1 Ibhali hankaab iiktiina, baliin ibhali aree Ukwaasanaay geeb iifiina, ibhali aree Ukwaasana iiktiin.

1 Ibhali hankaab iiktiina, baliin ibhali aree Ukwaasanaay geeb iifiina, ibhali aree Ukwaasana iiktiin. 2 Ibhali hankaab Ukwaasanaay geeb iifiin.

3 Bariisooh naatka daamta. Daamtaanaaka beet barooh anu naat han kadaamta.

14 Ibhali bashar ikeena, aree uun baruuh geeboon ikwiri. Hinin bariiyooh umatuun rhina, Gaalꞌooriib umatuun Ubaabaay eeyaab, nꞌimaatwa sidikwa ataabi.

9 Ukwaasana Umasiihiib ugarooy timmiima kwarri.

9 Ukwaasana Umasiihiib ugarooy timmiima kwarri. 10 Baraak Umasiihiib tikatiini sabbii daayiib tiwinna. Baruuh kasseeh yꞌakrirwa tehadꞌaayeeti mhakwalwa eefi.

5 Baraakna tibariineet tifikra Umasiih Yasuuꞌa iibriyeet tookna tꞌiiteena tikatiyeet toonaatu:

6 Baruuh diimaab Ukwaasanaay hayꞌa iibri.

Laakiin baruuh akriree Ukwaasana nadiirsamtiib jarrabaab kiiki.

7 Laakiin ugarooyooh naatikina kwaasaab kiiki,

ukishiyaayt hayꞌa iyhaayt,

wꞌaadami tꞌiiteeb iki.

5 Baraakna tibariineet tifikra Umasiih Yasuuꞌa iibriyeet tookna tꞌiiteena tikatiyeet toonaatu:

15 Yasuuꞌa "Baraak aree? Ani aabu tiyadna?" idi.

16 Siimoon Bitrus igwibi, "Baruuk Umasiih tikatiya, Ukwaasana udhhaniinaay Oor." idi.

17 Yasuuꞌa bariiyooh dehaay, "Siimoon Yuunisi oor, baruuk baarakamaabwa, tuun tuuna dehayii dehook lawaat kitti. Laakiin Baabu tibreeteeb eefi dehook lawisiya.

23 "Tꞌaagir nikwiitiit oor ifaar tindi, aree wꞌoor Immaanweel iisim iyadna." diyaabi. Immaanweel "Ukwaasana geeboon eefi." miyaadi.

54 Udaabitwa ikajar geeb iifiinwa Yasuuꞌaab iigwꞌad baliin, tubuuti idhti rhiyaan. Kastooh toona tutikeet rhiyaanihoob irkwiiniit ajjabamiyaana, "Sidik uun baruuh Ukwaasanaay Ooru!" idiin.

61 Laakiin Yasuuꞌa tim iki aree naat han gwibiyaab kiiki.

Ufagiiri uuwin masi Yasuuꞌii dehaay, "Sooyaa hoon! Baruuk Ukwaasana Ubaarakamaay Oor, Umasiihiiwwa?" idi.

62 Yasuuꞌa "Awooh, aneebu. Wꞌaadami Oor Oongaal Wꞌalyaanaay umaygwadiib sꞌee rhi tiyadna. Barooh bꞌaluukiib tibreetee yꞌee rhi tiyadna." idi.

6 Wꞌoor bateeyooh dehaay, "Baarikwiina! Yasuuꞌa Naasiraay usallabamiyaab tehariwna. Baruuh tooy kiihaay, yakiya! Baruuh hooy atoobsaab iiktiyeeb oomhiin shibibna.

21 Kassuuh uudehay itoomaasnihoob, Yasuuꞌa han itoomaas. Baruuh siileelee aree taabri ifdagna. 22 Aashuuk Imugaddasa kwibheeriit hayꞌaatii bariiyooh kehii tikwiyaan. Tibreetee hiss eeyaayt: "Wꞌooru winneet wꞌareeyaniyeeb barookwa. Ani winneet hook madhaadhu." idi.

58 Yasuuꞌa igwibi, "Oosdik andi hookna: Ibraahiim faraay baakaay ani iifi." idi.

30 Aneebwa Ubaabaawwa gala." idi.

17 Yasuuꞌa bareeyooh dehaay, "Aniib Ubaaba oon oombꞌi diimaab shagaamiini, ani han shagaamani." idi. 18 Een ibhaliyi sabbii Iyahuudi sidik Yasuuꞌi madar yhariwna. Baruuh toosabti gaanuun ikitꞌeet toona kitti, laakiin Ukwaasana han barooh ooknaay ubaabaayt waliikiya. Ugarooyooh Ukwaasanaay geeb nadiir ikwasi.

18 Een ibhaliyi sabbii Iyahuudi sidik Yasuuꞌi madar yhariwna. Baruuh toosabti gaanuun ikitꞌeet toona kitti, laakiin Ukwaasana han barooh ooknaay ubaabaayt waliikiya. Ugarooyooh Ukwaasanaay geeb nadiir ikwasi.

21 Ubaaba yꞌayaab yaksiit ishidhhiineet toonaatiit, Wꞌoor han ishidhhin indiyeeb bak midhhan iniiw. 22 Ubaaba uukna gaal han kahaakamiya. Laakiin whaakamti hag kassooh Wꞌoorooh hiiyyaabi. 23 Aflaay uudehay kassaah Ubaaba hamooysiiniib Wꞌoor han bak hamooysi iyadna. Wꞌoor baahamooysii, Ubaaba barooh ifdig han kahamooyisiya.

25 Oosdik andi hookna: damaan yꞌiini aree oontꞌa suur akay yꞌaabu, yꞌaya Ukwaasanaay Oori hiss iimsaw iyadna. Baliin yꞌeemsiiw aree midhhan imaar iyadna.

6 Yasuuꞌa bariiyooh dehaay, "Ani usalalu, oosdiku, aree umidhhanu. Aneeb anu Ubaaba eebi gaal han kiihaay.

9 Yasuuꞌa "Fiilibus bareek kasseekna gwimad door geebookna iifi, masi aneeb kanaab kitteena han? Aneeb rhiyaabka, Ubaaba han rhaab ikati. Aflaay naanhooy Ubaaba rhisaa hoon tindiya? 10 Fiilibus, ani Ubaabaay eefiyeet toonaawwa, Ubaaba aniib eefiyeet toonaawwa aamanaab kitta han? Ibhali ani dehookna bhaliiyaneeb uknaayiisu yꞌaab kiikeen. Ubaaba aniib kwarriib been ooknaay shaga daayiini.

25 Yasuuꞌa batiiyooh dehaay, "Ani ooyaku, ani umidhhanu. Aneeb aamaneen baliin iyaayiineek han, iidhhan iyadna.

40 Yasuuꞌa batiiyooh dehaay, "Batuuk aamantiniyeek Ukwaasanaay umatuun rhi tindii diyaayook kaaki han?" idi.

12 Yasuuꞌaab nuun weer ishidhhiin kiihaay. Tibreeti whii barooh nuun oodehay ishidhhiin sim weer kiihaay." idi.

36 Baraah masi usalal abkee, yami mhiin eeyaan. Uutak Fiilibusii dehaay, "Shibiba! Tooy yam eefeen. Tooy atoomiiseek naan hanbiheeb?" idi. 37 Fiilibus "Kassooh uginꞌiisook haay aamantiniyeek titoomiisee dehaay adgirtiniya." idi. Uutak "Ani Yasuuꞌa Umasiih Ukwaasanaay oor ikatiyeet toona aamanani." idi. 38 Aflaay baruuh utanbiil isingad. Malya baraah hiddaab eeyam beeti tikwiyaan. Fiilibus aree ooraaw imis.

3 Wꞌoor Ukwaasanaay umatuun rhisiini, aree baruuh Ukwaasana ookna tꞌiiteebi. Kastaah taana barooh ooknaay ibhaliyi akriree diimaab daayeen. Baruuh toomaag atehariyaayt harꞌii, Wꞌalyaanaay umaygwadii dehaay tibreeteeb nꞌati isꞌa. 4 Aflaay baruuh imalakeeka winneet tageegakaab iki. Uusim baruuh kwasaamaab ikatiyi han imalaki simaayeeka tageegaakaabi.

14 Shaawti tageega win fagiiri tibreeteeb sakaab nibari, Yasuuꞌaab Ukwaasanaay Wꞌoor, hinin nitfadhiidheeb wꞌiimaan daayiib nꞌabikeet toonaati. 15 Win fagiiri hineeb inꞌakwiyeeb nꞌakwmanaatiib dehoon baabariib kinbari. Laakiin hinin gaal nibari kasseeh isalalaayee jarrabamiyaab, hinin han bak jarrabamna, laakiin baruuh maagnaayt gwibbaab kiiki.

2 Tiliiliyaateen Yasuuꞌaab daayiib haay nishabbeet toonaatu, aree hineeb wꞌiimaan ibadootii wꞌagiya ookiik bariiyooh kehii adehamiini. Bariiyooh suurii iifiint tifirhaati sabbii baruuh usaliib imtaraam, usaliibi kehii tooyat han hooy sikwꞌaab kiiki. Oontꞌa baruuh Ukwaasanaayt tehadꞌaayeeti maygwadiib isꞌa.

17 Oon usabbii baruuh kasteeh tehayꞌaatee isanaayeeh tꞌiiteeb ikati. Bareeyooh dehaay rhamaat ibariib ikatiyi jillaaywa, sidki win fagiiri Ukwaasana shagaamiiniib ikatiyi jillaaywa daamiya. Aflaay udehayiit timaagnay afoomeent ikatiin.

15 Yasuuꞌa Ukwaasanaay Oor ikatiyeet toona gaal han isookiineek, Ukwaasana bariiyooh kwanri, baruuh han Ukwaasanaay kwanri.

15 Yasuuꞌa Ukwaasanaay Oor ikatiyeet toona gaal han isookiineek, Ukwaasana bariiyooh kwanri, baruuh han Ukwaasanaay kwanri.

9 Ukwaasana ureerooh ibitkeen bak rhisiya: baruuh Gaalꞌoorooh tuduniyaatii dehaay diigwatiyaayt, aflaay bariiyooh geebii umidhhan nimeer nikati. 10 Uun baruuh ooreer ikati: Ukwaasana areenaayi sabbii kiiki, laakiin baruuh areeya hoon akay tumaagtuun afoomtinyi jillaay Wꞌoorooh diigwatiya.

9 Ukwaasana ureerooh ibitkeen bak rhisiya: baruuh Gaalꞌoorooh tuduniyaatii dehaay diigwatiyaayt, aflaay bariiyooh geebii umidhhan nimeer nikati.

8 Maagnaayt danꞌiibka oobliisiib ikati. Uubliis tibadootee akay maagnaayt shagaamiya. Ukwaasanaay Wꞌoor haay lawiyaneeb usabab aree, baruuh oobliisi shaga kwidhsiiniyi jillaay lawiya.

5 Tuduniya ganriib been aabu? Been baruuh Yasuuꞌa Ukwaasanaay Oor ikatiyeet toona aamaniiniib oobhaat ikati.

11 Aree taan bataah tibadehaata: Ukwaasana umidhhan udaayim yhii hoon, aree uun umidhhan Wꞌooriyooh eefi. 12 Wꞌoor ibariibka umidhhan han ibari. Ukwaasanaay Oor baabariibka umidhhan kiibari.

9 Tudiigwat bak tindi: Yasuuꞌa Wꞌankwana ikatiyeet toona fidhadhtiit uginꞌiisook aamantiniyeek, aree Ukwaasana barooh tuyatii yakisiyaneet toona aamantiniyeek, iidhhan tindiya.

20 Ani Umasiihi geeb sallabaman aree shaawti ikwaar kaadi, laakiin Umasiih aniit tehooyteeb kwarri. Aree oontꞌa ani Ukwaasanaay Wꞌooriib wꞌiimaanii akwarri. Baruuh areeyaheeb, aree anii jillaay ugarooyooh nuuniya.

19 Umasiih Yasuuꞌii ikatiib umatuuniyooh umraayiit hayꞌaatii, Ukwaasanaayu kasteeh tꞌeeteekna timmiima baꞌiyaaw hookna.

15 Umꞌasig Umasiih bareekna yhiiyyeeb oomkir utimakirneeb mitiyaayiini hookna. Ukwaasana aree oon umꞌasgii dehaay hiddaab gaal garooy dehaay waliikiya hookna. Aflaay Ukwaasana hamidna.

10 Hinin Ukwaasana shagaamaab ikatiyeena nikati, baruuh Umasiihiib idꞌi hoon, daayi shaga nidꞌi jillaay baruuh whankaay dehoon isoomir.

2 Umidhhanookna ibakii reerii kwiriina, Umasiih han areeya hoon. Ugarooyooh Ukwaasana afirhiseent karaama ikwaasiit umidhhanooh hini jillaay nuuniya.

4 Hinin kassaan gaal garooy tehooyteeb gwidaana nibari, kastaah taan taana gaatka shagaab ibariin. 5 Oontꞌaaneet hinin gwidaab nikatiyeek han, Umasiihiib amshawwaaytiit bariiyooh geeb gaal garu nikati. Gaal garooyt hooyteeb teefeet toonaatiit, hinin kassaan taktakeeb nimeeshiwi.

57 Laakiin whamaad Ukwaasanaayu! Baruuh tinasra Wꞌankwanaayoon Yasuuꞌaab Umasiihii iniiw hoon.

15 Laakiin uginꞌiyookna Umasiih Wꞌankwanaayt tifilnaat daasaana. Tehooyteeyookna eefeeb isꞌayaay sabbii bareekna raatiiniibka, diimaab bariiyooh dehaay tigweebneet toonaatii dehaay marna. Laakiin toon toona tatageegtiib aniwwa hamooysitiiwwa dꞌiina,

5 Gaal Kwaasana eefi, oodehaywa Ukwaasanaawwa aree bitkeemiini gaal eefi, baruuh aree ootak Umasiih Yasuuꞌaab ikati.

11 Teebri nigalaa rhan aree beentooy suuru eera hataay iifi. Whataay oomana Wꞌamiinwa Usidkiiwwa ittiyuud. Baruuh wꞌadlii yhankiim aree finaab ikwasi. 12 Tiliiliyaataah tunꞌeeti balool tꞌiiteeta, aree ugirmaayooh kehii gwida taj eefeen. Bariiyooh ugirmaay kehii sim kataabu, laakiin barooh ookna nuun gaal han kiikan. 13 Baruuh booy dhadhꞌama halak akwaayu, aree uusmuuh Ukwaasanaay Ibhali ikati. 14 Tibreeti dheesh barooh iitramna, baraah eera hatay amaaba, eera naaylooni nhas halaka akwaya. 15 Hasi bꞌadhadh idehaya nꞌati haay iithꞌeeb bariiyooh uyafii itfirꞌa. Baruuh diitiit kwoolaytii bareeh yhikim indi. Baruuh Ukwaasana Wꞌalyaanaay gadabi whaayt assaaraatiib bareeh eeti indi.

16 Baruuh whalakiyooh kehiiwwa uragadiyooh kehiiwa bak kitbaabu:

"Yhadꞌaayi hadꞌaawwa yꞌankwanaayi ankwanaawwa." miyaad kitbaabi.

21 Wꞌankwana Yasuuꞌiit tinꞌima Ukwaasanaay oodehayi geeb baꞌiiktiin.

27 Malya baruuh Toomaasii dehaay, "Giibalaaytook tooy daasa, aniib yꞌayi aree shibiba, malya wꞌayook fidhidha aree aniib itarabi kehii daasa. Shaawti baaꞌeetehaka, aamana!" idi.

28 Toomaas bariiyooh dehaay, "Wꞌankwanaayuuwwa, Ukwaasanaayuuwwa!" idi.

30 Ikwiriyaatayaah haayee Yasuuꞌa gwidaat mꞌuujisa ikwaas. Taan timꞌuujisa oon ooktaabiib katabt kiikeen. 31 Laakiin baraak aamanteeni jillaay taan bataah tooy katabta. Yasuuꞌa Umasiih ikatiyeet toonaawwa, Ukwaasanaay Oor ikatiyeet toonaawwa aamanteenihoob, bariiyooh oosmii umidhhan timeerna.

12 Taan bataah aniit tiwasi ikatiin: Ani areeyani hookna, baraak han taktak areeyaana.

20 Oosdik andi hookna: ani diigwataniyeeb agbiliiniibka, aneeb han agbiliini. Aneeb agbiliiniibka aree, aneeb diigwatiyaab han agbiliini." idi.

28 Ani bateeh umidhhan udaayim aniiw, door han aree kwidhi kiidiin. Aree gaal han bateeh hoosu tafi kiidi. 29 Baabu aneeb yhiiyyeet tuuna naatiika gwidaakaati. Bateeh Baabiyu wꞌayii taftiib gaal han kaꞌadgiriya. 30 Aneebwa Ubaabaawwa gala." idi.

16 Ukwaasana tuduniya winneet areeyiini akay Gaalꞌoorooh yhii. Aflaay barooh aamaniiniibka iiyyi kiidi, laakiin daayim midhhan imaar indi. 17 Ukwaasana Wꞌoorooh tuduniyaati kehii gaadiib iiktiyi jillaay diigwataab kiiki. Laakiin bariiyooh geebii tuduniya ishidhhiini jillaay diigwataabi. 18 Baliin Wꞌoor aamaneen hukwmami kiidiin. Laakiin baliin barooh aamanaab baakay suur akay hukwmamaaba. Usababu aree, baraah Ukwaasanaay Gaalꞌoor aamanaab kiikeen.

38 Aree usaliibooh yakseetiit aneeb baaraam uutakka, anii geeb takweet kiibari.

20 Aniib oosmii maloob tari mhay gaal mhiin hiddaab yꞌeeneek, beentooy ani bareeyooh geeb eefi." idi.

27 Yasuuꞌa masi bareeh ishbibaayt, "Naat gat Ukwaasana baakaay uudehay biiꞌadgirayneet eefeena, laakiin Ukwaasanaay dehaay naatka laamaati." idi.

27 Yasuuꞌa igwibi, "Uudehay biiꞌadgirayneet toona Ukwaasanaay geeb adgiramtini." idi.

25 Wꞌankwana Yasuuꞌa Umasiihiit tinꞌima kasseekna geebookna badaayiin.