaatakanna fedhii isixxa assaake maalee cubbaleeyyetixxa laqabaaxxa no’o ege’nenneenn.
Beeti
Ka’umi ora ifika hitta ca’ummati heqqedhaa?
Ajaja atikishsha galatiten.
Mitte godobinni atee halse’eennen
seera atikenaa’n bayyatannoshsha assittoxxe’e
Atee balleessabe’noshsha
hiyyichcho atika godoba uggudheenne.
Ee, Duuchchi Woddike Goottaa! Ati saaddende’eeteken
seera atika anee barachchiisi.
Afo’o atikenaa’ni fula’neeka seera duuchcha
arabbo ankenni haaso’annon.
Manji karratixxe bira sa’ne’ni gammadammashsanni
dhugga atixxa hordofa anee gammachchiise’een.
Ajaja atika hiissee alalchannon;
ora atike’ni ille uggudhanon.
Seera atike’ni gammadonnole,
hiyyichcho atikanna dedhabe’no.
Qullichchi Manjixxanna Fuggaalleessi manjixxa Me’a
Fuggaalleeyyetike gorsa’n me’abaake
cubballeeyyetika ora’n hordofabaake
caaqalleeyyeti welti hosabaake manjixxa wodo!
Iitta hedheki manji
Duuchchi Woddike Goottike seera’n gammadaan;
Duuchchi Woddike Goottika seera hashshanna barra hedaan.
Tennexxee isii
wodi’in qarqara late’emmake,
galebaang gummisammake,
shafakanna harcasammabaake haqichchishaten;
Hujaaxxi duuchchanna isi’a qajeeldaan.
Fuggaaleeyye kinni iitatebaan;
insa’ne diidallo filte adhite me’itammake huurishaten.
Tennexxee fuggaaleeyye
Magenixxe murte baro murtetenaa’n gattabaan;
cubbaleeyyetinna qulliyyetixxe tuutanni welti hexxabaan;
Duuchchi Woddiki Gootti qulliyyetixxa me’a e’ge’ne’een;
fuggaaleeyyetiki ori kinni ba’nete’ni geessissaan.
Edi wodda hexxinemmaxxe hedho’n sobatixxe ifixxe gaabbenni kotofendeemmaxxa ha’nooxxa dullatte manjumma fugusse. Iittanni ha’nooxxe sammoninna ha’nooxxe qalbenni haaro’mitino’a, Dhuggaatixxe kaddeexxe qulummanninna woyyummanni Mageno fakkataashsha dadendeexxa eettenee haaroxxa manjumma oddo’we!