Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Nankuma, muomu vana vaje valipangela muvila na maninga, na ikeye vavenia naua uambateleko cifua cimo ca vuntu, ngeci kuhitila mukutsa cendi linga anongese uje ali na nzili ya kutsa, ikeye uje Liyavolo, nakupatula voshe vaje vakele na liova lia kutsa na kuyoya vuyoye vua vundungo.
Omo cije cakunonga nga cizala cije cakuhonoua kunonga kaha cije cakutsa nga cizala cije cakuhona kutsa ambahoni cilishulisise kuhandeka cije civanasoneka nguavo, "Kutsa vanacimanusula mu kuhiana!"
"Tala kutsa, nkuma kuhiana cove cili kuli?
Tala kutsa, nkuma vusungu vove vuli kuli?"
Vusungu vua kutsa vuapua vupi, kaha nzili ya vupi yapua lishiko lia Mosesa. Vuno honi tutsantsela kuli Njambi uje akatuhana kuhiana kuhitila muli Muene uetu Yesu Kilistu.
Kaha hakutumbuitika, tuatsile hamo nendi kaha vatutsindile hamo nendi, ngeci, ngue omo Kilistu vamusanguile ku vatsi na vumpau vua Ishe, ngeci netu tunapande kuyoyela mu muono uauha.
Muomu nga tunapu hamo nendi mu kutsa cendi, mu ngila eyi vene tukapua hamo nendi ha kusanguka cendi.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
"Muavusunga njimileka nguange, uoshe evua lizi liange na kutsiliela kuli uje uanjitumine alina muono uayaye, naua kuvakamusompo vuno honi nahumu ku kutsa nakovela ku muono.
Yesu uahandekele kuli ikeye nguendi, "Yange kusanguka na muono, voshe vaje vatsiliela muli yange, cipue vakatsa, vakayoya naua,
Muavusunga njimileka nguange, uoshe aniunga lizi liange kakatsiho."
Muomu Njambi uazangele vaka mavu cikuma ngeci uahanene Munendi umolika, linga uoshe atsiliela muli ikeye keti akanonge vuno honi akale na muono uayaye.
Kukuesi liova mu cizango, vuno honi cizango ca vusunga cikahumisa liova. Muomu liova lineha kashitiko. Uoshe uje ali na liova kapu ua vusunga mu cizango.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
Kaha keti muivuile liova vaje vatsiha lika muvila vuno honi kuvasa kutsiha muono, vuno honi ivuileni liova uje asa kunongesa muono na muvila mu ngehena.
Akahunda masozi oshe ku mesho avo, kaha kutsa kucikakalako naua, cipue vusiua, cipue kulila, cipue kuvua kuvavala, muomu viuma vioshe via laja vinahiti."
Keti muvue liova lia tuyando tuje tuli nakuija. Taleni, Liyavolo akahaka vamo veni mu kamenga mukumieseka, kaha mukakala mu mapakeso ha matangua akupua likumi. Pueni vakulongua cipue vene naku ku kutsa, kaha njikamihana cilongo ca muono.
Ngue muvanasoneka mu visoneka nguavo, "Uoshe uje akasana lizina lia Muene mu kumukuasa akovoka."
Ngue muvanasoneka mu visoneka nguavo,
"Muomu ya lizina liove tuli mu vushonde vua kutsa ntsimbu yoshe,
valina kutupangesa ngue vampanga vaje vaya mukuvatsihia."
Houe, mu viuma vioshe yetu tunahiana muli ikeye uje uatuzangele! Muomu njazivuka nguange muavusunga nacimo cahi casa kutuhumisa ku cizango ca Njambi, cipue kutsa cipue muono, cipue tungelo cipue vaka kusuana, cipue vaka nzili vaje vakala muilu, cipue ku ntsimbu ino vene cipue ku ntsimbu ya kulutue, cipue cuma cili muilu, cipue cuma cili ha mavu, nacimo cahi cakutanga casa kutuhumisa ku cizango ca Njambi cije cinapu cetu kuhitila muli Kilistu Yesu Muene uetu.