21 Ubaaba yꞌayaab yaksiit ishidhhiineet toonaatiit, Wꞌoor han ishidhhin indiyeeb bak midhhan iniiw. 22 Ubaaba uukna gaal han kahaakamiya. Laakiin whaakamti hag kassooh Wꞌoorooh hiiyyaabi. 23 Aflaay uudehay kassaah Ubaaba hamooysiiniib Wꞌoor han bak hamooysi iyadna. Wꞌoor baahamooysii, Ubaaba barooh ifdig han kahamooyisiya.

24 Oosdik andi hookna: baliin aniib ibhali maasiwtiit beeb aneeb ifdig aamaneenka, umidhhan udaayim imaar iyadna. Baraah haakamami kiidiina, laakiin suur akay tooyatii umidhhan ookiik hasamiyaan. 25 Oosdik andi hookna: damaan yꞌiini aree oontꞌa suur akay yꞌaabu, yꞌaya Ukwaasanaay Oori hiss iimsaw iyadna. Baliin yꞌeemsiiw aree midhhan imaar iyadna. 26 Ubaaba uukna midhhani gwꞌad ikatiyeet toonaatiit, Wꞌoorooh han bak midhhani gwꞌad ikwaas.

27 Baruuh aree Wꞌaadami Oor ikatiyi sabbii, whaakamtiit hadꞌaayi barooh yhii. 28 Toon toonaatiib baaꞌajjabsaana, kassaah yꞌayaab bariiyooh whiss hooy iimsaw iyadneeb uudoor yꞌaabi. 29 Baraah imiimashaayee itfirꞌa iyadna. Baliin daayiina shagaamaab yakiit midhhan imaar iyadna, baliin toomaag shagaamaab aree yakiit ituurib iyadna. 30 Ani uknaayu naat han kaadꞌi. Ani tꞌeemsiiwi toobhaat haakamani, aree aniib whukwim adil ikati. Aflaay ani ugarooyu afirhistiib kaadꞌi, laakiin been aneeb diigwatiyaab harriiweet toona toobhaat sakani." idi.

31 Yasuuꞌa "Ani uknaayu kehii abandeheek, aniit tibadeha sidkiina kiiꞌakeen.

7 Laakiin oosdik andi hookna: ani giiganiyeet tuuna dehookna hanyiis. Ani baagiigayeek, ishamaamiiga yꞌi hookna kiidi. Laakiin ani giiganiyeek, malya barooh dehookna diigwati andi. 8 Aashuuk yꞌeenihoob, tuduniyaati dehay danuub ibariineet toona sooyi iyadna. Masi tooshbu sooyi iyadna, Ukwaasanaay hukwim han sooyi iyadna. 9 Baraah aneeb aamanaab kiikeenayt, maagnaayt sakeena,

30 Laakiin Yasuuꞌa bareeyooh dehaay, "Uun whiss anii jillaay hadiidaab kiiki, laakiin bareeyookna jillaay hadiidiya. 31 Oontꞌa toon tuduniyaati haakamti door ikati. Oontꞌa toon tuduniyaati haakim fidnaab ituugid indi. 32 Ani tubuutii asti yakamaniyihoob, oodehay kasseeh aneeb beeti iisikw andi." idi.

38 Uutak "Wꞌankwanaay, aamanani." idiit Yasuuꞌii dehaay asjidiya.

39 Yasuuꞌa "Toon tuduniya haakamti jillaay yꞌaabuuyt, aflaay whamashay rhi indi, aree baliin suur rhiin aree hamasheeyi iyadna." idi.

1 Wꞌiimaanuuh nꞌakw ikatiyeeb baliib agbilaana, bareeh halaagaaytiib amgwasaartiit baahaakamaana. 2 Dehay gali wꞌiimaanuuhna naatka tamsiiniyeeb hiiseen. Laakiin wari dehay, wꞌiimaanuuhna nꞌakw ikatiyeeb, khadaar oobhaat tameen. 3 Uutak naatka tamiiniib, beeb naatka baatamii ootak ibakii biiꞌabaabayeet toonaati. Naatka baatamii uutak aree ootak naatka tamiiniib ibakii gwabab biisꞌabiikeet toonaati. Ukwaasana barooh agbiliya. 4 Weer taki kishiya haakamiini baruuk aabwa? Baruuh ooknaay kishiya yaksiini tari dhibsiini. Wꞌankwana barooh yaksiiniyeet toona adgiriini.

12 Aflaay hinin kassaan gaalka Ukwaasanaay suurii ugarooyooh haasabi indi.

13 Shaawti taktaki whaakamti nisingid. Usaniyook salal tingiifna tari maagtiib dhibsitniina baadꞌiya. 14 Wꞌankwana Yasuuꞌa winneet rhisiyaheeb. Mꞌariit tuukna nhas baakaayt bitehaayeet toona ani winneet aamanani. Laakiin tak gaal naat gaat nhast biihiisayeek, aflaay beet batuuh bariiyooh dehaay nhast kitti.

17 Ukwaasanaay dhiwa whaakamamti hooy badooyeeneeb uudoor yꞌaabu, aree uun whukwim hini geeb badooyiiniyeek, Ukwaasanaay wꞌinjiil baasinaakiir baliib naan dehaay iikti tindi?

5 Aflaay uwaadiyaay damaani hankaay naat han baahakimna. Wꞌankwana yꞌiiniyeeb ookiik hagitna. Baruuh uthibniib dhꞌimaat toona oonuur beeti haay yꞌi indi, aree oodehayi ginꞌaayeeb teefeet toona lawsi indi. Been oodoor gaalka whamaad Ukwaasanaay iyaay indi.

2 Oodehay ooraaw haakamteeneet tehayꞌaatiit, baraak han oontꞌaaneet haakamami tiyadna. Wꞌabaar haay tiyawneeb, haay ittiyiw tiyadna.

3 Naanhooy tehakwa uraawiyook ugwꞌadiib shanbiiba, bariiyook ugwꞌadiib itragiig ukwoolay karhita han? 4 Baruuk usaniyook dehaay, ‘Tehakwa hook firꞌat.’ kak tindiya? Barook kassooh oodoor ukwoolay ugwꞌadiyook itragiigeek?

1 Oonaay harꞌii, gwida dehayi aadhti hissa tꞌiiteena tibreeteeb waliikiin amaasiw:

Baraah "Hallaluuya!

Umidhhanwa umatuunwa yꞌakrirwa Ukwaasanaay ikatiin.

2 Bariiyuuh whukwim sidiku aree adil ikati.

Baruuh tujakiin toowin

ujikuuniisooh toobuur fasaad tibaat jasaaya.

Ikishiyaayeeh oobooy batiisooh ikwisi." idiin.

3 Aree baraah masi jajawiyaana: "Hallaluuya!

ukwaraar diimaabwa kassoohoobwa batiisooh asti eebi." idiin.