Legalidades

Geyagye da Wayikoko ko Oyesu.

1 Ananoho na geyagye dawoteyi ni ba kpogwu kase ni, koni igabo kpiri woyoya ko Owuso la, kweyi awase ni boka ni, Owuso pini shuwa la. 2 Ni, olemani oni, ase ni tanu ko zela kayikoko ko Oyesu oya tanu koza ni Owuso shu ni pi yoma, mani oni, awase ni ya mani ba byepwo wikweyi wa pi yoma. 3 Koni awase ni ba yo neshi ba yoshi kayikoko ko Oyesu lo, sawase niba yobibi ni ke ba yoshi. Oya yimu ko kabo kposhi kase ni wigabo kokpagye ni? Yoza ni shoshi ni, kweyi aba koneshi wo. 4 Koni owoyole ko Owuso ni yoko ko yuwo neshi. Owoni oyobibi, oya yoshi nu, ikweyi koni ogboshu ko gbogo agye. Owoyole ko Owuso, niya byanya ko Owuso wa dase ni ba yozalabi ni. 5 Mani oni, owotiri ko geyagye dayikoko ko Oyesu, owotiri ko gbogo agye lalo, oke wa ko shawo oneshi kpo olabi. 6 Oza ni ya ni ala ba zegba ni oma, koni awigabo wayole ko Owuso la, ko yoko wa gyogye. 7 Sananoho ore koza ni okpawo ni: sore kegba kiyo kpiyo wo, kweyi mananoho gyiyi.

Oko ko Ya Diyikala

8 Ka shore kojije bita ikweyi wo lo, na wore ko yimu kiyikala fufunu. Ase ya yimu ko oyinanu oya geyagye dono pi yoma.

12 Ala kwiyi kala neshi ipu kawase ni gyo Owuso lo ni, shini owoni akwala epwo mala nyowe, aba moza neshi ni ala yani kweyi aba sho Owuso iye eno ni oya wa nu.

13 Ala geyagye dase kpiri abishi ka Adole, ala geyagye dose ni ya kpogwu kase kpiri ni, 14 kwe awoteyi kokpagye, ni ashuwa ko gbawase ni ba yo bibi ogo agye, kweyi zabokpa dase ni ba yoneshi ni.

17 kadaha byo onabani: Oya shoshi shini ahan ze egba do Okesa ose ko Oroma la kwe ahan ka ze lo?>>

18 Oyesu ke gyo oza bibi ni aba gbo ipu ko otuwa ni kweyi kamo, <<Ojiya ni ala ba yimu ko yun kwu awoyoziyi? 19 Ala byi ikwiri na ase ba zegba kpa anu ni bi wa.>> Kweyi abyi ikwiri oni wa danu. 20 Oyesu duwo oka mo, <<Oyi ka anoho kpi iye ka anoho yi ikwiri mani?>>

21 Akamo, <<Oyi ko Okesa.>> Oyesu ka da awa mo, <<Oza ni wa ko Okesa ala yi do Okesa, ala do Owuso oza ni wa ko Owuso ni.>>

Egba zoze ole ko Owuso.

24 Ishini Oyesu kpa awogboso wo Okapanahu ni, awo zegba epa kole ko Owuso wa to Obitrus kweyi do oka mo. <<Adole kala ya zegba kole ko Owuso lo la?>> 25 Oka da awa mo, <<Oya sore.>>

Ishini Obitrus wo ole ni, Oyesu wa kikyikyo ni kela kpa anu ni mo, <<Oji ni oma ipu ko oka doda mani Osaminu? Bwe ebe ka anoho ni awose kese mani ba zegba, bwe ebe ka ayiwa kwe ebe ko ogboga?>> 26 Obitrus ka danu mo, <<Bwe ebe ko ogboga.>>

Oyesu kamo, <<Ayi wa ba ze lo oma.>> 27 <<Ni olemani, ahan ka yotu wa na bya kpa aha lo, ala gi ishu ga she eya. Ala gwo okwunu ke ebinyi ni ala kwu kikyikyo, ikwiri ni opye, ga zegba ka aha kpa anu.>>

25 Yela gwo kpo oyene wo papa ni ya byo goda kepwo ni. Yela gwo kpa anu ishini ala tayayo bowe ni, lalo oya byo gobutu kino kepwo, ino kepwo yayo nabo dino byase goruduru shini nayo toruduru. 26 Nyya ka dawo okwokwoshi, oya bose lo sosore kikwiri kpiri nogbo ni.>>

18 Ikweyi koni ala ba gbosun ni, aba byala ya gebe koteyi agye kpa awose. Omani ke yawo owe ni ala tono kela hin dawa kpa awase ni wa Ase ko Oyahuda lo ni. 19 Ishini ake kwala ga, ala ka gbotu ikweyi koza ni ala baka kwe owe ni ala ba ko ni lo. Ipu kishi oni Owuso ya dala oza kokoka,

Omoma ko Oyesu

1 Ipu kishi oni Okesa Ogostu yuwa tono mo ana yase ni bokpagye ko Oroma ni yika. 2 Omani wokoka kikyikyo ni gbodagye ishini Okiriniyu woteyi ko Osiriya ni. 3 Kweyi ananoho kwikye gogya nu shini ana yoka.

4 Isu sho Onazareti kipu ko Ogalili bita go Obetalami kipu ko Ojudiya ikweyi koni obwole ko Odawuda. 5 Oga kpo Omeremu ni ayoko ni shini anayuwa ka, kweyi Omeremu bipu

9 Koni owe koko nyaku oye gwa dami, koni awo omonyekwotu baba nwashika ni.

10 Obilatus kamo, <<Oya kela dami lo, ogye mo ngboshu ko shobita kwako yo poshi sepa lo kwo?>>

11 Oyesu kyogwu mo, <<Obi ya gboshu ikweyi hin lo, owoni abi dawoshu bwi iso lalo. Ase ni ke yun dala ni pi yozalabi she la.>>