Maria

Mary Elizabeth da rwakemie

26 Nah kei herok bekei*, Tinggwang tinggimgwabe Gabriel de Galilee ga Nazareth lie qukela namdi gage langgai, 27 relei kemcipui mipei ge pe zi Joseph lie kecu, David kiriame pei, naurang tei pwa kebam pui dage kai, nah relei kemcipui zi au Mary. 28 Nah tinggimgwabe peda gwang eh rangdi, "Nsuiyi lulo, Tinggwang suibepoi! Rampaube ncu ngngwa la."

30 Nah tinggimgwabe pe dage rangdi, "Ngngi so, Mary, kedanemene Tinggwang ncu ngau pesuilu delu. 31 Nah pielo, nang tetlak luzie, nah mipeina ge de mna lu zie, nah nang pe zi Jisu qu zie.✝ 32 Pa au disüt zie nah pecu Hutube Napei lie quzie, nah Rampaube Tinggwang pe pei David hegwangbam de pecu peu zie. 33 Nah pa Jacob leuhme reu kelungta kedi tei zie, nah pe hegwangram au penli bamlak."

Jisu Khrista de kemna

18 Jisu Khrista de ainzwa mnalu. Pe pui, Mary, Joseph de ngngwa lungh kerane naurang teilu, dede penai ngngwa ncüt kemakne gade, mipuibe Kemci Rabe gade tetlak la kedi cidi.

Mary lei

46 Nah Mary ranggai,

"A keringria Rampaube de twala,

47 nah a rabe acu rikelube Tinggwang gade pesui bamdida.✝

48 Kedanemene pa pe kilabepui hena eh kebam puide pie kegaine.

Kedanemene pielo, cu gade ceheu leune de acu samlam kepungbe pui lie eh qu zieda,

49 kedanemene mapekiene ga Ngkiengtube Tinggwang a dage makedidung tei kegaine,

nah pe zi au mci,

50 nah pe ngaugia au pecu rüt kelame da ceheu ge cai ceheu ge da lazie.✝

51 Pa pe bale makedi tei gaida;

penui mlung kecetdung ngang kelame de pa teizang dida.

52 Pa hegwangmedung de penui hegwangbamdung gade gwagi dida

nah kehename de teucuh dida.

53 Pa kemzeumedung de peu makeyidung le tyei nggei luda,

dede keheime de pa mta eh langgi dida.

54 Pa pe ngaugia de nsung eh,

pe kilabe Israel de nghabeu da,

55 pa anui peime dage rang kebeu nzwa, Abraham nah kelungta pe leuhme dage."

4 Nah Joseph de Galilee ga, Nazareth namdi gade, Judea deu, David namdi Bethlehem lie qu kela ga hangdi, kedanemene pa au David leuhme nah pe kiria mege kecune. 5 Pa hezi rau kera Mary de nzanglwe mie, pe naurang teipwa kebambe puide nah pa au nlaigailak ladi. 6 Nah penai Bethlehem ga kebam dau, pena de mna kera ting gwangdi. 7 Nah pa pe neraibe mipeina de mnalu, nah pa paidung le pecu kezuilu delwe pecu ketumkwak gage kaizeulu, kedanemene hebeuhki ga penui ziemne heni gah kedine.

19 Dede Mary au sam aidungde pelane pe mlung gage kaiteu eh mning ladi.

34 Nah Simeon penaide samlambeu, delwe pe pui Mary dage rangdi, "Ainie, hena ainade de Israel ga mina kekiee kaudi kera nah cuhlu kera ziemne kedetlu nah rang kemmau marehi ge ziemne, ✝ 35 nah kingtie gele n keringria de reu zie, iciu eh mina kekieege lungcet keulialu kerane."

48 Penai pecu ngau luge, penai swagahdi, nah pe pui pe dage rangdi, "Ana, daitei anai dage aiciu gai no? Pielo, n pei anai, anai lung keherei eh ncu peei la lie." 49 Dede pa penai dage rangdi, "Daitei nnai acu peei lano? Ih a Pei ki ga bam maikesia nnai ci meni?" 50 Dede pa penai dage kerang sam de penai cilu tadi. 51 Pecai pa penaide ngngwa Nazareth ga nghunglu nah penai sam mzai bamdi. Dede pe pui ma aidung pelane pe mlung gage kai pwa ladi.

3 Zau cang dige, Jisu pui pe dage rangdi, "Penui zau gah da."* 4 Dede Jisu pe dade rangdi, "Mipoi, cide anai ziemne daipai teilukera ge no? A ting gwangcang mereu lie." 5 Ge pepui kilamedung dage rangdi, "Pa nnui dage rang kebeu leune, teilu."

25 Cu Jisu krus taiga sap kebam caige pe pui, nah pe pui caihereibe pui, Clopas nau Mary, nah Mary Magdalene. 26 Jisu pe pui nah pa ku kela caisuibe de ipau taiga sap kebam ngaulu ge, pa pe pui dage rangdi, "Mipoe, pielo, n napei de!" 27 Pecai pa ledeukelube dade rangdi, "Pielo, N pui de!" Cipauting gade ledeukelube pekatei peki ga pecu ngngwa gwangdi.

Jisu pui nah sinamedung

31 Cidau Jisu pui nah pe siname gwang kisie ga saplu. Penui mide langpwa pecu qu. 32 Nah mina maabe pecu twagwapung ntum bam, ge penui pe dade rangdi, "Ainie! N pui nah n siname ncu peeigwang kisie ga bamlie." 33 Ge pa penui sam keli eh ranggai, "A pui nah a siname cauno?" 34 Ge pa nreugwang pecu twagwapung kebamdung de pie eh rangdi, "Ainie, aika a pui nah a sinamedung! 35 Mina keheibe de Tinggwang suibe tei nah mzai kelume cipaume a siname, a time nah a pui delie."

55 Aipau pei de tsingta keteibe napei meni? Pepui Mary lie qu kelapui de meni? Pe caihereime James, Joseph, Simon nah Judas meni? 56 Pe time pelane de anuide ngngwa bam meni? Iciu cai pa dai gade aidungde pelane ngaulu dino?"

14 Penui pelane ngngwa ket tei eh kekie tei bamla, mipuime nah Jisu pui Mary, nah Jisu sinamedung de si eh.