Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Əyi vnyanya yi knyiabwonyi ń azokwoi gbowogbowo. Zahozahoyi n a ta ɓwa wo n ɓəgyii m, kpekpe dna n əwo ɓəda, wo zhni əza nunui nu; n wo myi ń əwo nayi vnyanya wnashi.
Shekwoznashni zokwo n Shekwoyi əyi Dada gwo nge tnadodnai jesnu tnaɓətui, əkwo nu nyi: a shi akwuwyi awye ɓədo n anyigbayii dna n əɓa azhnìgye sa. Njesnu əza wo la əwohni wnakna to wa ye nge anyìgyi cegyetu nya kwa wnu wo ya m.
Nyaga manai n nunui tnagyifyi dəhodəhoi, kwo gbmi n əshemi nu, n kwo shniɓe ń Dada əshemi abwuznagna nya aba, əwo n wo ta shnaba ngye ajejelukwo nyi m.
jesnu, shi a ɓə zè n əwo nunui zhnii, waa zè zokwo gnyignyi nyalonyalo nya ga aza vnyanya n ɓa vyi wo ɓəgbetu.
Yeisu wa dnaɓəgbe, "Ngye ho ncei pmalo haa zè əza nunui, lo, ho kwu əho nyaɓwa kwnu vnyanya jesnu ha kwu ga awyekwoyi, ho ɓə ɓwa nyaɓwayezhi n əshemi. Nlonu hoi ɓe, ha vyi mi."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Mi gna fye dəye nabai əmi agbmada ɓa kwu kwnusnu n fyei nu jesnu nabai əfye agbmada ɓa kwu nu.
Nya əsa ye, fye too nyá nyaho əɓo dna n əmi əye m. Fye nyaɓo fye ɓa gwo, jesnu əfye bwugbada ɓa kwu nu knaaknà.
Fye to je anyì ye ofye vyi m, ama fye la əfye abwugba shnado ɓa kwu zè awoiwoyi. Nlonu n fye ɓa myi fya tumwi jesnu fya tuɓwa n əɓo n kwo zhni Shekwoyi ɓəye; əwo ɓəye manai, dadai jesnu n kwo nunui.
Mi tna fye aɓwa, əmiaje azanugbai n anyikwozai, dna n əyi Dagayi Yeisu Kirisiti əye, nge əfye vnyanya fye kwu gbelodo n ajei dna n əɓo n fye da jesnu to a ɓwa ajegna n əfye atasni m. Ama a gye fye n əgbei lodo n aba gbmanyi cewo dna n bwugba n ɓənubwozhnii.
Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.
Ntucenu ngye fye kwu bwugbakala ɓwa ntu n əfye yeyeɓədo ɓo n Kirisitii, ngye bwugbafu ho lo n kwo gbmi n əwo yeye, ngye ɓwadodna ho lo dna n Zafnu, ngye ədu-tnakalákpei nya ho lo ǹ snusnuwnai, akpəge, fye zhni əmi agbmada ɓa kwu nu, fye kwu zhi n abwugbai fyi ngye aje, fyei wu yeye gbmanyigbmanyi, fya kwu zhni gbmanyi fyi n zafnu njesnu n bwugbai. Fye to zhni ɓəho dna n gnawohni bwugbaɓəye nya kwo fyi n tukwomwa gbəloi m. Dna n əkwoɓwi, dna n tukwogba, fye gye azaje n apmai n du əfyehni, to fyei shi əfyehni aɓəwyeda nu awye m, ama zahozahoyi n fye mi, wo shi əwo azaje aɓəwyeda nu awye.
N əfye tagyiaje, fye kwu bwugbadna gbmanyigbmanyi ɓwa ngye Kirisiti Yeisu nya:
Əwo, dna n əwo nyinyì, wo ɓə zhni Shekwoyi nu,
ama to wa zhninubwo ge gye wo snulo dəidəi n Shekwoyii m, kwo nge əɓo nu n wo ɓa zhni apma n kwoi ntu əwohni gyiba ɓo m;
n əkwoɓwi, waa əwohni zè wo to zhni nyaho nu m,
wa la fyenu nyinyì nu shi,
ntuge a ɓə n woi zhni dna n zanyikwoci dogbe nu.
Shi wo ɓə gye əwohni tukwo dna n nayi nu ngye zanyikwoci,
waa əwohni tukwo gba lo əfyi,
kwo əfyi tu n znudu!
Ntucenu Shekwoyi ɓə la wo latu tu n aba asnada duduyi
jesnu waa əye ga wo n kwo du əye dəhodəhoi,
nge dna n Yeisu əye, nyikwutukwo dəhodəhoi ɓə ceakwokwo
dna n əshemi, n əknyii ɓədo n əknyi snutai,
jesnu nyitala dəhodəhoi ɓə da nge Yeisu Kirisiti zhni Dagayi nu,
kwa ɓe Shekwoyi Dada n latui.
Ntucenu, əmi anugwnudo ayeyei, ngye shi fye shni ɓəgbetu vyi ciici nyi, toge n ɓwasnu n əmi awyeba m, ama nsaiye fye zhni tnutnu n dudu ɓo n əmi avnuzè. Fye gwodu fya zhni əfye gnyignyi tnutnu n ədnai ɓədo n vnyivnyii, ntuge Shekwoyi nu zhni tnutnu fyi n əfye, nabai fya ye jesnu fya zhni kwo kwa nu əwo ɓəmwi manai.
Fye zhni ɓəhoɓəhoi ntna gwnunugwnunu kwo aɓənakpeaje, nabai n fye ɓa kwu zè atnaɓətuyi jesnu atnadodnai, "Shekwoyi aɓyi ntna abwi fyi n cala knaknayi n əkpí nyaii." Nlonu fye ɓə bmyana fyi n əɓa atasni ngye akpasi kpe n anyìbmana, shi fye kwu ɓədagbma wyewyeyi nya shiɓwa kamkam. Nlonu n mi ɓə myi ma gyigbe dna n Kirisiti nyipyei nge mi to ɓə znazna kwo mi ɓə zhni tnutnu gbəloi nu m. Ama kwo ai ye mi zèya ɓo zhi n əknyi nu ngye nyaga snísníyi kpe n nyagbmi ɓədo n tnutnui kwoi gbmi n əfye gaiciyaga, a da mi njesnu mi ɓə nya agbmada n fyei vnyanya. Ntulonu əfyehni ce, a da fye jesnu fya nya agbmada n kwnusnu n mii.
Mi n awyetui lo dna n Dagayi Yeisu, ma tnu fye n Timotii wolowolo, nabai əmihni ce mi ɓə wo agbmada she mi ɓə wo əfye nabagyi. Mi to n zahoi shnasnu lo ngye əwo, n wo ɓa zè əwye gaiciya nya shi fye ntu n əfye aknawna ɓo m. Ntuge zahozahoyi shi əwohni tukwo gyiba nu awye, toge adəyi n ɓa zhni Yeisu Kirisiti anya m. Ama fye kpəlo nge Timoti wo la əwohni tukwo gbmiwu, ntuge ngye nugwnu n kwnusnu n əwo dadai, wo kwu nabagyi manai tnutnu kwnuzhni n mii. Ntucenu, mi n awyetui lo ma tnu n woi wolowolo, shi ma gye aɓo ɓai lo mi n wu. Mi n agwumyii lo dna n Dagayi nge əmihni ɓe lo wolowolo.
Ama mi zhninubwo lo nge, kwo zhni ɓəshishi nu ma tnu fye n Epafroditusii, əmizado, tnutnu kwnuzhniyi jesnu əmi okwnusnuyi ədo, n wo je əfye tnutnuyi nu zhni, n fye ɓə tnu n woi wa bma mi zhni nyi. Ntuge əfye awyekwo wo lo əfye vnyanya jesnu wo dnalo n bwugbazhii, ntuge fye ɓə kwu wo nge nyasna ɓə kwu sna wo. Ɓəhnihni nyasna ɓə kwu sna wo, kwo ɓə ɓwace cewyi nu wa fyi. Ama Shekwoyi ɓə kwu wo gye snusnu, toge əwo gbmanyi m, ama əmii ɓədo, nabai wa gnyi mi ya n bwugbawnu kpeaje. Ntucenu, mi dnalo n wyenyii n mwa ma tnu n woi, nabai nge she fye je wo wyegye, a ɓə da fye agbma jesnu kwo ɓə ce mi aɓəsa bmà. Ntulonu, fye gwo wo dna n Dagayi n agbmada yaakwoi, fye ga aza ye pya mwamwa, ntuge kwo ɓə ɓwace cewyi nu wa fyí ntu Kirisiti tnutnu ɓo. Wo ɓə ye wa ɓwi əwohni wyewyeyi nuwna ntu bmazhni ɓo n fye to ɓə myi fya ga mi nyi m.
Fye gye nge zahozahoyi to gbá ɓənukwoi əta n ɓənukwoi m, ama n əsahosahoii fye la əwye nyi fya zhni abmyazhni ga aje jesnu ga zahozahoyi ce.