O juízo final

9 איך האָב געקוקט

ביז טראָנען האָט מען אױפֿגעשטעלט,

און אַן אַלטבאַטאָגטער האָט זיך געזעצט;

זײַן מלבוש איז געװען װי װײַסער שנײ,

און די האָר פֿון זײַן קאָפּ װי לױטערע װאָל;

זײַן טראָן איז געװען פֿלאַמען פֿײַער,

די רעדער דערפֿון, ברענעדיק פֿײַער.

9 איך האָב געקוקט

ביז טראָנען האָט מען אױפֿגעשטעלט,

און אַן אַלטבאַטאָגטער האָט זיך געזעצט;

זײַן מלבוש איז געװען װי װײַסער שנײ,

און די האָר פֿון זײַן קאָפּ װי לױטערע װאָל;

זײַן טראָן איז געװען פֿלאַמען פֿײַער,

די רעדער דערפֿון, ברענעדיק פֿײַער.

10 אַ טײַך פֿײַער האָט אַרױסגעשטראָמט,

און איז אַרױסגעגאַנגען פֿון פֿאַר אים;

טױזנט מאָל טױזנט האָבן אים באַדינט,

און צען טױזנט מאָל צען טױזנט זײַנען פֿאַר אים געשטאַנען;

אַ בֵית-דין איז געזעסן,

און ביכער זײַנען געװען געעפֿנט.

2 און פֿיל פֿון די װאָס שלאָפֿן אין דעם שטױב פֿון דער ערד, װעלן זיך אױפֿכאַפּן, טײל צו אײביקן לעבן, און טײל צו שאַנדן, צו אײביקן בושה. 3 און די פֿאַרשטאַנדיקע װעלן גלאַנצן אַזױ װי דער גלאַנץ פֿון הימל, און די װאָס האָבן געבראַכט פֿיל צו גערעכטיקײט, אַזױ װי די שטערן אױף אײביק און שטענדיק.

14 װײַל דעם גאַנצן באַשאַף װעט אלֹקים ברענגען פֿאַר אַ משפּט איבער אַלעם פֿאַרהױלענעם, סײַ גוט און סײַ שלעכט.

17 האָב איך געזאָגט בײַ זיך אין האַרצן: אי דעם צדיק אי דעם רשע װעט אלֹקים משפּטן, װאָרעם אַ צײַט פֿאַר איטלעכער זאַך און פֿאַר איטלעכער טוּונג איז דאָרטן דאָ.

30 דערום װעל איך איטלעכן לױט זײַנע װעגן אײַך משפּטן, הױז פֿון יִשׂרָאֵל, זאָגט אֲדֹנָי ה׳. קערט צוריק און קערט אײַך אום פֿון אַלע אײַערע פֿאַרברעכן, און זאָל עס אײַך נישט זײַן פֿאַר אַ שטרױכלונג צו זינד. 31 װאַרפֿט אַראָפּ פֿון אײַך אַלע אײַערע פֿאַרברעכן װאָס איר האָט פֿאַרבראָכן מיט זײ, און מאַכט אײַך אַ נײַ האַרץ, און אַ נײַ גײַסט; נאָך װאָס זאָלט איר שטאַרבן, הױז פֿון יִשׂרָאֵל? 32 װאָרעם איך באַגער נישט דעם טױט פֿון דעם װאָס שטאַרבט, זאָגט אֲדֹנָי ה׳; דערום קערט אײַך אום, און בלײַבט לעבן.

13 פֿאַר ה׳, װאָרעם ער קומט,

װאָרעם ער קומט משפּטן די ערד;

ער װעט משפּטן די װעלט מיט גערעכטיקײט,

און די פֿעלקער מיט זײַן װאָרהאַפֿטיקײט.