Legalidades

Baalomiike Manni’a Ajajema

1 Huun baalominna afemeek Magnxe fedhinnite kaddemaxxe manji duuchching baalomike manni’a ajajema hississaan; ta’a hedheeka baalomik mannanna baalonseek Magenoken. 2 Tennexxe mottumma gareeraak duuchchi Magenxa aada gareeraan; iitta assak manninna murte ifi’n idaqqan. 3 Galchalluwwi fuggoxxa assakri’ate malee eloxxa assakeri’a soddaachisake kadaba’a. Baalomake’n hedheeka manna sodaatagophota’a eeta’etteta? Yoonna eloxxa assi isinna atee galatefataan. 4 Tinni kaddeechinna isi ati’a eloxxa assatee baalomeeke Mageniike erganjo kademaxxeten; yaane kinni fuggoxxa assittotole sodaat; tinni kaddaachi baalomeke manji wolaaticho ka’leechi iittan toolangeetebaan; fuggoxxa assakara’n mura woxxisatee mufetike mi’a kade’eeke Magenike erganjo. 5 Tennexxe muratixxe soda’a calla kaddebaak sammo ha’noxxi eloyoxxa gargar hisite ha’no kuldaamaxxe baalomike manni’a ajajema hassissaxxenn. 6 Irbotanna uutina’neek tennexxeenden; kunni baalomiik manni wo’ma yanna tenne huje huja’neechi Mageno ergatemateeten. 7 Tennexxe baaloomike manji’a assemiyyo hassissaaxxa duuchcha asse; irbo hasisaake’e irbo, qaraxa hasisaake’e qaraxxa, sodatemiyo hasisaake’e soda’a, ulfinni hasisaakee’e ulfinna uwwe.

Manjo Eyaak Seera Muuxeke Kadeexxa

8 Weli’aan weli eeyyat gadhidarre ayyik liqinna ha’no’n hedhoqe’e; wele manjo eeyaak isi seera muuxeekenn.

12 Fedhee qiconna ha’no fuggoxxa assitina’neeshsha assine ha’noo Ayihudak kadebak manni hamatoole isi murte uwwo’a dagaa wodda eloxxa ha’nooxxa huje uundeexxi Mageno galateefataashsha Mageno ege’nebaake manni giddo eloxxe hedhonni hedhdhe.

Galchalluwwakeenna Goottuwwakee Ajajema

13 Goottakee hitineexxi buttatike baalloomiinke manni’a ajajemme; baalloomiinke umo kandemmaxxee moyanjokeenna kaddoole ajajemme. 14 Yookaan fuggoxxa assaakaara mura woxisatee eloxxa assaakaara galateefatatee isi baalloonseeke manni’a ajajemme.

17 Amo no’o’n kuli, ate’n maa labba? Moyanjo Qeesaari’a irbo uwwa seerake mo’o yookaan seerakeba’a?» hine.

18 Yessuusi kinni fuggaalessumma insa’neexxa ege’neexxi, «Ha’no ifi uggudhdhaalluwwi maayee anee yaaneti fonxortino’a yortina? 19 Ookkonee iirbotee uwwemaaka maallaqa ane’n leellishshe.» Insa’nenna mitte diinaare iso’n iyyedangeexxi leellinshe 20 Isinna «Konne maallaqi hana hexxeexxi misilenna borreessi ayyike?» hiyye insa’nee qore. 21 Insa’nenna «Qeesaarixxen» hine.

Yessuusinna insa’nen, «Iittate kaddeechchinni Qeesaarika Qeesaari’a, Mageniinka Magenokee uwwe» hiyye.

Galmiinxa Irbo Uwwa

24 Yessuusi ifixxe hordofeeyyenni welti Qifirnahoomi geyee wodda galmiinxa irbo bukkassaammak manni Pheexiroosibaa shikki hiyyeexxi, «Barachchiisalli ha’nook galmiinxa irbo uwwa gophaata?» hiyye isoo qore.✝ 25 Pheexiroosinna «Eeti, uwwaan» hiyye hiise haaso’e.

Pheexiroosi mini’a e’yee wodda Yessuusi ediseexxi, «Koo Simi’ooni ate’n maa labbaa?» isinna hiisseexxi «Buttik moyanjuwwi qaraxakanna irbo aadhaak ayyenaa’nite? Ifixxe oosenaa’nite moo yookaan wele manninaa’nite» hiyye qore. 26 Pheexiroosinna «Wele bogike mannanaa’niten» hiyye hiisse haaso’e.

Yessuusinna «Yoona insa’ne oose irbo uatabaan hiyyatebaataa?» 27 «Yaane kinni insa’ne’a gufote kandabe’noshsha abbaayyatiba martettexxi atika qulxu’me abishshotika fixa wode’i giddi’a darb! Edisse abiddatoxxa qulxu’me aaxxe iseka afo’o maaqatto wodda maallaqa* affatton. Isoonna aaxxettexxi no’o lamiingike summinni irbotee uwwi.»

25 «Atee ku’leeke manjinni murtetiba’a me’ita’etexxa yanna rakkettexxi isinni weli aagi; iitta kada gophphoole ate’e ku’lamak murammake’n sa’isse uwwaan; iikki murammakinna usuraammake’ni ate’e sa’isseexxi uwwaan; usuriinke mi’ne’ninna darbendatton. 26 Dhugaate ha’no’n haaso’aannen, iitti enqemalcho saante gattebaang uute birtato qico’n ookko’ni fula dandeettabexxon.»

18 Anxe buuto’a galchammakiiriba’anna moyanjuwwinba’a adhdhendinaan; insa’ne edonna Ayihudake kadebaake manni edo dhugaa kuldinaake kaddinaan. 19 Manni muritetibaa ha’noo iyyemaraa wodda maa haasonnanno yookaan hitta Yaanemmanno? Hiyyiyyoti wixixxi hitinoqqe; eettenne yanna’ni hitta hitinaaxxanna hitta haasottinaaxxi ha’no’a uwwendaan.

Yessuusixxa Ileensha

1 Ookkone barro’n Roomixxe galcha hunda hedheek ardi duuchchi laakko’emaashsha Awugixoosi Qeesaari ajaja fulche. 2 Kunni Qerenewoosi Sooriyake galchallo kademma wodda assemeeke siretike ardiinke laakkoossan. 3 Tennexxe mitti mitting manji borresemo’a ifi ifke qachchibaa me’e.

4 Yooseefinna Daawwitixxe horteke manjo kademmaxxee’e Geliila giddo hedheek Naazireetike qachchinaa’n ke’eexxi Yihudake boga’n hedheeke Daawwitike qachcha hiyyemaake Beeteliheemike qachchibaa me’e. 5 Borreessemo’aa ookko’a me’eemmak ila shiqe’emmaxxe isi’a uwwendemmaxxe Maaraminni weltitemman.

15 Kunnise gosa gosak arduwwi waabi giddo hexxeexxe cingoshaten;

kiilot hana hedheeke huurishsha laakko’emaan;

giddichchuwwatanna bukotishsha mikaan.

17 Gosa gosak arduwwi duuchchi isi edo mitteechchonabaani;

insaa’ne isi edo laakkossa afeebaachchishshaten.

9 Heddo huje hexxeexxi lumoxxi hula ani’a banende’eeni, anee xa’naakiiri kinni heddoke.

10 Tennexxee Philaaxoosinna isoo, «Haasotabexxo atee tikonnaa yookaan fannisonnaa ani baalle afeennexxa ati egendebexxo?» hiyye. 11 Yessuusi isoo hiisseexxi, «Iimi’ni ati’a baalloomi uwwema gopheele ati ane’ni baallooma affattabaan. Tennexxee anee sa’issee ate’ni uwweeke manjo’n saxxeexxe cubbo hexxeen» hiyye.