Legalidades

Kutegeleza vilongozi wa isi

1 Chila munhu kolondeka kuwategeleza weli na ulongozi mui silikali, kwavija ulongozi wose wolawa kwa Mulungu, nawo wolongoza wekigwa na Mulungu. 2 Kwaivo yogalema gaja galagizigwa na vilongozi kogalema malagizo ga Mulungu, nawo wotenda ivo woigalila kulamuligwa wenyego. 3 Walongozi hawawatenda wanhu watenda goya wadumbe, ila kwa wanhu waja wehile. Ivo kolonda sekeumdumbe yeli na ulongozi? Sang’hana ganogile nayo kokwing’ha nhogolwa, 4 kwavija iyo ni msang’hanaji wa Mulungu yosang’hana sang’hano kwambuli yako ubokele ganogile. Mbali wahasang’hana gehile, baho, kolondeka umdumbe, kwavija ni kweli kanao udaho wa kukulamula. Iyo komsang’hanila Mulungu kwa kuwalagusila ludoko lwake waja wosang’hana gehile. 5 Kwaivo kolondeka kuwategeleza weli na ulongozi, sio tu kwavija kodumba ludoko lwa Mulungu, mbali kwavija movimanya kua ivo molondeka kusang’hana.

6 Kwambuli iyo iyo mweye moliha kodi, kwavija vilongozi hao womsang’hanila Mulungu ihawa wosang’hana vija viilondeka. 7 Mwing’heni chila munhu chija chiyalondeka kwing’higwa, munhu yolondeka kwing’higwa kodi, yeng’higwe, na munhu wa kodi, yalihe kodi, na yolondeka kutegelezigwa, yategelezigwe na yolondeka kudumbigwa yadumbigwe.

Kuing’ha wende wenyego kwa wenyego

8 Sekemdaigwe na munhu yoyose, ila mdaigwe kwa kuing’ha wende. Yomwing’ha wende miage koitegeleza ndagizi.

17 Ivo chilongele vuuona. Ivo, cheye yofaya kumliha kodi Mkulu wa Loma hebu haifaya?"

18 Mbali Yesu kavimanya viwotonga vihile kawalongela, "Mweye watenda giladi mbona monigeza? 19 Ndagusileni iyo sente yakulihila kodi!"

Wamwing’ha iyo sente, 20 nayo Yesu kawauza wao, chihanga chino na zina dino da nani?"

21 Wamwidika, "Da mkulu wa Loma." Baho Yesu kawalongela, "Mwing’heni gake mkulu wa Loma, na ga Mulungu mwing’heni Mulungu."

Kuliha kodi ya Nga’anda ya Mulungu

24 Viwavikile Kapelenaumu, wagoga kodi wa ng’anda ya Mulungu waita kwa Petulo, wamuuza, "Ivo, Mfundaji wenu koliha kodi ya ng’anda ya Mulungu?" 25 Petulo kedika,"Ena, koliha." Baho, Petulo viyeingile muing’anda, kabula hanalonga mbuli, Yesu kamlongolela kamuuza, "Simoni, gweye koonaze? Wafaume wa mziisi hukunzanya kodi kulawa kwa yelihi? Kulawa kwa wenekae hebu kulawa kwa nyambenyambe?" 26 Petulo kedika, "Kulawa kwa nyambenyambe." Yesu kawalongela,"Ena ivo, wenekae hawaliha. 27 Mbali kwa vija seke chigombe nao, genda kudilamba ukaloe somba, na umsole somba yasongile kwenzeka, mbalule mlomo wake, na mzinda mwake kovika sente ya kwenela kuliha kodi. Isole kwa mbuli yangu na kwa mbuli yako."

25 "Ilumbe na muhasanyi wako hima kuno mng’hali mzila kuita mchitala. Hebu mhasanyi wako kokugala kwa mlamuzi, nayo mlamuzi kokugala kwa mmilizi, nagweye kogeligwa mdigeleza. 26 Nokulongela kweli, hulawa umo mbaka ikulawe ija sente ya ngama yuudaigwa.

18 Kwambuli yangu mogaligwa haulongozi wa wakulu na wafaume ili mdahe kunilongelela kumwao na kwa wanhu haweli Wayahudi. 19 Ivo, mhagaligwa mchitala, sekemdumbe molonga choni, chipindi chahavika mokwing’higwa gakulonga.

Kuvumbuka kwa Yesu

1 Msimo uja Agusto Mfaume wa Loma kalagiza wanhu wose wa ufaume wa Loma wapetigwe. 2 Ino ikala mala ya mosi ya kwandikigwa mazina ga wanhu chipindi chija Kilenio viyakalile Liwali wa Silia. 3 Wanhu wose waita kwandikigwa, chila munhu kaita kwandikigwa kuikae yake iyaleligwe.

4 Yusufu nayo kalawa kae ya Nazaleti ili Galilaya, kuita, Betelehemu muikae Yudea kae ya Daudi, Yusufu kaita uko kwavija yeye wa lukolo wa Daudi. 5 Kaita uko ili yandikigwe hamwe na Maliamu mwehe yamlavile pamvu nayo kakala na inda,

9 Mulungu kaning’ha nyafasi ya kusang’hana sang’hano ng’hulu hano, mbali hana wanhu wengi wonilema.

10 Baho Pilato kamlongela, "Hulonga na niye? Ivo, huvimanyile kua ninao udaho wa kukulekesa na udaho wa kukuwamba muumsalaba?"

11 Yesu kedika kamlongela,"Uhawilebule udaho kumwangu kama hwing’higwe na Mulungu. Kwa mbuli iyo, ija yanigalile kumwako kana malozo ng’hani.