Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
"Choyalingudita Nguluwi chahela nongwa!
Kulagana kwa Mkulu Nguluwi ndo kwa kukundigwa,
heye ndo ngawo kwa weng’ha walingumbilimila.
Choyalingudita Nguluwi chahela nongwa!
Kulagana kwa Mkulu Nguluwi ndo kwa kukundigwa,
heye ndo ngawo kwa weng’ha walingumbilimila.
Ilajizo lya Mkulu Nguluwi
Nawatambichizwa walingikala ne nongwa,
walingibatilila ilajizo lya Mkulu Nguluwi.
Ndo munhu yalingikala ne nongwa,
mhela weng’ha kangudita gatanganiche,
yalingulonga ga kukomya kulawa mnhumbula,
ndo munhu yohambe yahehe wanhu,
yohambe yamditile gehile myage,
ne kumvilizila munhu yowalingikalasa habehi,
Kanguwawichilaga walingumhulichiza ng’hano ya luhala,
heye ndo ngawo kwa wanhu walingikala kwa kugoloka.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Mina hetwe tweng’ha twanguwifya kuli mbuli nyinji. Munhu yohambe yekwang’wale kuli ulonzi, ayo ka munhu yatanganiche, koweza kuulongoza lukuli lwa heye.
Kumfugamila Nguluwi Mhaza wa hetwe kunojile na kulihela nongwa hali heye ndo aku, kuwatanza wana walekwa na wadala wafililwe na walume wa hewo kuli magazo gawo na kilolela gwegwe baho uleche kujeligwa wavu na mbuli zihile za isi ayi.
Chila ndolendole inojile na yenele na haipunguche yangudulika kulawa kilanga kwa Mhaza, yalumbile vimulimuli vyeng’ha viwele kuulanga hambe yagaluche na kahela ulajilo woneche wa kulajila kota kogaluka.
Naloyasindile kukola mijito yoyapegwe na Nguluwi, ahyo ndo vyoyawalongoze wanhu weng’ha wamhulichize kuli ulohozi wa mazuwa gose,
Yesu nakamlonjela, "Wone ulingugana ukangaliche, ulute ukaguze vinhu vya hegwe, uwape wazunwa sendi azo, na hegwe kowa na ng’hano kilanga, hamba uye umbinze."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Nandiwalonjela mbuli azi leka kusangalala kwa heni kuwe mgati mwa hemwe na kusangalala kwa hemwe kwenele.
Mbaka sambi hamlandile choneche kwa itagwa lya heni. Mlande namwe mopegwa leka usangalalo wa hemwe wenele.
Mleche kwiga chihendo cha isi ayi, leka Nguluwi yawadite muwe mnojile mgati mwenu kwa kugalamla nyhala za hemwe. Aho ndo homvizela kugana kwa Nguluwi na kuvizela mbuli iwele inojile, ilingumnojeza na yenele.
Kibagula kuli chilundo cha wanhu walingumkunda Kilistu
Wang’holozangu, ndanguwadedeza kwa itagwa lya Mkulu wa hetwe Yesu Kilistu, mihanyise kuli chila mbuli yomlingulonga, haleche kuwa na kilewa hali hemwe, muwe na majesa gamwe na kunuwila kumwe.
Kwa ago geng’ha, mibatilile igano kwa vila igano naliting’hanizaga chila chinhu kuli uhamwe wenele.
Kunyenyetela na ukulu wa Kilistu
Ndaze, kikala kwa hemwe kuli kilumba na Yesu Kilistu kwanguwakangaza? Ndaze, igano lya heye lyanguwahembuliza? Ndaze, mwahamwe na Muhe Yelile na mnaisingu kwa chiwalo cha hemwe na nhumbula zinojile? Lelo mndite heni sangalale ng’hatu kwa kuwa na majesa ga uhamwe na igano limwe na nhumbula imwe na kunuwila kumwe. Mleche kudita chinhu choneche kwa fihi ama kwa kidaya hela, ila muwe mlingunyenyetela na chila yumwe yamone myage kota nakatanganika kusinda heye. Chila munhu yaleche kupala mzidi wa heye yuye hela, ila yapale mzidi kwa chiwalo cha wanji. Muwe na kunuwila kukula koyawelenako Yesu Kilistu.
Hanga heye nayali Nguluwi ng’hatu,
Ila hejesile kota kula kiwhana na Nguluwi, ndo chinhu cha kibatilila.
Ila kwa kugana kwa heye yuye,
nakagaleka ago geng’ha, nakedita chitumagwa,
nakapondigwa kota munhu,
kota vila wanhu wanji vyowalingupondigwa.
Nakanyenyetela na kuhulichiza mbaka nakabagama,
ena, nakabagama kuli msalaba.
Kwa mbuli ayo, Nguluwi nakamkwiniza kuchanya ng’hatu,
nakapegwa itagwa liwele likulu kusinda matagwa geng’ha.
Leka kwa itagwa lya Yesu,
vilumbigwe vyeng’ha kilanga na kuli isi na kuli isi ya wabagame,
vimfugamile heye
na chila umyango ulonje, Yesu Kilistu ndo Mkulu,
kwa ukulu wa Nguluwi Mhaza.
Kuwa lumuli kuli isi
Lelo wang’holozangu, kota vila vyomlingunyhulichiza mazuwa geng’ha, mbaka mhela awu lombele kutali na hemwe mlutilile kuhulichiza. Mkole mijito kwa kudumba na kukakama kwa chiwalo cha ugombozi, kwa vila Nguluwi ndo yalingukola mijito mgati mwa hemwe na kuwapa hemwe ludali lwa kudita mbuli zoyalingugana heye yuye.
Mdite chila chinhu ne kung’ung’uta na kuwa hela kitwanza, leka muwe welile na mleche kung’hung’utilwa, kota wana walingumhulichiza Nguluwi walingikala kuli isi yihile yajilile. Mopulika hali hewo kota nhondwe vyozilingumwemwesa kuli ulanga wone mibatilile ng’hatu usenga ulingigala ukomu. Aho ndo hondiwa na mbuli ya kidaya kwa hemwe kuli zuwa liwele Kilistu kohiluka, kwa vila yokoneka hazelu kota kikangaza kwa heni na mijito ja heni havyajilile hela.
Wone ukomu wa heni wolavigwa leka uwe kota nhambiko hamwe na mijito ja hemwe jilingukundigwa ndosangalala ng’hatu hamwe na hemwe kuli usangalalo awo. Hihyo du namwe mwanguganigwa kusangalala hamwe na heni awo usangalalo wa hemwe.
Timoteyi na Epafulodito
Kuli kilumba na Mkulu Yesu ndangitumbila kota ndoweza kumlajiza Timoteyi kwa hemwe kuli mhela awu wa habehi, leka ng’hangazwe nhumbula kwa kuhulika mbuli za hemwe. Ndahela munhu yunji kota heye yalinguwalolela kwa nhumbula yeng’ha. Wanji wangulolela mbuli za hewo hela honhu ha kulolela mbuli za Yesu Kilistu. Hemwe mwangumzela Timoteyi vyoyawele nzinzili, heye hamwe na heni ndo kota mwana na mhaza kuli kudamla Mbuli Inojile. Ahyo, ndangitumbila kota ndomlajiza kwa hemwe hima hala du hondivizela mbuli za heni vyozilingulutilila. Ndangitumbila kwa Mkulu kota nani kahi ndabehi kuya kwa hemwe.
Ndangona kota naingana kumlajiza kwa hemwe mng’holozetu Epafulodito, yalingukola mijito hamwe na heni, yawele ndo mwamizi hamwe na heni, yawele kahi ndo msenga wa hemwe yawele namumlajiza yamhe heni vinhu vyondilinguganigwa kupegwa. Kangugana ng’hatu kuya kuwona hemwe, nakang’ung’uta lukami hala loyavizele kota hemwe namhulika kota heye nayali mtamwa. Ena, nayali mtamwa habehi nakubagama. Ila Nguluwi nakamonela isungu, haiwele heye yaliyeka ila nani kahi leka ndeche kuwa na usungu ng’hatu. Lelo ndangugana ng’hatu kumlajiza kwa hemwe, leka hommona msangalale kahi na masinzo ga heni goche. Lelo mumbochele kwa usangalalo weng’ha kota mng’holozenu kwa Mkulu. Mwanguganigwa kuwahulichiza wanhu wawele kota heye, kwa vila heye nayali habehi kubagama kwa chiwalo cha mijito ja Kilistu, nakambuza ukomu wa heye wajilile leka yanhanze kwa utanzi ula uwele hemwe hamuwezile kuugala.
Mlolele, munhu yoneche yaleche kumhilusila myage chibida, ila majesa ga hemwe gawe kiditila ganojile na kuwaditila wanhu weng’ha ganojile.
Ila heye kanguizela nzila yondilinguiwinza,
hoyosinda kunjeza, ndolawa amo mbele kota zahabu inojile.
Ndanguzipala nzayo za heye kwa kukundigwa,
ndanguiwinza nzila ya heye ne kugaluchila kumoso ama kudilo.