Maria

Kuvumbuka kwa Yesu kosimuligwa

26 Muumwezi wa sita wa inda ya Elizabeti, mtumigwa wa kwa Mulungu katumigwa na Mndewa Mulungu kuita mbaka kae ya Galilaya, zina jake Nazaleti, 27 kwa mhambe yafungile pamvu na munhu imwe zina jake Yusufu wa kae ya Daudi. Zina da ino mhambe iyo Malia. 28 Nayo mtumigwa wa kwa Mulungu keza kumwake kamlamsa kamlongela, "Mndewa ka hamwe na gweye, gweye wing’higwe unovu na Mndewa!"

30 Baho mtumigwa wa kuulanga kwa Mulungu kamlongela, "Malia sekeudumbe, gweye kupata ng’hekewa ya Mulungu." 31 Kwavija kopata inda na kulela mwana wa chilume na komkema zina jake Yesu. 32 Nayo kokuwa na Undewa, ivija kokemigwa Mwana wa yeli Kuchanha ng’hani. Mndewa Mulungu komwing’ha Ufaume kama Tata yake Daudi, 33 koilongoza ulelo wa Yakobo halibule uhelelo, na ufaume wake wabule uhelelo!"

Kuvumbuka kwa Yesu

18 Ivo kuvumbuka kwa Yesu Kilisito kukala vino: Malia mami yake Yesu kakala kalaviligwa vilama na Yusufu, mbali wang’hali hawanafunga zengele Malia koneka kamha inda kwa udaho wa Muhe wa Mulungu.

Malia kokwimba wila wakumtogola Mulungu

46 Nayo Malia kalonga,

"Moyo wangu womtogola Mndewa,

47 nodeng’helela kwambuli ya Mulungu mlohozi wangu,

48 kwa vija hanisemwile mtumigwa wake mtumbala mavindi,

manake kulawa sambi ulelo wose wong’hema ning’higwe unovu na Mulungu.

49 Manake iyo yeli na udaho kanhendela mbuli ya uzonza,

Zina jake yaiyeka dinang’hane ng’hane.

50 Ubazi wa Mulungu wowawinza waja wose wamtogole,

kulawa ulelo mbaka ulelo.

51 Kwa vija katenda mbuli ng’hulu kwa udaho wake, na

kapwililisa nhonga za weli na udulu mmioyo yao.

52 Kawahulumusa wafaume kulawa muulongozi wao,

mbali kawenula waja wotumbala.

53 Kaweng’ha nzama weli na nzala vinhu vinogile,

mbali wazenzi kawasegeza bila chinhu.

54 Kamtaza mtumigwa wake Izilaeli,

viyakumbuke lagano jake da kumonela bazi.

55 Kama viyawalalike Tata zetu,

Ibulahimu na ulelo wake bila uhelelo!"

4 Yusufu nayo kalawa kae ya Nazaleti ili Galilaya, kuita, Betelehemu muikae Yudea kae ya Daudi, Yusufu kaita uko kwavija yeye wa lukolo wa Daudi. 5 Kaita uko ili yandikigwe hamwe na Maliamu mwehe yamlavile pamvu nayo kakala na inda, 6 ivo, viwakalile uko Betelehemu, mazua gake kuibasula chimvikila. 7 Kamlela mwanage wachilume wa chaudele na kamvaza vikumbi, kamtambaliza mdidogo disongoligwe da kudila ng’ombe kwavija hawapatile hanhu hakuwasa mzikae za wageni.

19 Mbali Maliamu kazika mmoyo mbuli zose na kuzitonga.

34 Ivo Simeoni kawapulila kwa Mulungu yaweng’he ganogile, na kumlongela Maliamu mami yake Yesu, "Mwana ino kekigwa giladi kwa mbuli ya kwaga na kuloholigwa kwa wanhu wengi muiisi ya Waizilaeli. Iyo kokua kilaguso kulawa kwa Mulungu yonda ilemigwe na wanhu wengi. 35 Na ivo nhonga za wanhu wengi zooneka hazelu na gweye mwenyego, kopata giogio ng’hani."

48 Yusufu na Malia viwamonile wakanganya ng’hani. Malia, mami yake kamuuza, "Mwanangu, mbona kuchitendela vino? Lola nie na tataako chikala chokuzambwila kila hanhu kwa kugwaya." 49 Yesu kawauza, "Habali mnizambwile? Hamvimanyile nilondeka kukala Haikae ya Tata angu?" 50 Mbali wao hawadimanyile dija diyawalongele.

51 Labaho kaita nao mbaka Nazaleti, nayo kakala yowategeleza. Mbali mami yake kazika mmoyo wake mbuli zino zose.

3 Divai viimalile, mami yake Yesu kawalongela, "Divai imala." 4 Yesu kamwidika mami yake, "Mami nokupula sekeunongele cha kutenda saa ya kulagusa ukulu wangu ing’hali." 5 Mami yake Yesu kawalongela watumigwa, "Sang’haneni jojose dondayawalongele."

25 Habehi na msalaba wake Yesu, wakala wemile mami yake na mkulu wa mami yake yani Malia muke wa Kiliopa, na Malia wa Magidala. 26 Basi Yesu viyamonile mami yake na behi nayo kema ija mwaluko yeli na wende nayo, "Kamlongela mami yake, "Mama! Mlole mwanago ino hano."

27 Amala Yesu kamlongela ija mwaluko, "Mlole mami yako ino hano." Kulawila baho iyo mwaluko kamsola mami yake na kukala nayo ukae yake.

Walukolo wakweli wa Yesu

31 Walukolo wake na mamiyake Yesu weza na wema hanze, wamtumila usenga yalawe kuze. 32 Wanhu wengi wamema wamzunguluka kumtegeleza, msenga ija keza kalonga, "Mami yako na walukolo wako wahanze, wokulonda."

33 Yesu kawalongela, "Mami yangu na ndugu zangu iyo nani?" 34 Amala Yesu kawalola waja wanhu wakalile wamzunguluke ubanzi wose, kalonga, tegelezeni, "Mami yangu na walukolo wangu iyo wano wakalile hano! 35 Munhu yoyose yosang’hana goyolonda Mulungu, iyo iyo mkulu wangu, na lumbu jangu na mami yangu."

55 Ivo, ino sio ija Munhu yosongola vinhu va mibiki? Ivo, mami yake sio Malia, na ndugu zake sio kina Yakobo na Yusufu na Simoni na Yuda? 56 Na lumbu zake sio wose chahamwe nao? Ivo kapatahi gano gose?"

14 Wano wose wakala woikunzanya hamwe kupula, hamwe na Malia mami yake Yesu na wanachike wamwenga na waja waleligwe hamwe na Yesu.