21 Inga viya Tate ayuyusavyo wekuuyao na nyuma, na kuwekha ugima, ivyoivyo Mwana naye awekha ugima wada awakundisao. 22 Tate khamuamuiiya mntu yoyose, iya kamtenda mwana awaamwiiye wantu wose. 23 Ili wantu wamtegeeze Mwana inga wamtegeezavyo Tate, yoyose esaekumtegeeza Mwana khamtegeeza Tate wekumwaagiiaye Mwana.

24 "Nawamba kwei, wada wategeezao mbui zangu na kumzumiia yuda mwekuniagiiya wana ugima wa misi yose kwesiho kisiikizi, khana aamuiiwe katu, kwaviya wavota kae ufe na kwengia mwe ugima misi yose kwesiho kisiikizi." 25 Nawamba kwei, kisingi cheza, naho kibuwa kae, na wada wekuwao hae na Muungu, wenda wategeeze mgutio wa Mwana wa Muungu, awo wenda wahokee ugima wa misi yose kwesiho kisiikizi. 26 Inga viya Tate awekhavyo wantu ugima, viyaviya kamtenda Mwana awekhe wantu ugima wa misi yose kwesiho kisiikizi. 27 Naho kamwekha Mwana udaho wa kuamuiiya, kwaviya ni Mwana wa Mntu. 28 Msekuhondomaa kwaajii ya mbui inu, kisingi cheza ambacho wose wekuuyao na nyuma wenda wategeeze mgutio ambao wose wekuwao mwe mambiya. 29 Nawo wendawalawe mwe mambiya wada wekugosoao matana, wenda wayuyuke na kwekaa, wada wekugosoao yesayokutama wenda wayuyuswe na kuamuiiwa.

30 Yesu akaendeea kugombeka, "Khidaha kugosoa kintu kwa udaho wangu mwenye, miye neamuiiya inga nitegeezavyo kulawa kwa Tate na uwo wedi wangu ni wa kwei, kwaviya khigosoa nikundavyo mwenye, iya akundavyo yuda mwekuniagiiya."

31 "Inga nawagombeka nywie mbui zangu mwenye, naho yada nigombekayo khamyavuhuzia kuwa ni ya kwei.

7 Akini nawamba ukwei, ni vyedi kwenu miye nihauke, kwaviya nikesekuita mwambizi khanaeze kwenu, akini nikaita uko nendanimwaagiiye kwenu. 8 Nae endahoeze endaawaonyeshe wantu wa mwe inusi mbui ya mavigaviga, na kwa mbui ziya zimtamiazo Muungu na kwa mbui ya uwamuiiyo wa Muungu. 9 Waga kwa mbui za mavigaviga kwaajii khawanizumiiya miye,

30 Yesu akawamba, "Mgutio uwo utegeezeka khio kwaajii yangu, iya ni kwaajii nywie mumzumiiye Muungu. 31 Isasa ni kisingi cha inusi kuamuiiwa, mkuu wa mwe inusi endaasigwe chongoi. 32 Nendaho nenulwe uwanga kulawa mwe inusi, nendaniwetange kia yumwe eze kwangu."

38 Aho uyo mntu akamba, "Zumbe, Nazumiiya" akamkintia mavindi na kumvikia.

39 Yesu akamba, "Miye ncheza mwe inusi kwaajii ya kuwekha sugusa wantu, ili wantu wada wesaokuona wadahe kuona na wamamaakhanyao waona, wesekudaha kuona."

1 Muhokeeni kwenu mntu ekuwaye akundaye kuambizwa, akini msekuhigana naye kuusu fanyanyi zakwe 2 Wamwe wa wantu watuhu wazumiiya kuwa wadaha kuda mbai yoyose ya khande, akini wada wekuwao na kuogoha wada mboga za mani du. 3 Mntu adae kia kintu asekumbea yuda ambae khadaha kuda kia kintu, nae adae du mboga za mani asekumuamwiiya adae kia kintu, kwaviya Muungu kamzumiiya. 4 Wee nndai hata udahe kumuamuiiya mndima wa mtuhu? Akagooka na kugwa ni mbui ya zumbe wakwe, haika, endaagooke kwa untintimavu kwa via Zumbe adaha kumgosoa adahe kugooka.

12 Ivyo, kia yumwe wetu endaalavye mbui zakwe mwenye he meso ya Muungu.

13 Ivyo, tieke kuahiana masa, naho tisekukunda kuwa kikwazo kwa ndugu hambu kumtenda agwe he mavigaviga. 14 Mwe kuwa hamwe na Zumbe Yesu, ni kwei khahana kintu chochose ambacho khakikundigwa ni Muungu kwa asili yakwe, akini mntu akamamakhanya kuwa kintu kituhu khakikundigwa ni Muungu, kwakwe uyo uwa khakikunda.

17 Kwamana kisingi kibua na kuamuiwa kuvoka mwe Nyumba ya Muungu na inga ikavoka na swie, kisikiizi yendaiwe viivihi kwa awo wesaokutegeeza Mbui Yedi ya Muungu?

5 Ivyo msekumuamuia mntu yoyose mwe kisingi ambacho khakizati kubua. Akini gojani adi aho Zumbe endahoeze, yee endaayaike pwii yose yekufiswayo mwe kiza na kuziika pwii mamakhanyi za wantu zekufiswazo mwe mioyo yao. Naho kia yumwe endaahokee ntogoo akundigwayo kwekhigwa.

2 Kwaviya mwendavyomuwaamuiiye watuhu nee ivyo na nywie mwendavyomuamuiiwe, na kihimo kiakia muhimiacho watuhu nee icho mwendachomuhimiwe. 3 Kwambwai waona kibasi mwe ziso da nduguyo na ahoaho khuona basi mwe ziso dako? 4 Hambu wadaha viivihi kumwamba nduguyo ‘Mwaya eka nikuuse iki kibasi mwe ziso dako kisingi wee mwenye una basi mwe ziso dako?’

1 Yekwembokayo ayo nikategeeza mgutio mkuu inga mgutio wa zumwezumwe kuu da wantu kulawa uwanga kwa Muungu wagombeka, "Zumbe atogolwe, uwohozi na ukuu na nguvu vina Muungu yetu! 2 Kwaviya uwamuio wakwe ni wakwei na nee ikundigwavyo, kwaviya kamuamuiya yuda mkianga mkuu kawatenda wantu mwe inusi wagosoe ufyaimi kwa ukianga wakwe. Muungu kamuihiza kwaajii kawakoma wandima wakwe." 3 Wakagombeka, "Muungu atogolwe! Mosi wa moto uwokao uda mzi wendaukwee uwanga misi yose kwesiho kisiikizi!"