14 Eloxxe kaddo’o fuggoxxa

sho’ondeexxe yaane duuchcha, mittetinna gattebaangi

huje manjiinxa duuchcha Mageni murtetibaa iyyedagaan.

21 Aabi reyemmaka manna ke’issaammashsha hedhotanna insa’ne’aa uwwaammashshanni Beltikinna kinni iittanni eeyyeke duuchchi’a hedho uwwaan. 22 Aabi mitteke’ninna murte murabaan: yaane kinni murte duuchcha muraashsha Beltokee sa’issee uwween: 23 Isinna tennee assechchi, manni duuchchi Aabii ulfeessammashshanni Beltokanna ulfeesaashshaten. Belto ulfessabaak ergeemmaka Aabiinna ulfeessabaan.

24 «Ani dhugaate ha’no’aa hiyyaannen, hiyyichcho anka laqaaki, anee ergeke’ninna amanaaki duuchchi woddixxe hedho afeen: isi reyotiba’ni hedhotiba’a foofemmaxxee iso’ni murendabaan. 25 Ani dhugaate dhugaate ha’no’aa hiyyaannen, reyemmak manni Mageniinke Beltika hafuura laqqaaxxe yanna daggaan: isenna ta’aten: laqaakiirinna hedhot hedhaan. 26 Anni umo ifinge’ni hedho afemmashshanni, Beltikinna umo ifinge’ni hedho afaashsha isi’a uwwe’en: 27 Isinna Manjiinke Belto kadeemmaxxee isi murashsha baalloomma isi’a uwwedheen.

28 «Tenne yaane’ni mee mambe’a hiyye! Moogemeek duuchchi hafuura isika lanqaaxxe yanna daggaan; 29 eloxxa hujeekiir reyotenaa’n ke’eexxi hedhaan elobaaxxa hujeekiir kinni reyotenaa’n ke’eexxi murte adhdhaan.✝

30 «Ani calli umo ankenni mitteelchonna huja dande’abo’non, Ani muraannoki Ani laqenexxe callan, Anee ergeekixxa eetti malee ifixxe eeyyanni assa gophaannaxxee Ani muraannoxxi murte dhugaatixxen.

31 «Ani anke umixxee dhugaa kulonnole, dhugaa kula anxi adhdhendabaan.

7 Yaane kinni Ani dhugaate ha’no’a hiyyaannen: me’a Anxi ha’no’a eloxxen. Ani me’a gophonnole dayyeessalli ha’nobaa dagabaan; Ani me’onnole kinni isoo ha’nobaa ergannon: 8 Isi dagaa wodda butta duuchcha cubbotixxee, qullumatixxeenna murtetixxee kokeessaan. 9 Cubbotixxee hiyyaa manni Ane’ni amana gophammaxxeeten:

30 Yessuusinna hiyye hiisee qici, «Kunni hafuur dageeki anxete kadebaang ha’nooxxeeten; 31 tenne butta’a murte murendaxxi yanna ta’aten; tenne butta duuchiki galchanji ta’a gadhi’a hunemaan. 32 Yaane kinni Ani buttii’ni iimi’a shikki shikki hiyyanno wodda manjo duuchcha ifiba’a shiqishanno.»

38 Manjichchikinna, «Goottaa amanaannen» hiyyeexxi isi’a sagade. 39 Yessuusinna, «Ballu’uwwi uudaashsha uudammakiirinna balla’ake kadaashsha murtetee kaba butta dageennen» hiyye.

1 Hanoxxe oddo’n amanat goofi manji mornsisaaxxe yaane’a afeeke yaadda’n murtinebaang adhdhe. 2 Mitti manji afeenxa yaane itatee’e eeti uwwendeesha amanak hedhe; amaat jabaatebaake wele manji kinni hiddichcho calla ita. 3 Tennexxe duuchinxa yaane itaak manjichchi itaamabaaka tufatoqqe’e; itabaakinna itamake’n muroqqe’e; tinni kaddaachi Mageni iso’o gibe’eeke manjo kadgophemaxeten. 4 Ati wele manjike erganjo’ni murtek isi ati aate? Isi iboole yookaan uuroole ifike ookkone gootti’aten; yaane kinni Magen iso’o uursa dande’amaxxe isi uuraan.

12 Tennexxe no’o’o mitti mitti umi no’okixxe huje’a Mageni edo shinqenexxi hisicho is’a uunanon.

13 Tennexxe weli’an weli mitti mitteke’n mura waallo. Tenne irra ayyinna ifike dayyike ora’n gufachiseexxa yookaan takaldaxxa yaane uggurabaashsha mudhowaal. 14 Gootta Yessuusinni hedhe’nexxi umo ifikenn mitte battoteexxi ita hexxebaaxxa ege’ne’enen; yaane kinni mitti manji mittie yaane’e battottesha asse uudeexxe kaddoole itti yaane isi’a battotteexxen.

17 Murte Mageniinke mininaa’n saffaaxxi yanna gelte’een; murte no’onaa’n saffa’neexxe kaddooleta Mageniinxe wengeele’a ajajema’nebaakeeriki muuxamitaa maachcho kadaa?

5 Tennexxe itti murendexxi yanna geltebaank ayye’ninna murtinoqqe’e; Gootti dagaaxxe heqqe; isi dukkana giddo buqendeexxa ifiake’n iyyedagaan; manjiinxe qalbe giddo hedheeka yaadanna ifise leelishaan. Ookkone wodda mitti mitting ifi ifi’a galata Goottakenaa’n alfaan.

2 Welekee’e murtinemashann ha’no’ninna murendaan; iittanni safaritineegechcho’n ha’no’aanna saffarendaan.✝

3 «Atixxe ille’n hedheeka utupha affebexxok atike dayyixxe ille’n hedheeka heenoka huura hitta affattota? 4 Atixxe ille’n utuphi hedhee’na’a atika dayyo ‹Atixxe ille’ni hedheeka heenoka huura atenaa’n hoyyo!› hitta hitato?

6 Tennexxe Isira’eelike arda’n hitatto qici, ‹Ani Duuchchi woddike Goottani. Ani Gibtsexxe garbummanaa’n ha’noo fulchannon; jabbaxxe hirrenninna jabake xixichchinni ha’noo wodannon.

12 «Ani eetteneen hashsha Gibtseke bogi giddo duuchchanaa’ni sa’annon; hore manjika angafa duuchchanna shiyannon; Gibtseka magenuwwa duuchcha’ninna murannon; ani Duuchchi Woddike Goottan.

4 Ani ate’n jallateenne; dhugaaten, atee calla balleessennen;

ille atixxi eddonna fuggoxxa yaane asseennen;

Tennexxee ane’n murte uwwa atixxinna,

anee mura woxisa atixxi seeraken.✝

8 Ee Duuchchi Woddike Gottaa! Atixxe toggitte murtexxee Tsiyoonik ardi gammadowwaal;

Yihudak qachchuwwinna illillisaan.

6 Gimotika seessuwwa

qocetinna burrisik enqine.

7 Insa’ne atika mine gunbe;

atik summi ye’emaaxxa bakka battoosine.

1 Ookkoneechchi uduma heddo mannika hafuura fakkataaki lumok hafuuri iimate’ni hiyya’naa laqenne qici:

«Halleeluyaa!

Anjira ulfinnikinna hunna no’oke Magenixxen.

2 Murte isixxi dhugaatenna qullitteten;

Yabaabulle ifixxenni butta battossiteemmaxxa

eettene lumoxxe yabaabulto’n muredeen;

Ifike erganjuwwixxe mundexxee ise’n halo fule’een.»

3 Ookkoneechchi uduma insa’ne

«Halleeluyaa!

Wililiille isenaa’n duuchchinni woddanaa’n duuchchi woddi’a tuqu tuqu hitaan» hine.