Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Guru amu mua yi kusukuri a turiki nyowa. Nde nsude yi lepi a siki mbo de yaa pala ba, e sika nsebeki naka, yaa kpanku nki e yi guru.
nsude yaa so biya Mirikisi Adaa mu ni gaskye ema dole na e kula nja yaya male yi nja mata makeyi a siki ni beki siki asu nja e tele kiya yi de kede mbo mumungu durinya mu e bebeta yi.
Kowoni mbo kyakyawu nja dedeta kyawuta butu dege anya Mirikisi Adaa mu ni bisi, e shi de ki la asikye ni bisi, guru mbo worosu mu sua juyi, sede Mirikisi yaa juyi ba.
De Yesu ma dedeta, se e ma tutiri sila ni gbogbo te nja guru worede su ma beyi girima,
Yesu pala gye yi nkye, <<Nde ka so de ki ma kyakya, te, la mbo guru de ki ma shi see de ki laba ba potoruwa, tukuna ka mani mbo nani ake a bisi. se ki zo biya ni.>>
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
<<Ni gye ku yomu sobon de ku yi peri siki nja Ni nja de perisiki aku e sika.
Ari kuzukam ku minya mbodaa a siki seni na wo ba; Ku minya kwa keleba, de perisiki ku e yi yowa.
Kede ku yi zunwa yiri ni ntani durinya mu, sede ku bila de Mirikisi e shenja ku de kuma sabuwa a siki dishiya ku. Yomuna kwa shina mbode Mirikisi yaa bila de ku yi, de ma kyakyawu, nja mbode jima yi, nja mbode ema dedeta nupi yi.
Mma ologba ku, yayuwa na, a siki seni Obagizi amu Yesu Kiristi, de guru aku, ku yeda nja nkyiaku sobon kede ku laba kiya e ma a siki aku ba nja de kwa man tala kiya a siki dishiya aku nja tunani aku.
A beyi mbo worosu mu guru ku ma nsu so worosu su, sobon so yaa sa ntani de su yi zunwa gabada.
Nde ku mani sa dishiya daa a siki tala kiya aku nja Kiristi, nde ku mani takuwa daa a siki so yi, nde ku mani zumunshi daa nja Aworo, nde ku mani tala kiya nja toseyi, Se ku sa ni perisiki naa e sika de ku ma tunani daa, ku mani so yiri daa, ku ma daa a siki ni Aworo nja nupi aku. Kede ku yi mbo daa a siki so dishiya aku ko girima kiya,sede a siki ni aminshi aku ku la worosu su pi kiya ku. Kowon nse a siki aku kede e yi mbo sobon riba ni kiya yi kowe, sede riba ni sobon worosu su du. Tunani ku e ma yiri ni Kiristi Yesu:
Waana, kode nkye Yesu e ma kamani Mirikisi,
e taba tunani de gonta kiya yi nja Mirikisi ba.
Momoko yomuna: e la kiya yi e ma mbodaa ba,
E la kiya yi ma kankye bunwa ,
E la kiya yi ma kankye nsebeki, de e butu a siki kamani ni nsebeki.
E bwala kiya yi,
te turiki beyi girima
de keyi te muntu,
Muntu a kiya gidiri!
Sobon yomu Mirikisi ba yi girima pi guru
nja e ba yi seni de pi guru seni,
nkye a siki seni ni Yesu guru guyam sua dure
a siki bisi nja a kisi nja a siki siki kisi,
nja guru arishiya yaa beyi sheeda nkye Yesu Kiristi ma Obagizi,
te anya beyi girima ni Mirikisi Adaa.
Sobon yomu, oku nsu oboki na, yiri de kuma beyi girima mu a kwanki de Ni ma nja ku, kuzukam de Ni ma nja ku ba sigeba ni beyi girima ko de ni ma nja ku ba. Ku yi ANKI ni sila aku a siki womba Mirikisi ni yanzi yomu e ma Mirikisi na yaa yi ANKI a siki aku nja yaa sa de ku yi mbo kyakyawu de yaa bila.
Ku yi guru mbo kede ni bebeki beta ko gadama e ma a siki ku, de kede ku ma ni mbo basi ba ku ma sere, yaya ni Mirikisi, ba ngala a siki ntani ni kwanki mu de sua zi ba, de ku beyi asikye kankye kemu a durinya Yiri de ku keleba beta ni leyi ari mma yi dege dolo a nana ni Kiristi nkye gudu ko pama de ni yi ma a banza ba. Beigaskye aku nja anki aku a siki Obagizi ema kankye sedeka na anya e yi. Yomuna ko sua la zini na nya a kiya beigaskye aku, mma yi peri siki de ni yi sedeka mu ni peri siki nja ku. Yomu na oku ma ku yi muruna nja peri siki nja ni.
Na yi ologba a siki ni Obagizi Yesu de ni saka Timoti anya ku seberi, nkye de e ni samu sadishiya nde ni zi nabari aku. Ni ma ni nseda ka na yi, de yaa zo a kula ni zunwa lapiya aku. Sobon konse yaa yi mbo de yaa sua kiya yi na nto, ba ni Yesu Kiristi ba. Sede oku ku shina yiride Timoti nana kiya yi, yiride eni nja shi mu ma kankye yaa nja adaa, mu yi anki gabada sobon ni nabari kyakyawu. Na yi ologba sobon yomu, de ni saka anya ku seberi yiride geni mbo yaa yi tepiya nja ni. nja ni sadishiya na a siki ni Obagizi nkye e ni nkiya na mma zo seberi.
Sede mma yi tunani ko ema dole na de ni saka Abaparodita, yayuwa na, oboki anki nja oboki pama, nsude e ma yaa manki aku, nsude ku saka yi de zo sua ni nto. Sede yaa yi peri siki de e geni guru nja ku beki siki sobon ku zi yaa yi suwo. Gangasi yaa yi suwo, ari yaa bila muntu. Sede Mirikisi zi toseyi yi, ba a kiya e yi dandaa ba sede nja ni du, de e nana ni Genbeki a kiya beki siki. Sobon yomu mma yi guru kokori de ni saka yi zo anya aku, nde ku sakye geni yi kwa yi peri siki eni kuma beki siki na yaa rigye. Ku yi naba a siki ni Obagizi ni totolo perisiki, nja ku geni yiri menza mu ni girima, Sobon e beyi kiya yi de e muntu a kiya anki ni Kiristi, e beyi kiya yi de e sua ni nto de oku kiya ku Kwa yaa yi ni nshi ba.
Ku kone kede nseda e lama mungu mbo nja mungu mbo, sede kowon kwanki ku yi kokori de ku yi mbo kyakyawu nja nkiya ku ni kuma konwawa du.