Livro da vida

20 Luyangalalandi mu dyambu ti mpeve zimbi zilutumimini, kansi yangalaleeno mu dyambu ti nkumbu zeno zi zisonama ku yulu.

3 Ngeye mpe mukundi ani wu kisalu wukwikama, nina kulomba wubasadisa, mu dyambu ti banweni ha kimosi naani mu samuna Musamu Wumbote, bumosi mpe na Kelima na bakundi bani bahiika ba kisalu mu Mfumu, kadi nkumbu zawu zii zisonama mu buuku di luzingu.

8 Bantu bamvimba baa ha luse lu butoto baamusambila, yobobo bamvimba balembolo ba na nkumbu zisonama, tuka ku mbadukulu yi nza, mu buuku di luzingu. Mpe buuku bedyodyo didi di Mwana Dimeme wubahaana bonso munkayulu.

8 Kibulu kiyeeni, kiba kimoyo, kansi kisaala dyaka ko. Kyaatomboka mu bulu dinsisi na kyaazimbala. Bantu ha luse lu butoto, yobobo balembolo ba na nkumbu yisonama mu mukanda wumoyo tuuka mbadukulu yi nza, baayituku bu baayena kibulu, mu dyambu ti kiba, kansi kisaala ko, mpe kyaabwesa yenika dyaka.

Mfundusu yimanunu

11 Mboki, nayena kyandu kikinene kimpembe ki kintinu na yondowo wuba wuzakala hoho. Mazulu na butoto bitina ha ntadisi andi, mpe bibwesa yenika dyaka ko. 12 Nayena bantu bafwa, bantu bamfunu na ba bakwe tyakanga, batelama ha ntadisi yi kyandu ki kintinu. Mabuuku mazibulu. Buuku dihiika dizubulu, ni buuku di luzingu. Bantu bafwa bafundusu bonso bubela mavanga mawu, mpe bonso buwusonama mu mabuuku. 13 Mubu wuvutula bantu bafwa baba mu kati dyandi, lufwa na nsi yi bafwa bavutula mpe bantu bafwa baba ku yawu. Kadi muntu wufundusu bonso bubela mavanga mandi. 14 Batuba lufwa na nsi yi bafwa mu dyanga di tiya. Dyanga di tiya ni lufwa lunzole. 15 Wonso muntu walembolo yena nkumbu andi yisonama mu buuku di luzingu, watubu mu dyanga di tiya.

27 Mwaakota nakani kima ki busafu ko, kani muntu kwe sadilanga bifu bi nkatika bimbi hoti bi luvunu ko, kansi ni yobobo kaka badi na nkumbu zisonama mu buuku di luzingu di Mwana dimeme.

5 Yondowo wunungini, waalwata binkutu bimpembe. Naakatula nkumbu andi mu mukanda wumoyo ko. Mbo namuzaba ha ntadisi yi Tata ani na zimbazi zandi.