Maria

Kubhelekwa kwa Ayesu kutendakutangachwa

26 Mu mwehi gwa sita gwa chitumbo cha Aelizabeti Annoongo bhakaatuma Agabulieli antumichi bha kunani Kulihunde gwa Hangwana bhajaule kono mu chilambo cha Kunazaleti kono Kugalilaya, 27 kwa haikege jumo nhenja bhabhankema Amalia bhabhalombwite na mundu bhamo lihina lyake Achupu bha lilagwa cha Adaudi. 28 Antumichi bha Kunani Kulihunde bhakahika na kwaachalimia, "Hangwana bhabhii pamo na mwenga ntekubhalikiwa!"

30 Nambo antumichi bha Kunani Kulihunde bha Annoongo, bhakalobholela Amalia, "Nkontokujogopa Annoongo bhatekuntendela gammbone. 31 Kwakubhehe, mpakupata chitumbo mpakubheleka mwana mwanalome na mwenga mpakumpekea lihina lyake Ayesu. 32 Bhenabho bhapakubhehe amundu bha mamulaka na bhapakwakema amwana bha Annoongo Bhabhabhii Nnani Muno. Na bhena bhapakubhehe ukolo handa atati bhabhe Adaudi. 33 Henela bhapakuchihukumula chilagwa cha Ayakobo machobha goha na ukolo gwabhe ngabhehe na majomokelo!"

Kubhelekwa kwa Ayesu Kilisto

18 Bahi, kubhelekwa kwa Ayesu Kilisto kukabhehe henela, Amalia anyongo bhabhe Ayesu akibha alombwite na Ayusufu. Nambo akibha tangu akakongana na kutama pamo handa analome na haikege, Amalia akabhonekana abhi na chitumbo kwa uwecho gwa Mboomo ja Annoongo.

Amalia bhatenda kwatukucha Annoongo

46 Ngapena Amalia bhakalobhola,

"Ntima ngwangu gutenda kwaatukucha Hangwana,

47 ndenda kuhachuka Mu Annoongo bhabhile amwokochi bhangu.

48 Kwa kubhehe bhatekulolekea kiha bhatekungombokela kuchitulua kwa antumichi bhabhe. Henela kubhokela nangocheni hibhelei yoha hipakungema nenga ndendwile gammbone.

49 Kwa kubhehe Annoongo bhena hakola machili goha bhandendite makolongwa,

lihina lyabhe bhene jika jabhe nga bhammbone muno.

50 kiha jabhe kwa bhandu bhabhaatopea Anoongo muno,

hutama machobha goha chibhelei kwa chibhelei.

51 Bhateendite makolongwa kwa machili gabhe,

bhatekwapwilingania bhabhakolite na mbwinya mu maganikilo ga mu mitima jabhenji.

52 bhatekwabhoa akaapalume kubhoka mu mamulaka gabhenji nambo bhatekwakweanga bhabhachituluanga,

53 Bhabha kweti njala bhatekwajukutia hilebhe yammbone na akola hilebhe bhatekwaleka bhangali chilebhe.

54 Bhatekuchijangatila antumichi jwabhe Aisilaeli,

bhakombokile ahadi jabhe jakwaakolela kiha.

55 Handa chikaalobhelolea akaatati bhitu na handa jibhakaalobholela kwa akahokolo bhitu,

Abulaimu na ubhelehi gwabhe goha machobha goha."

4 Achupu kabhele bhakabhoka chilambo cha Kunazaleti, chichibhi mu chilambo cha Kugalilaya na kujaula mu chilambo cha kubetelehemu chichibhi kuyuda. Achupu bhakajaula konokwe ligongo bhakabhokela mu chilagwa cha Adaudi. 5 Bhakajaulanga konokwe kubhalanganikwa pamo na hanu bhabhe Amaliamu bhakibha bhajukwite chitumbo. 6 Pabhakibhanga konokwe Kubetelehemu, machobha gabhe ga kuchijogola Amalia likaika, 7 bhakachijogola mwana jwabhe mwanalome jwa litibho, bhakanhweka maanjala, bhakang’oneka mu lipelekete lya kubhacha lya kuliha hinyama ligongo bhangapatanga napachi mu nnyumba ja hakaageni.

19 Nambo Amalia bhakahibheka ngani muntima gwabhe na kuganikia.

34 Bahi Asimeoni bhakaapetelanga machi, bhakaalobholela Amalia hanyoongo bhabhe Ayesu, "Nnyoonikie mwana hojojo bhabheelikwe kwa ligongo kugwee na kuokolewa kwa bhandu bhajingi bha Isilaeli. Nabhena apakubhehe chilolelo kubhoka kwa Annoongo hiipakanikwa na bhandu bhajingi, 35 na ili maganikilo ga bhandu bhajingi gabhonekane pangali kuchiiya. Namwenga, mwabhene, mpakubhehe na kuhechuka kukolongwa."

48 Akaabheli bhakwe pabhaakammona bhakakangachanga. Amaliamu anyongo bhabhe, bhakaakonya Ayesu, "Gwe mwanangu nga niki chintutendile henela? Nenga na atati bhinu tutendita kunnolea kongoni tubhile na bhooga." 49 Ayesu bhakaakonyanga, "Kwa niki ntenda konolea? Bholi mwangaimanya kubhehe mbaalikwa kubhehe pa Nyuumba ja Atati bhangu?" 50 Nambo akaabhelei bhabhe bhangaimanya maana gakwe gabhaalongililinge. 51 Ngapena Ayesu bhakabhuja pamo na bhenaangota mpaka ku Nazaleti, nambo anyongo akagabheka genago mu ntima gwakwe.

3 Divai pajikajomoka, anyongo jwabhe akaalobholela Ayesu, "Divai jijomwike." 4 Ayesu akaajangula, "Choonde mwe anyongo, nkotokunobholela cha kutenda. Saa jakutenda lihengo lyangu lyangahika." 5 Ngapena anyongo jwabhe Ayesu akaalobholelanga bhenibhala akaatumichi, "Lyoalela libhapakunnobholelanga, ntendange."

25 Muda gonogwe kubhandikila na nchalaba gwa Ayesu bhakibha bhajemitinge, Amalia, anyongo jwabhe, Amalia alombo jwa anyongo bhabhe jwakibha hanu jwa Akilopa na Amalia bha ku Magidala. 26 Ayesu paakaabhona anyongo jwabhe penipala, na jwaajigana jwabhe jwakaapala muno ajemite penipala, akalobholela anyongo jwabhe, "Anyongo, nnole jonojwe nga mwana jwinu."

27 Ngapena, Ayesu akaalobholela jonijola jwaajigana, "Jonojwe nga anyongo bhinu." Na kubhokela penapo jwaachijigana akaatola Amalia, atame nabho mu nyuumba jakwe.

Anyongolo na akaanung’una bha kweli bha Ayesu

31 Anyongo bhabhe Ayesu na akaanung’una bha Ayesu bha kweli bhakahikanga penapo, bhakajemanga panja, bhakaatuma amundu bhaakeme Ayesu. 32 Bhandu bhajingi bhakibha bhatamitinge kwa kwaatimbilila Ayesu, nabhena bhakaalobholela, "Anyongo bhinu na akaanung’una bhinu bhabhilinge panja, bhapalanga kummona."

33 Ayesu bhakaakonyanga, "Anyongo bhangu na akaanung’una bhangu nga achiganiki?" 34 Ngapena bhakaalolanga bhenibhala bhandu bhabhatamitinge kwa kwaatimbilila kila upande, bhakalobhola, "Nnyoonikie! Habhabha bhabhanyoanikianga nga akaanyongo bhangu na akaanung’una bhangu bha kweli! 35 Amundu bhoabhala bhabhatenda gabhapala Annoongo, bhenabho nga apwanga bhangu, na alombo bhangu, na anyongo bhangu."

55 Hojo mwana nga jonijola apundi chelemala? Bholi, anyongo bhabhe ngati Amalia, na akaapwanga mundu ngati angota Ayakobo na Ayusufu na Asimoni na Ayuda? 56 Bholi, akaalombo mundu nga bhoa bhabhabhilinge pambani na tweenga twabhoa? Bahi, bhapatite koji haga goa?"

14 Habha bhoha bhakapundanga kondekananga pamo na kujopa, pakati jabhenji akibha Amalia anyongolo bhabhe Ayesu, na anung’una bhabhe Ayesu.